yi ce yi wu To L 21

21
yi-s tA vUYO m
1 # 1 mu 2:21. wu 17:19; 18:10. g 4:23. go lE ny ye-ho-hw bA tO mO le be yi ny s-r tA nyiH j siI yi gL j moO mO le be s-r go dE kw PyE; l fiO lo= 2#wu 17:21. vi 11:11. go lE si a-b-l-v mo: leO TAI wu-s le yi tA bA tO mO be fe, tO m vy; nyi kw s-r ny R nE LY le siI a-b-l-v bE L R: Ti ro vU lO lo= 3#wu 17:19. a-b-l-v ny s-r le yi tA vUY gLO m R tA yi-sI be myE gLO lo= 4#wu 17:10-12. yi-s ve; nyi joO TAI a-b-l-v ny wu-s yi tA TU; w gL kD mO le be yi-s tA L Ju kDO m k xU ye gLO lo= 5go lE ny yi R yi-s tA vUO TAI a-b-l-v ny Ti vy Ko; joO lo= 6#gw 126:2. s 54:1. lu 1:14,58. s-r nyI wu-s le Vw tA k Ci fiO lo= p j su V T poO mi VwO be Ti CoO k CiO VoI bAO lo= 7#wu 18:11. s-r ny TE lE bAO se: loI a-b-l-v tAI s-r ny Fo xU; R tA a cU, gL CU;O VoI be a m le bA kuO loH:= go lE VO mi a-b-l-v mo: leO TAI Vw ny yi bE L R: Ti ro vU gLO loI bAO lo=
xy-cyO be yi-xU-m-li tA do je fiO m
8go k nA R nE wu: l siI a cU, ce. kDO lo= yi-s tA a cU, ce.O Ti nyi kw a-b-l-v ny z d: m Ti z: xoO lo= 9#wu 16:1,4,15. g 4:29. yi-ji l Fo xy-cy le a-b-l-v bE L vU gLO m R go Ti ro RiH tyO m tA s-r moYO lo= 10#wu 25:6; 36:6,7. g 4:30,31. go lE nyi yi le a-b-l-v tAI co mH TE Ti roO be yi R tA g; do je= a lio bA ny co mH yi R ny Vw R yi-sO be Ti wH; lA; w mL su ye m: dI bAO lo= 11#wu 17:18. go lE ny a-b-l-v n: yi R pL du a KL j: xO lo= 12#ro 9:7. vi 11:18. go TA wu-s le a-b-l-v tAI R gu lA. RO be nu co mH pL du T: j: x= s-r le nu tA bA gLO m a jU tA n n,= a lio bA ny nu Fi R lA R n: yi-s kw be cy,O Vo= 13#wu 16:10; 17:20; 25:12. co mH yi R kw beO mi Vw ny Fo xU: Ti xU PyE; l fiO Vo= a lio bA ny yi n: nu le vUY tO m V loI bAO lo= 14#yo 8:35. go lE ny a-b-l-v nA; nA; tu siI xw PU;O be yi jy Ti jiY lU. ru si xy-cy tA gL si nyiI yi lA PL kw VoH gLO lo= R nEO mi yi tA lA; jE gL si yi tA je fiO lo= go lE si xy-cy je kD ny be-xU-b li Ci mU: kw xE: Vo: leO lo=
wu-s fi du ny xy-cy tA mo. gL lO m
15 # U 20:5. gw 63:1. jiY lU. kw m yi jyO mi doY gu le nyiI yi ny R nE tA si, po Ti po nA. Kw kw loH t ye siI 16#wu 44:34. yi ny a tA L: R kw a: l Cy, Ti bLH L Ci je siI R nE tA tE, FO m kw nyi. nO lo= a lio bA ny yi leI R nE xUYO m Vw tA T: mo fiI bAO lo= go lE si yi go kw nyi. n. ty siI sA; d: m le VuYO lo= 17#do 3:7. 