Smnlean 6
6
Qnnaqah Seediq
1Prading mrana bobo dxeral ka seediq, dmanga laqi rseno ma mqedil ciida, 2dlaqi Utux Baro we qmita knbtunux qtaan ka dweewa seediq de mmhemuc gmao ma ngalun daha mqedil daha nanak. 3Rmengo ka Utux Tmninun: “Ado mquri heyi ka seediq de, uxe meeniq ckceka heyi daha ani betaq knuwan ka Bgihur mu. Ani so kiya, knuudus daha we betaq 1'20 knkawas nana.” 4Ciida we niqan ka seediq paru riyung, bobo na we ida niqan uri. Dlaqi Utux Baro we msuupu mtaqi dweewa seediq ma tmlaqi laqi laqi daha. Dlaqi nii we kiya ka niqan bale beyax ma seediq niqan ngayan cbeyo.
5Utux Tmninun we, qmita teyal ba qnnaqah noda seediq, lhebun daha we wano ooda naqah ka lnglungun daha klaali. 6Utux Tmninun we gmhawan smnlean na seediq bobo dxeral, ckceka lhebun na we sqnaqah na ba kuxul. 7Rmengo ka Utux Tmninun: “Sliqun mu peeyah bobo dxeral kana ka seediq smnlean mu, camac, kuyi ma, qbheni skiya karac baro. Ado gmhawan mu smnalu ka dheya.” 8Wano Noax ka maangal huwe berah Utux Tmninun.
Smmalu Asu ka Noax
9Nii we lutuc lqlaqi Noax. Noax we seediq msderux noda, seediq mttuku meniq knxalan na ciida. 10Tmlaqi 3 laqi rseno ka Noax, kiya ka Sem, Xam ma Yepet.
11Dxeral nii we ga mnaqah berah Utux Baro da, gisu stngayan mttraqil ka ani inu. 12Utux Baro we pooda doriq qmita bobo dxeral. Tai, ga mnaqah da. Ado noda daha kana muudus niqan heyi ma dara ga meniq bobo dxeral we naqah kana da. 13Rmengo Noax ka Utux Baro: “Meniq berah mu we, wada dehuk ka qnhdean kana muudus niqan heyi ma dara, ado dheya we ga stenge mttraqil. Tai, spuun mu smeeliq ka dheya ma dxeral nii. 14Isu we geegi mkere ba qhuni ma smlei 1 asu su nanak. Ptyusi smalu nniqan ka truma na, rcuhi geluq ka kana truma ma nganguc asu. 15Kuso nii ka ssmalu su asu: Qndisan na we 3'00 sese, kglahang na we 50 sese ma, tnugkadan na we 30 sese. 16Peeyah bobo asu, 1 sese we pniqi beling dnamux. Pniqi baang asu ka rhengun na. Truma asu we ptyusi mtgbaro, ckceka, tgtoma ma mp3 tntunan. 17Tai, pyahun mu rnecux ka bobo dxeral, meyah smeeliq kana heyi ga niqan knuudus ka muudus niqan heyi ma dara. Mphuqil kana ka bobo dxeral. 18Kiya de, yaku we mpsdehu ku sunan. Isu ma lqlaqi su, mqedil su ma ina su we maha mremux asu kana. 19Kana lmlamu camac niqan heyi we, ngali pnkingal kseedan, kiya de balas ma gipu posa truma asu. So maha mntena isu mpeniq knuudus daha. 20Lmlamu klegan qbheni, lmlamu klegan tnbegan ma, lmlamu klegan camac mkkarang dxeral. Ngali pn1 kseedan mmaha isu hiya. So maha mpeniq ka knuudus daha. 21Ngali ka lmlamu uqun namu, psseli smeku hiya, kiya ka uqun su ma uuqun daha.” 22Kiya de wada meepah ka Noax da. Kana rnengo Utux Baro we wada na skkngalun qmeepah kana.
Currently Selected:
Smnlean 6: Stgdaya
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
The Bible Society in Taiwan, 2020
© 台灣聖經公會版權所有，2020
