isizwur 15
15
lwrt lli‑s‑iqawl rbbi i‑abram
1tigira n‑mayan yašk‑id‑wawal n‑sidi rbbi i‑abram ġ‑twaẓrit yini‑as: «way‑abram, ad‑ur‑tiksaḍt. nkkin a‑igan antal‑nk, gġ walli‑k‑ijazan s‑lh̬ir.» 2isawl‑d abram irar‑as: «wa sidi rbbi, man lh̬ir a‑rad‑iyi‑yili, lliġ a‑zzrayġ tudrt‑inu bla tarwa? kullu mad‑ṭṭafġ, ra‑t‑iwrt liɛazr gu‑dimašq.» 3izayd abram yini: «hati yan zġ‑willi iluln ġ‑ih̬iyyamn‑inu a‑rad‑iyi‑ig awrrat, ašku ur‑iyi‑tfkit arraw.» 4yašk‑id‑wawal n‑sidi rbbi ġakudan i‑abram yini‑as: «urd ġwan a‑ra‑ig awrrat‑nk. ašku yuk lli‑ra‑tarut, nttan a‑ra‑k‑iwrt.» 5yawi‑t rbbi s‑brra yini‑as: «mnad‑n ġ‑ignwan, tḥasbt‑n itran iġ‑tẓḍart a‑tn‑tḥasbt. ġmkan a‑ra‑ig‑wamud‑nk.» 6yamn abram sidi rbbi ġakudan, ig‑t rbbi d‑wad‑f‑irḍa, 7yini‑as: «nkki giġ wad bdda illan, gġ ġwalli‑k‑id‑yiwin zġ‑tmdint n‑ur n‑ayt‑kaldan f‑ad‑ak‑fkġ tamazirt‑ad a‑stti‑teṭṭaft.» 8isqsa‑t abram ġakudan: «wa sidi rbbi, mamnk a‑s‑rad‑issanġ izd s‑ṣṣaḥt ra‑stt‑ṭṭafġ nkki?» 9yini‑as: «awi‑yyi‑d yat‑tmugayt dar kraḍ isggʷasn, d‑yat taġaṭṭ dar kraḍ isggʷasn, d‑yan‑izimmr dar kraḍ isggʷasn d‑yat‑tmilli d‑yat‑ttbirt.» 10yawi‑as‑tn‑d abram ibbi‑tn ibḍu‑tn f‑mnaṣṣ, isrs kraygatt mnaṣṣ ġ‑umnid n‑gʷmas, imma igḍaḍ isrs‑tn‑in bla‑tn‑ibbi. 11d‑ġakud nna‑d‑gguzn igadrn f‑tġrṣiw, ar‑tn‑iṭṭay abram.
12lliġ a‑n‑teṭar tafukt, ign abram yawi‑t‑in‑iyṭs iẓẓayn, ḍrnt‑d fllas tugtt n‑tillas ssiwidnin. 13isawl‑d srs sidi rbbi ġ‑twargit yini‑as: «sfld a‑tissant ma‑ra‑ijru. han amud‑nk rad‑gn iġribn ġ‑yat‑tmazirt lli‑ur‑igin tinsn. rad‑gis‑gn ismgan, ar‑tn‑ssdullun ayt‑tmazirt‑an kkuẓ id‑miyya (400) n‑usggʷas. 14walaynni rad‑utġ lḥukm f‑ayt‑tmazirt‑an lli‑tn‑igan d‑ismgan, ssufġġ‑tn‑d zġ‑gis tigira, asin‑d didsn lh̬ir iggutn. 15kiyi ra‑truḥt s‑sslamt dar imzwura‑nk, ttyawmḍalt tigira n‑tudrt iġzzifn tfulki. 16imma ntni rad‑d‑wrrin ġ‑tis kkuẓṭ n‑tasutin‑nsn, ar‑tɛmmarn tamazirt‑ad n‑ayt‑amur, ašku ayt‑amur ur‑ta‑kmmiln lh̬ʷšanat‑nsn.»
17truḥ ilmma tafukt ḍrnt‑d tillas, imikk s‑di‑tban yat takat s‑lɛafiyt d‑wawwu iggutn, tzri zġ‑gr igzman n‑tġrṣiw. 18iskr sidi rbbi ġakudan lɛhd ġ‑gras d‑abram yini‑as: «amud‑nk a‑mi‑rad‑fkġ akal‑ad kullut, zġ‑wasif n‑miṣr ar asif n‑furat imqqurn, 19fkġ‑asn gis timizar n‑ayt‑qin d‑ayt‑qaniz d‑ayt‑qadmun 20d‑ayt‑ḥit d‑ayt‑fariz d‑ayt‑rafaɛ 21d‑ayt‑amur d‑ayt‑kanɛan d‑ayt‑girgaš d‑ayt‑yabus.»
Currently Selected:
isizwur 15: SHILOT20
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Selected Old Testament in Tashelhayt (Latin script) © United Bible Societies, 2020.
Robert Bernard Dann.
