Motíosi 1

Nobásaŋa ná Yésu Kilítu

(Lók 3.23-38)

1Nobásaŋa ná Yésu Kilítu, nobɔɔsɔ ná Défidi, Défidi moatɛ́ nobɔɔsɔ ná Ábalaháma, nɔ́nɔ́ɔ.

2Ábalaháma a mbaá bíéné Ɛ́saga,

Ɛ́saga a báá bíéné Yɔ́kɔbɔ,

Yɔ́kɔbɔ a báá bíéné Yóda na bolimóní.

3Yóda na Tamáalɛ bá báá bíéné Pɛ́lɛsɛ na Sɛ́la, Pɛ́lɛsɛ a báá bíéné Ɛ́cɔlɔmɛ, Ɛ́cɔlɔmɛ a báá bíéné Aláma.

4Aláma a báá bíéné Amɛnadába, Amɛnadába a báá bíéné Nácɔnɛ, Nácɔnɛ a báá bíéné Sálámɔnɛ.

5Sálámɔnɛ na ogɛ́ Lahába bá báá bíéné Bɔ́ɔsɛ, Bɔ́ɔsɛ na ogɛ́ Ulúudu bá báá bíéné Óbɛdɛ, Óbɛdɛ a báá bíéné Yése.

6Yése a báá bíéné Ufuŋe Défidi.

Défidi na ogánɛ́ Úli a báá bíéné Sélémunu.

7Sélémunu a báá bíéné Olóboama, Olóboama a báá bíéné Ábɛa, Ábɛa a báá bíéné Asa,

8Asa a báá bíéné Yosafɛ́dɛ, Yosafɛ́dɛ a báá bíéné Yólama, Yólama a báá bíéné Ósɛasɛ,

9Ósɛasɛ a báá bíéné Yótama, Yótama a báá bíéné Ákasɛ, Ákasɛ a báá bíéné Ɛsɛ́kɛasɛ.

10Ɛsɛ́kɛasɛ a báá bíéné Manásɛ, Manásɛ a báá bíéné Ámɔnɛ, Ámɔnɛ a báá bíéné Yósɛasɛ,

11Yósɛasɛ a báá bíéné Yokónɛasɛ na bolimóní, gɛcamɛna gɛ́ɛgɛ bá mbaá selíe baaná bá Ɛ́sɛlahɛ́ɛlɛ naá tɛ́sɔnɔ ya Bábɛlɔnɛ#1.11 Go ɛ́na naá 2 Mefuŋe 24.12-16..

12Naá nnyimé ya go bó selie naá Bábɛlɔnɛ, Yokónɛasɛ a báá bíéné Selétiele, Selétiele a báá bíéné Solobabɛ́ɛlɛ.

13Solobabɛ́ɛlɛ a báá bíéné Ebíudu, Ebíudu a báá bíéné Eliekími, Elíekimi a báá bíéné Ásɔlɔ.

14Ásɔlɔ a báá bíéné Sádɔgɔ, Sádɔgɔ a báá bíéné Ékimi, Ékimi a báá bíéné Éliudu.

15Éliudu a báá bíéné Ɛlɛyasáalɛ, Ɛlɛyasáalɛ a báá bíéné Mátana, Mátana a báá bíéné Yɔ́kɔbɔ,

16Yɔ́kɔbɔ a báá bíéné Yósɛbɛ, onɔ́mɛ ba Malɛ́a, Malɛ́a mɔ́ɔ a bíenemú Yésusu, mɔ́ɔnyɔ bá dɔ́ŋɔnɔmɔ́ bá amɔ́ Kilítusu.

17Gɔ́ɔ ɛgɛlɛ iŋkimée ɛ lɔ́mɔ́ yɔɔdɔ́ na inni, gó ɛ́da bayɛga naá Ábalaháma, gó nco bola naá Défidi. Yɔɔdɔ́ na inni gɔnɔ́ gó bayɛga naá Défidi, gó nco go bola naá gɛgɔ́lɔ gá boɔlɛ́ naá Bábɛlɔnɛ. Yɔɔdɔ́ na inni tