lu-K To L 22
22
yu-d ny ye-su tA wu: z n, m gw jE mLO m
(m 26:1-5,14-16. Ko 14:1-2,10-11. yo 13:2,27)
1vi-Ko-paiI be myEH tO mI jU:-hL-m:-ho:-m-PU;-z-m pai n: nL: lO lo= 2#lu 20:19. go lE ny ti P wu dU rE su buO be To L bo P bu nyI ye-su tA a li be se; w n, m yi cE, hw tyO lo= a lio bA ny yi w n: p xy bu tA joHO lo= 3go TA s-dA ny Fi nyi: ro kw mI K,-lio-P myEH tO m yu:-d: ni, m kw dU: leO lo= 4go lE ny yi je siI ti P wu dU rE: su buO be wu-s vi d: m jU: su si: P #(22:4) si xy vi lo. su mA; si: P= bu lA PA, kw ye-su tA a li be lA; jE kD n, mI yi wO be gw jEO lo= 5yi w ny ni, Pu si yi tA PuY gL j moO lo= 6go lE ny yi d: to, siI l Fo yi zu m: ty kw yi tA yi w lA PA, kw lA; jE kD n, m yi pL. hw tyO lo=
lo, yeO Ti hw, m vi-Ko-pai z z:O m
(m 26:17-19,26-29. Ko 14:12-16,22-25. 1 lE 11:23-25)
7 #
do 12:18-20. vi-Ko-pai ti du a ro R se; ti gL nAO mI jU:-hL-m:-ho:-m-PU;-z:-m vy; nyi Ci lO lo= 8go lE si ye-su ny Pi-TEO be yo-v tA fi Ju kD si yi w tAI pai z: du ro z: n, mI vi-Ko-pai nu w j: gL yeI bA gLO lo=
9yi w ny yi tAI nu Vw nu: tA a li kw j: gL fi ni, xUO loH:I bAO lo=
10yi ny yi w tA TE lE bAO loI nyi n,I nu w lo PE kw dU: le nyI yiY jy Ti nE. lE: beY pE. tO m l Fo Ti ro tA nu w to, zoO Vo= go lE ny yi dU: jeO m go Ti viY kw yi tA Co dU: je= 11go lE si vi siH P tAI m. P le nu tA TE lE bAO loI VwO be Vw Co PA, bu Ti wH; vi-Ko-pai z du z: n, mI weH R ko, a li kw V loH:I bAO loI be bA gL= 12go lE ny yi n: zoY ko, kw rE: du mu du a jU kL tO m yi d: m Ti ko, nu w tA mo. gL lO Vo= go lE si nu w go kw j: gLI bAO lo=
13 #
lu 19:32. go lE ny yi w je si ye-su yi w tA bAO mO le be moO lo= go lE si vi-Ko-pai z: du yi w j: gLO lo=
14yi jU, Ci lO TA ye-suO be fi du buO mi Ti wH; koH tyO lo= 15yi ny yi w tA TE lE bAO loI Vw m: x jU TA leI vi-Ko-pai TE m nu wO be Ti wH; Vw a KL z: ni, xUO lo= 16#lu 13:29. a lio bA ny Vw nu w tA bA gLO nyiI wu-s kuD nAS kw m: bi l T po #(22:16) wu-s kuD; kw vi-Ko-pai tA gu tO m yi m. mi m: bi l T po= ny TE m tA Vw m: z:oI bAO lo=
17yi ny lu kL. ru si x mo kD ny TE lE bAO loI TE m nu w ru t si a jU su bEY do= 18a lio bA ny Vw nu w tA bA gLO nyiI TE lE go po wu-s kuD Ci lO kw CiI CE; lE sL wu: yiY Vw m: doYoI bAO lo=
19 #
1 lE 11:23-25. fi 27:35. go k nA ye-su ny xw PU; ru siI yi x mo gL kD nyI vL, si yi w tA gL si nyiI TE m n: nu w bE L gL kDO m Vw go dE V lo= nu w Vw tA dU: j Ci l n, m TE lE yeI bAO lo=
yi tA wu: z:O m bA m. gLO m
(m 26:21-24. Ko 14:18-21. yo 13:21-30)
20 #
do 24:8. ye 31:31. cy 9:11. z z: kD k nAO mi go mO le be lu kL. ru siI lu kL. TE m nyI nu w bE L ho. kD m Vw xU: le ye tO m KL: xU: xU; V lo= 21#yo 13:21,22. nyi n,I Vw tA wu: z: su lA PA ny s: l kw Vw lA PAO be Ti leW ce, FO lo= 22l Fo a bi n: hL. TA le fe, tO mO le be je n kD leO Vo= go lE VO mi yi tA wu: z: su go Ti ro n: x jUO VoI bAO lo= 23go lE si yi w ko lo kw TE lE ye su a li Ti ro V mI yi w Co: yi w n nyi lA Ko tu lO lo=
wu:O m ye ni, xU su tA m. gLO m
(m 20:25-28. Ko 10:42-45)
24 #
