Jenesis 10
10
Nuarin tas alupas 10.
1 Ilpu mapoi Noa. 2 Ilpu hal u Jefed. 6 Ilpu hal u Ham. 8 Nimrot natimarid uhup. 21 Ilpu hal u Sem.
1ERA ilpu mapoi Sem, im Ham, im Jefed, ehtaij halav atamaig u Noa ara sji igki: is ti pan itac nopan nahgarero vaig nobohtan, ja ehtijis par apos ilpu halav atamaig ahtaij.
2Eris ilpu hal u Jefed ara sji igki, nan, Comer, im Mecoc, im Mateai, im Jevan, im Tubal, im Misek, im Tairas.
3Ehtijis hal u Comer ahtaij, nan, Askenas, im Raifad, im Tocarma.
4Eris ilpu hal u Jevan ara sji igki, nan, Elaisa, im Tarsis, im Kitim, im Totanim.
5Eris ahes irai ra sji igki a nup urai iji pece haklin; eris lep ahai ra ara, is idivaig niji tas ura, im ilpu eteuc ira ra, irai iji pece ura, athi um athi ehni.
6Eris ilpu hal u Ham ara sji igki, nan, Kus, im Misreem, im Fut, im Kenan.
7Eris ilpu hal u Kus ara sji igki, nan, Siba, im Havila, im Sabta, im Reama, im Sabteka: erus hal u Reama a Siba, im Titan.
8Is apos Nimrot a Kus: is atupun aien um esjilid an nobohtan.
9Is eucsupo emda aien an nuhup u Ihova: va nitai inigki, eris ika, Et idivaig Nimrot, neucsupo emda an nuhup u Ihova.
10Is atupun aien um atimarid an nuarin pece Bebel, im Irek, im Akat, im Kalni, an pece Sainar.
11Is apan Asiria aien, um actaig inmaliyum Ninevi, im lep inmaliyum Rihobod, im Kela,
12im Risen, juju an niblai Ninevi, inmaliyum alupas iyehki, im Kela.
13Eris ahes ehele Misreem, retpoi nup Ijipt, a nup u Litia, im nup Enam, im nup u Lihab, im nup u Naftuha,
14im nup u Pedros, im nup u Kasluha; eris ahes ehele ra a nup u Filistia, im nup u Kaftor.
15Is apos Saiton inhal o un inmeto a Kenan, im Hed;
16Eris lep ahes ehele Kenan a nup u Jibus, im nup Emor, im nup u Circas,
17ira nup u Haivai, im nup Arka, im nup u Saine,
18im nup Arvat, im nup u Simar, im nup u Hemad: ja eris par terimterim an nobohtan a ilpu mapoi Kenan.
19Is ahes Saiton nahaijin pece u nup u Kenan, um yetpan Cesa, an nefalaig alaig Cirar, um yetpan Sotom, im Comora, im Atma, im Siboem, um yetpan Lesa.
20Eris ilpu hal u Ham ara sji igki, is idivaig ilpu eteuc ura, im niji tas ura, wai iji pece ura, im lep irai iji elcau ura.
21Is lep asvalav a Sem, etpoi nup Iber asega, im etwai Jefed inmeto, is idim asvalav aien.
22Eris ilpu hal u Sem ara sji igki, nan, Ham, im Esur, im Arfaksat, im Lut, im Eram.
23Eris ilpu hal u Eram ara sji igki, nan, Us, im Hul, im Gider, im Mas.
24Is apos Sela a Arfaksat; is apos Iber a Sela.
25Is apos inhal o un is ero a Iber: nidan is ethi Pilec; eris ahaig nobohtan au nopan umoh o un; nidai etwan Joktan.
26Is apos Almotat a Joktan, im Silef, im Hesarmeved, im Jira,
27im Hatoram, im Usal, im Tikla,
28im Obal, im Abimeel, im Siba,
29im Ofir, im Havila, im Jobab: eris ilpu hal u Joktan ara sji igki asega.
30Eris amen Misa ara, um yetpan Sifar an lolan nedoon is ethi an ridjai o un.
31Eris ahes ehele Sem ara sji igki, is idivaig ilpu eteuc ura, im niji tas ura, irai iji pece ura, im lep irai iji elcau ura.
32Eris ilpu mapoi ehtaij hal u Noa ara sji igki, is idivaig ilpu eteuc ura, irai iji pece ura: eris ahaig niji pece asega an nobohtan ira ra ara sji igki, an nopan iyehki is ti pan itac nahgarero u inwai.
Currently Selected:
Jenesis 10: VAO63
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Vanuatu Bible (Intas Etipup) © United Bible Societies, 1863, 2019.