2 w 13:4,23. go TA wu-s ny R gu lA. R KuY sA; tA p j kD nyI wu-s fi du ny mu kw TA si kw be xy-cy tA KuY si yi tAI xy-cy;oI nu a li kD le loH:I T: joHI a lio bA ny R gu lA. R ny si, po nA. Kw kw ty si yi KuY sA; tA wu-s p jO lo= 18#wu 21:13; 25:12. bA 8:24. tuI R gu lA. R tA goY tu l siI nu lA PA, le yi tA so. t= Vw le yi tA Fo xU: d: m Ti xU PyE; l fiO VoI bAO lo= 19#U 22:31. 2 w 6:17. lu 24:16. wu-s le xy-cy tA my sL Pu l fi siI yi ny yi jy Ku Ti Ku moYO lo= go lE ny yi je si jiY lU. kw yi jy ho: bi le si nyiI R gu lA. R tA gL doO lo= 20#wu 16:12; 39:2,3. wu-s ny R gu lA. RO be Ti wH; tyO lo= yi ny wu: l siI li Ci kw ty si nyi Cy, bL ku P: PyE lO lo= 21#wu 24:4. yi ny P-r-n li Ci kw tyO lo= go k nA yi m, m ny yi-ji mU: kw be yi tA R mL Ti ro hwH gLO lo=
a-b-l-vO be a-bi-m-lD KL: xU: yeO m
22 # wu 20:2; 26:28. s 8:10. go TA a-bi-m-lDO be yi mA; zu si: P d: m Ji-Ko le a-b-l-v tA TE lE bAO loI nu yeO m a jU m kw wu-s nuO be Ti wH; tyO lo= 23#xu 2:12. 1 mu 24:21. go lE nyi a mL nu ny wu-s tA gu siI VwO be Vw R: Vw li. p tA m: kL. siI Vw le nu tA j: koO m tA Co si nyiI nu Fo yA; mu tyO m mU: TE mO be Vw tA nu j: koO VoI be TE kw Vw tA jE: KL wU; gL lAI bAO lo= 24go lE si a-b-l-v leI jE: KL wU; gL ni, xUO loI bAO lo=
25 # wu 26:15-22. yiO le: hL TA a-bi-m-lD yi co p bu ny yiY cu. Ku Ti Ku vuH tA je m pL duI a-b-l-v le a-bi-m-lD tA w: ko,O lo= 26a-bi-m-lD leI a: m TE lE yeO m Vw m: sD= nu Vw tA m: bA gL lI nyi. nyi si.O le: p jO loI bAO lo= 27#wu 26:28-31. go lE si a-b-l-v le a-bi-m-lD tA a roO be a nyi: gL kD nyI yi w nyi: ro KL xU yeO lo= 28a-b-l-v ny jE: R zu kw m a ro mH R xU: m tA yi tE yi kw ty fiO lo= 29#wu 33:8. go lE ny a-bi-m-lD le a-b-l-v tAI nu le a ro mH R TE xU: m tA yi tE yi kw ty fiO m a xU: yeO lo xU V loH:I bAO lo= 30#wu 31:48. a-b-l-v leI yiY cu. Ku TE m ny Vw cu. tO m V m sD j mo j su ye n, mI nu ny a ro mH R TE xU: m m Vw lA PA kw be Ko ru t n kO loI bAO lo= 31#wu 26:33. go lE si yi le go Ti mU: tA be-xU-bI be myE gLO lo= a lio bA ny go kw yi w nyi: ro le jE: KL wU; gL lA KoO lo= 32#xu 13:2. yi w ny be-xU-b kw KL: xU ye kD nyI a-bi-m-lDO be yi mA; zu si: P d m Ji-Ko ny tu siI JE-li-xU mU kw yi; jeO lo= 33#jU 33:27. gw 9:7. s 9:6. ro 16:26. vi 13:8. 1 Ti 1:17. mo 10:6. be-xU-b kw a-b-l-v ny yiY L ziY Ti zi tL siI go kw Ti Fi joY tyO m ye-ho-hw wu-s yi myEH tA KuO lo= 34go lE si a-b-l-v ny JE-li-xU l Fo mU: kw mL xU xUO Fo yA; mu tyO lo=

Currently Selected:

yi ce yi wu To L 21: LRB

ማድመቅ

ያጋሩ

ኮፒ

None

ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