lu 9:46. Co PA, bu ko lo kw yi w ny a li Ti ro w zi wu:O loI be hoH lA Ko tu lO lo= 25go lE ny yi yi w tA TE lE bAO loI bL: Fo w ti bu ny yi w tA jU:O lo= fai yi w TA si jU: w jo su tA ny rE Ce siH PI be KuO lo= 26nu w n: go lE m: V= nu w ko lo kw wu: su n: Fi; ro suO le be ye nAO lo= wu. dU rE suO mi rE: j suO le be ye nAO lo= 27#yo 13:4-14. z z:O kw koH ty suO be rE: j ty su nyI a m wu:O loH:= z z:O kw koH ty su wu:O lo m: V lH:= Vw n: nu w ko lo kw rE: j suO le be V lo= 28Vw tA R, nyiO m kwI a TA mi VwO be Ti wH; ty su n: nu w V lo= 29-30#lu 12:32. #m 19:28. go lE si nu w ny Vw kuD nAS kwI Vw s: l kw mL z: mL doY n, mI Vw b, b Vw tA gL j moO mO le beI VwO mi nu w tA kuD Ti m #(22:29-30) V ny w: ti jU: w Ti xU: gLO Vo= fai nu w ny jU: nyi. Ti kw nyi. n. siI yi-sD-le Fi nyi: wo; tA bA mu KL:O Vo=
siH P tA Pi-TE m: rDn. m hL TA le bA m. gLO m
(m 26:33-35. Ko 14:29-31. yo 13:37-38)
31 #
2 lE 2:11. a 9:9. si-mu:oI si-mu:oI nyi n,I s-dA ny nu tA xwHO le be Vo: w n, m de: kDo= 32#yo 17:11,15,20. gw 51:13. go lE VO mi nu jUY ni, m: byH le n, mI Vw nuY bE L de: kDo= go lE si nu Po, yi; l k nAI nu yi; nu nyi bu tA TLY le fiI bAO lo=
33Pi-TE leI siH P:oI bE du: kw VO miI xUY gu kw VO miI Vw n: nu tA Co je n, m j: gL tO loI bAO lo=
34go lE ny ye-su leI Pi-TEoI Vw nu tA bA gLO nyiI nyi. me a B. P m: bUY TA leI nu Vw tA sDO mI s hw, m: rDn. be kD leO VoI bAO lo=
35 #
lu 9:3; 10:4. k nA ye-su le yi w tAI Vw nu w tA PuY Pi: KuO be lA tiO be Ci ni m: joY jo fi Ju kDO TAI nu w ny m: lo; m joO lH:I bAO lo=
yi w n:I m: joI bAO lo=
36yi le yi w tAI a mL n: PuY Pi: Ku joY su ny tA, t= lA ti jo suO mi tA, t= a. T: m: jo su nyI bU FL wu: si a T: wuY ye= 37#s 53:12. lu 22:52. a lio bA ny Vw nu w tA bA gLO nyiI To L kwI yi tA ny CyY su Vo: su nAS kw m cy, kDoI be bo tO m TE Ti KL nyI Vw go dE kw bi lO Vo= a lio bA ny Vw tA gu tO m n: PyE; lO VoI bAO lo=
38yi w leI siH P:oI nyi n,I TE kw a. T: nyi: Ci d,O loI bAO lo= go lE ny ye-su leI lo;O VoI bAO lo=
ye-su ny gD-sD-m-ni bE kw w KuO m
(m 26:36-46. Ko 14:32-42)
39 #
lu 21:37. yo 18:1. go lE ny yi do je siI yi ye foH le mO le be a:-Cy: w ci kw jeO lo= Co PA, buO mi yi tA Co jeO lo= 40go Ti gH kw Ci ye nyI ye-su le yi w tAI R, nyiO m kw nu w m: dU: le n, m w KuI bAO lo= 41ye-su ny yi wO be B. Ci Ti loH LY Ci h, je siI Ci fi. gL: si nyi TE lE w KuO loI 42#m 6:10. b, b:oI nu ni, xUO ny lu kL. TE m Vw tA be ru kD gL= go lE VO mi Vw ni, lL T: PyE; l fi= nu ni, lLO le: PyE; l fiI bAO lo= 43#1 w 19:5. yo 12:29. [go lE ny yi tA sA; jo l fi n, mI mu kw kw be fi du Ti ro mo. gL lO lo= 44ye-su ny ni, m a KL x. nyiI yi my: nyi ni, m lEY lEO le w: KuO lo= go lE si yi cU. ny xU: fA, d: mO le be mi Cy kw zAH jeO lo]=
45w KuO m kw be yi tu l siI Co PA, bu tA je si nyiI yi w ni, x my x nyi yi; mL tyO m tA yi moY kD nyI 46ye-su le yi w tAI nu w a xU: wu nyi yi; mLO loH:= R, nyiO m kw nu w m: dU: le n, mI tu si w KuI bAO lo=
ye-su tA ru lO m
(m 26:47-56. Ko 14:43-50. yo 18:3-11)
47yi go lE bA tyO TAI nyi n,I l Fo yi zuY l siI Fi nyi: ro kw m yu:-d: myEH tO m go Ti ro nyI yi w mi: TA si kw l si nyiI ye-su tA bo; gL n, m yi tA TiH lO lo= 48ye-su n: yi tAI yu-d:oI nu ny bo;O m le l Fo a bi tA wu: z:O lH:I bAO lo=
