Genesisi 5
5
Liveleko la Adhamu
(1 Makronika 1:1-4)
1Adiya dibhuku da liveleko la Adhamu.
Mbimo yi Txizimu txi nga vanga m'thu, txi mmahile a txi fanana ni Txizimu. 2#Wona ni ka: Mat. 19:4; Mar. 10:6. Txi to va vanga wamwamna ni wamsikati, txi va katekisa. Txi va ningile ditina daku M'thu, ka ditshiku dile txona txi nga va vanga ngu dona.
3Adhamu a ti ni 130 wa malembe a tanga, mbimo yi a nga veleka mwanana wo fana nayo khohe ni mmidi, awu a nga mraya ditina daku i Sete. 4Msana ka kuva a di velekile Sete, Adhamu a hanyile kambe 800 wa malembe, se a velekile vanana va mazambi ni vamahorana. 5Mtengo wa malembe a kuhanya ka Adhamu i 930. Se ngu msana a to fa.
6Sete a ti ni 105 wa malembe, mbimo yi a nga veleka Enosi. 7Msana ka kuvelekwa ka Enosi, Sete a hanyile kambe 807 wa malembe, e veleka vanana va mazambi ni vamahorana. 8Kotshe kuhanya ka Sete, 912 wa malembe; ngu msana a to fa.
9Enosi a di ni tanga ya mtxhanu ni mune wa magumi a malembe, a to veleka Kayinani. 10Msana ka kuvelekwa ka Kayinani, Enosi a hanyile kambe 815 wa malembe. A velekile vanana va mazambi ni vamahorana. 11Se otshe masiku a kuhanya ka Enosi, nga 905 wa malembe.
12Kayinani, wa tanga ya mtxhanu wa magumi ni magumi mambidi a malembe, a velekile Mahalaleli. 13Msana ka kuva a di velekile Mahalaleli, Kayinani a to hanya kambe 840 wa malembe, se e veleka vanana va mazambi ni vamahorana. 14Kotshe kuhanya ka Kayinani nga 910 wa malembe, ngu msana a to fa.
15Mahalaleli, wa tanga ya mtxhanu wa magumi ni dimwedo malembe, a to veleka Jaredhi. 16Msana ka kuva a di velekile Jaredhi, Mahalaleli a hanyile kambe 830 wa malembe, a di velekile mazambi ni mahorana. 17Kotshe kuhanya ka Mahalaleli nga tanga ya 895 wa malembe.
18Jaredhi wa tanga ya 162 wa malembe, a to veleka Enoki 19Ngu msana ka kuva a di velekile Enoki, Jaredhi a hanyile kambe 800 wa malembe, e veleka vanana va mazambi ni vamahorana. 20Kotshe kuhanya ka Jaredhi, nga 962 wa malembe; ngu msana a fite.
21Enoki a di ni tanga ya mtxhanu wa magumi ni dimwedo, ni mtxhanu wa malembe, a to veleka Metusela. 22Ngu msana ka kuvelekwa ka Metusela, Enoki a to tsimbila kumweko ni Txizimu 300 wa malembe, e veleka mazambi ni mahorana. 23Kotshe kuhanya ka Enoki nga 365 wa malembe. 24#Wona ni ka: Vaheb. 11:5; Jud. 14. Se Enoki a tsimbite kumweko ni Txizimu; se kha wonwa kambe aniko, Txizimu txi ti tekete ene.
25Metusela, wa tanga ya 187 wa malembe, a to veleka Lameki. 26Ngu msana ka kuvelekwa ka Lameki, Metusela a hanyile kambe 782 wa malembe, e veleka vanana va mazambi ni vamahorana. 27Kotshe kuhanya ka Metusela nga tanga ya 969 wa malembe, ngu msana a to fa.
28Lameki, wa tanga ya 182 wa a malembe a to veleka mwanana. 29Se e mraya ditina daku#5:29 Vaheb. Nowa, ti wombako ku kuhumula. i Nowa, a txi khene:
“Mwanana wuwa a na hi thavelela kukaralani kwathu, ni kuxuphekani ka mithumo ya manza athu, ka mafu awa Mkoma a nga ma ruketela.” 30Ngu msana ka kuvelekwa ka Nowa, Lameki a hanyile 595 wa malembe, a to veleka vanana va mazambi ni vamahorana. 31Kotshe kuhanya ka Lameki nga 777 wa malembe, ngu msana a to fa.
32Nowa a di ni 500 wa malembe, a to veleka Semi, Kame ni Jafete.
Currently Selected:
Genesisi 5: BEC2016
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
A Bíblia em Txitxopi © Bible Society in Mozambique, 2016.
