lu-K To L 20

su le ye-su jU: w tA me, n nyi lO m

(m 21:23-27. Ko 11:27-33)

1ye-su ny si xy vi l: jo de kw p xy bu tA m. mi m. gL siI L; Vo xE, Vo c tyO m vy; nyi go m kwI Ti nyi joO nyI ti P wu dU rE: su buO beI To L bo P buO beI Fo wu: Fo ti bu ny yi tA l siI 2yi w le yi tAI nu yeO m TE my xU: ny a li xU jU: w kw be yeO loH:= jU: w TE m nu tA gL l su a: m V loH:= Vw nu: tA bA gL lAI bAO lo=

3go lE ny yi yi w tA TE lE Po, gLO loI nu w tAO mi Vw Ti KL: n nyiO nyiI Vw tA bA gL lA= 4yo-v go dE ti, gLO m ny mu kw kw be V lH:I Fo R kw be V lH:I bAO lo=

5go lE ny yi w Co: yi w gw jE lA Ko siI ro ny mu kw kw be V loI bAO TA n:I yi leI nu w a xU: wu nyi yi tA m: jUY lH:I bA lO Vo= 6ro nyI Fo R kw be V loI bAO TA n:I p xy bu ny ro tA B. Ci le lo lO Vo= a lio bA ny yo-v n: mD nD, f su V m yi w jUYO loI bAO lo=

7go lE si yi w nyI a li kw be lO m Vw nu: m: sDI be Po, gLO lo=

8go lE ny ye-su le yi w tAI Vw yeO m TE my xU: ny a li xU: jU: w kw be yeO mI VwO mi nu w tA m: bA gLI bAO lo=

CE; lE bE pA, ye su tA Vo:

(m 21:33-46. Ko 12:1-12)

9 # s 5:1. yi ny tAH Vo TE m le p xy bu tA bA gL wu. tuO lo= l Fo Ti ro ny CE; lE; Ti bE tL siI myE: ye z: su tA pA, gL si nyiI nE bA; Ti kuD kw mL R jeO lo= 10#2 mi 36:15,16. CE; lE sL xH fi. Ci lO nyI bEH kw m sL, sL: lA jE gL l n, mI yi co p Ti ro tA myE: ye z: su ty kw fi Ju kDO lo= myE: ye z: su n: yi tA dL: siI yi go: yi; je fiO lo= 11yi ny co p fai Ti ro fi Ju kDO lo= yi tAO mi yi w le dL: siI x. to x. PA; ye gL si nyiI yi go: yi; je fiO lo= 12fai ny s: ro Ti ro tA fi Ju kDO lo= yi tAO mi yi w le nY du du le fi siI yi tA g; do Ju kDO lo=

13go lE ny bE siH P leI Vw a li ye nAO loH:= Vw ni, nUO m a bi tA fi Ju kDO Vo= a hw, yi w yi tA PU:O m: sDI bAO lo=

14myE: ye z: su n: yi tA moY kD nyI yi w Co: yi w fE; lA Ko #(20:14) V ny Ku: gw jE lA Ko= siI TE m n: lA; w mL su V lo= lA; w ny ro tA m PyE; l n, mI ro yi tA se; kD lAI bAO lo= 15go lE ny yi w yi tA bE nE xE mS kw g; do kD si se; kDO lo=

go lE ny bE siH P le yi w tA a li ye gL lO Vo wH:= 16yi ny l siI myE: ye z: su TE Ti ho: tA yi Cu Ce, le fi si nyiI bE ny nE. bA su tA gL kDO VoI bAO lo=

yi w p j kD nyI go lE T: kD le fiI bAO lo=

17 # gw 118:22. yi n: yi w tA lo. t si TE lE bAO loI go lE V ny To L kwI

vi xy, su le PeH kDO m B. Ci nyI

viY lA; kw m lo de d: m PyE; lYoI be bo tO m ny

a li Vo wH:=

18 # s 8:14. B. Ci go m TA si kw lE. kD su ny lE. CE; leO Vo= B. Ci go m a: m go dE TA si kw FeY ti. kD nyI yi tA ti. hL: kDO VoI bAO lo=

w ti tA mU: PU: gLO m tA mo. n nyiO m

(m 22:15-22. Ko 12:13-17)

19 # lu 19:48. To L bo P buO be ti P wu dU rE su bu nyI yi le tAH Vo TE Ti m yi w tA bA yA;O m yi w lo. do lO nyiI go Ti jU, kw yi tA ru n, m lA; lU ni, xUO lo= yiO le: p xy bu tA joHO lo= 20#lu 11:54. go lE ny yi w yi tA lo. nyi ty siI yi bA KL fi. ru si yi tA si: P d: m w: nyiO mO be jU: w kw lA; jE kD n, mI nAH TH nyi su tA ny Fo jiY PyE: L t. fi si fi Ju kDO lo= 21go lE ny yi w yi tA TE lE n nyiO loI m. P:oI nu le cHO mO be m. gLO m a jU ny zo:O m V lo= fai ny Fo R PyE: tA m: siH siHI tE, tEO be wu-s j gu m. gLO m Vw nu: sDO lo= 22Vw nu: ny si-s tA tA, PU: do dO lH:I do m: d lH:I bAO lo=