49yi g; yi jiY kw ty su nyI a li kD leO m tA moY kD ny yi tAI siH P:oI Vw nu a T: le CUH nAO lH:I bAO lo= 50Co PA, kw m Ti ro leI ti P d: m yi co p tA Ti PyEH CUH kD nyI yi n. j b: py, Fe leO lo=
51go lE ny ye-su leI yi w tA j: V fiI#(22:51) yi tA T: CUHO d,o= bAO lo= go lE si yi le go Ti ro yi n. po kw xE, si xy, d le gLO lo=
52 #
lu 22:37. go TA ye-su ny yi tA l su ti P wu dU rE suO beI si xy vi jU: si: P buO be Fo wu: Fo ti bu tA TE lE bAO loI nu w ny a T: dE; nyi si, d tA, nyiI vuH z: su tAO le be Vw tA lO lH:= 53#yo 7:30; 8:20. ko 1:13. Vw Ti nyi Ti nyi si xy vi d: m nAS kw nu wO be Ti wH; tyO TAI nu w Vw tA ru n, m m: lA; lU= TE m n: nu w jU, V siI nA Fi, m jU: w V loI bAO lo=
Pi-TE ny ye-su tA m: rDn. m
(m 26:69-75. Ko 14:66-72. yo 18:16-18, 25-27)
54yi w ny ye-su tA ru si ti P d: m viY kw ho: Ci yeO lo= Pi-TE n: yi k nA si L: R kw Co lO lo= 55yi w Ti bE ny l: jo de tE vi kw a. to. fi si Ti wH; be nyi. n. tyO TAI Pi-TEO mi yi w ko lo kw nyi. n. lO lo= 56go TA rE: j su R mL lA. R Ti ro nyI a. to. lyO m kw Pi-TE nyi. n. tyO m tA moY kD nyI zi: zi:O le yi tA lo. t siI TE Ti roO mi yiO be Ti wH; ty kDoI bAO lo=
57Pi-TE n: m: rDn. siI R mL R:oI Vw yi tA m: sDI bAO lo=
58mL R m: kD le ny fai Ti ro yi tA moY siI nuO mi yi w Ti ho: kw m V loI bAO lo=
go lE ny Pi-TE leI l FoYoI#(22:58) V ny Fo tiHo= Vw m: VI bAO lo=
59a: l Ti jU, Ci ko. je nyI fai Ti ro te, te,O le: bA siI yiO mi cU cU yiO be Ti wH; ty su V lo= a lio bA ny yi n: g-li-li su V loI bAO lo=
60go lE VO mi Pi-TE nyI l FoYoI nu a xU bAO m Vw m: sDI bAO lo= yi go lE x TE tyO TAI F; be a B. P: bUYO lo= 61#lu 22:34. go TA siH P ti. Po, l si Pi-TE tA lo.O lo= go lE si siH P le yi tA bAO m bA KLI nyi. me a B. P: m: bUY TA le nu Vw tA m: sD bA si s hw, kL.O VoI bAO m tA Pi-TE dU: j Ci l nyI 62yi do je si a KL VuYO lo=
ye-su tA KLY jUO m
(m 26:67,68. Ko 14:65. yo 18:22,23)
63ye-su tA ruY t su nyI yi tA RiH si dL:O lo= 64my sL: kwO mi mLH C le hD, pi. t siI yi tA nH nyi siI mD nD, f muI nu tA dL: su a m V loH:I bAO lo= 65yi w ny nE bA; bA KL a my, le yi tA m: ce; m jE:O lo=
Fo wu Fo ti mi: jy kw ye-su tA me, n nyiO m
(m 26:63-66. Ko 14:61-63. yo 18:39-19:16)
66mi: TA ji l mL: TAI p xy bu kw m Fo wu: Fo ti bu zi; duI ti P wu dU rE: su buO beI To L bo P buO mi yi w a jU lES zi; lA Ko siI yi w zi; du kw ye-su tA ho: tA, je si nyiI 67#yo 3:12; 8:45; 10:24. nu ji-su V ny Vw nu: tA bA gL lAI bAO lo=
yi n: yi w tA TE lE bAO loI Vw nu w tA bA gLO mi nu w m: jUY= 68Vw nu w tA n nyiO mi nu w m: Po, gL l= 69#d 7:13. gw 110:1. TE lE go po l Fo a bi n:I wu-s w: nyiO m lA; j Ti CE: kw nyi. n.O VoI bAO lo=
70yi w a jU su leI go lE V ny nu ny wu-s yi a bi V lH:I bAO lo=
ye-su leI nu w bAO m V loI bAO lo=
71go lE nyi yi w nyI ro fai a xU: sD j mo j du rE: CUO se: loH:= a lio bA ny yi ci Cy mD nD, le bAO m ro: p jO loI bAO lo=
Currently Selected:
lu-K To L 22: LRB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Lisu Revised Bible © Thailand Bible Society
