TOWUNÖT 2
2
1Kïlenyona, kwighisyö yïmwöy nko ngwïny nko tïkwïn löwïr cho mi oringwa. 2#Epr 4:4,10. #Wuw 20:11. Otini kitïta asispa mut nko odeny, kuwany Tororöt ighisyenyi nyo kighöy akumuny ompö ighisyewutkachi löwïr. 3Kusoyön Tororöt asispa mut nko odeny akïngot kïlïkwï asis nyo tïlil ompöwölo asisoni nyini kimuny Tororöt ompö ighisyenyi nyo pö towunöt. 4Lenye nyï wölo kikida yïmwöy nko ngwïny.
Para Eden
Otini kigh ECHOTYON Tororöt yïmwöy nko ngwïny, 5kimöminye ket cho kimi ngwïny akimöminye kösïgh cho kipit, ompöwölo kitomönye kïropönchï ECHOTYON Tororöt ngwïny akimöminye chi nyo kingor ngwïny. 6Wölo kïngetunö kapuret ngwïny akupïs kor kïmïkul.
7 #
1Kr 15:45. Atolapay kwigh ECHOTYON Tororöt chi ompö nyïngwïtyan akumungchï sörunöyichi söpon, kïlïkwï chichay ighan nyo satate.
8Atolapay kwigh ECHOTYON Tororöt par ompö Eden, wölo kile kongasis akutö wöloni chichay kigh nyinte. 9#Ngo 2:7; 22:2,14.Akwigh kïpita wöloni ket anka tïkwïl nyo karam nyo yiyu akwa cho karamach cho mïchini kïlïkwï omisyö. Kimito kwenu paranoni ket pö söpon nko ket nyo kinkïtuno kïgh nyo karam nko nyo gha.
10Kimi lalwa wölini le Eden nyo kiyinchini paranay, kïchagh kegh lalwanay kïlïkwï angwan. 11Kïkuro nyo pö tagh Pisyon, kiyinta lalwanoni kuwit koro Apila kïmïkul. 12(Kimi koltinö cho pïchighöch wöloni akimito mwowöy tïkwïl cho ngutoy cho pö töngönchin, cho mömicha walaka cho lata choni nko koghïn cho pö olyot nyo wow.) 13Kekurö lalweto odeny Kion, kiyinta lalwanoni kuwit koro Kus.#2:13 Kus: Mesopotamia anta Etopya. 14Kekurö lalweto sömök Tikris, kiyinta lalwanoni kutang okumpö kongasis nyo pö koro Asirya. Kekurö lalweto angwan Yuparet.
15Atolapay kutö ECHOTYON Tororöt chichay paranay pö Eden tökïyap akïrip. 16Kïlenchï ECHOTYON Tororöt chichay, “Imukenyi ntyam akwa löwïr cho pö ket anka tïkwïl nyo mi paranï, 17wölo meam akwa ketay kinkïtuno köromnyö nko ghöyityö, ompöwölo imeghenyi asisini kyamanyi akwechoni.”
18Atolapay kïlö ECHOTYON Tororöt, “Melö mïchini kïtöpö chi onkït. Oghchinan nyinte kingörokin nyo mïchini.” 19Kïlenyona, kïchenga ngwïny nyïngwïtyan akwigh tyonkïn löwïr nko törit löwïr, atolapay kwipï chichay kura tökïmïnchï chane kaynötut akï kaynat anka tïkwïl nyo kimïnchï chichay tïkuchoni le ighan, kï choni cho kilïkwï kaynötutkökwa. 20Kïlenyona, kïmïnchï chichay kyak cho kïpöghöy kaynötut lapay nko törit nko tïpö wudïn wölo kimöminye nyo le ompö akonga nyo kimïchï kïlïkwï kingörokintenyi.
21Atolapay kwigh ECHOTYON Tororöt chichay kïsïch rïwön nyo nïkis akwotini kimi rïwön, kïcheng karasyanta chichay nyo le akonga akuyenö peny otini. 22Kwigha ECHOTYON Tororöt korka karasyantanay, akwipchï chichay. 23Kïlö nyu chichay,
“Nyoman! Anyï nyu kowo koyechan,
akï pempö pentönyan.
Kïkuro nyinte ‘Korka,’
ompöwölo kakïchengunö nyinte mïrön.”#2:23 mïrön: Ompö Eprania kïkarkegh korka nko mïrön.
24 #
Mat 19:5; Mrk 10:7-8; 1Kr 6:16; Eps 5:31. Nka nyay pïstoy chi kwanta nko kame akïtuyö nko korkenyi akïlïkwï chane por akonga.
25Kichïrut chichoni nko korkenyi, wölo kimasïwacha lalïyanat.
Penyata ptangengmöt
Currently Selected:
TOWUNÖT 2: PIPÏLIA
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
©Bible Society of Kenya, 2019