23yi n: yi w go; ni, tA lo. do l si yi w tAI 24Pu Ti PA; #(20:24) PuY Ti di-n-ri= Vw tA mo. gL lA= Fo byE:O be To L fo, TE m a: m tA m V loH:I bAO lo=

25yi w leI si-s tA m V loI bAO lo=

ye-su le yi w tAI go lE V ny si-s tA m si-s tA gLI wu-s tA m wu-s tA gLI bAO lo=

26go lE nyi yi w ny p xy bu mi: jy kw bA KL fi. ru m: b l= fai ny yi Po, gLO m tA yi w dU j mL siI m: wo, be tyO lo=

s-du-kD bu le ye-su tA R, nyiO m

(m 22:23-33. Ko 12:18-27)

27go k nA xUY si sA. yi; lO m m: joI be bA su s-du-kD bu Ti bE l siI yi tA TE lE n nyiO loI 28#wu 38:8. jU 25:5,6. m. P:oI mo-xi Vw nu: tA TE lE bo tO gLO loI a. yi; ny R: mL jo si R nE m: joY jo xUY KD le nyI yi nyi R: le yi mH l: tA xH si yi a yi; bE L yi xU. cE. gL n kO loI bAO lo= 29go lE ny yi yi; yi nyi xU: xU. joO lo= R wu: ny R: mL xH si R nE m: jo jo xUYo= 30a-dLO miI 31a-KeO mi yi tA xHO lo= yi w xU: xU. lESO mi yi go lE R nE m: joY jo xUYo= 32go k nA R mL RO mi xUYo= 33go lE ny sA. yi; lO m kwI yi ny yi w a li Ti ro m R: mL V loH:= a lio bA ny yi w xU: xU. lES yi tA xH nyioI bAO lo=

34go lE ny ye-su yi w tA TE lE bAO loI mi nA TE Ti lL. kw m Fo R bu ny R: mLO mi KuYO loI a mi:O mi JuHO lo= 35go lE VO mi mi nA go Ti mO be xUY kw be sA. yi; lO m mL PU: su n:I R mLO mi m: KuI a. mi:O mi m: Ju= 36#1 yo 3:1,2. a lio bA ny yi w n: mu kw fi duO be tEH wu V nyiI fai Ti hw, xUY m: d= fai ny sA. yi; lO m R bu V m kw beI wu-s R bu V lo= 37#do 3:2,6. si, po tA mo. bAO m To L go Ti CE, kwI mo-xiO mi siH P tAI a-b-l-v yi wu-sI yi-s yi wu-sI y-ku yi wu-sI be Ku siI xUY su sA. le; lO m tA gu m. gLO lo= 38#ro 14:8. wu-s yi ny xUY su bu wu-s m: V= sA. ty su bu yi w wu-s V lo= a lio bA ny yi tA mo. n:I a jU su sA. tyO m V loI bAO lo=

39To L bo P bu Ti bE ny Po, gL si yi tAI m. P:oI nu bA yA;O loI bAO lo= 40go k nA ny yi w yi tA a xUO mi n nyi m: pL.=

ye-su le yi w tA ji-su xU: c tA mo. n nyiO m

(m 22:41-23:7. Ko 12:35-40)

41go lE ny ye-su yi w tAI su leI ji-su ny d-wU Fi R lA, R V loI be bAO m a li V loH:= 42-43#gw 110:1. yo 7:42. a lio bA ny mu: gw: To L kw d-wU yi ci Cy le TE lE bAO loI

siH P le Vw siH P tAI

nu tA Cu: jo su tA

nu Ci To; TiH Vw m: kD le fi T po nyI

Vw lA; j Ti CE: kw nyi. nI bAO loI bAO lo=

44d-wU le yi tA siH P KuO nyI yi ny a li be si yi Fi R lA, R V loH:I bAO lo=

45 # lu 11:43. p xy bu p jO m kwI yi ny yi Co PA bu tA TE lE bAO loI 46To L bo P bu tA R mo= yi w ny bU FL b: s: gw: si co je co l ye ni, xUO lo= fai ny jUH kw PU: k ye lO mO beI zi; vi kw PU:O m nyi. n. guO beI pai kw PU:O m koH gu mL ni, xUO lo= 47yi w n: mL: CU: m bu vi vuH z: siI su tA kL. n, m a xU, xUH w KuO lo= l Fo TE Ti ho: m n: w zi li:O m CyY PU: mLO VoI bAO lo=

Currently Selected:

lu-K To L 20: LRB

ማድመቅ

Copy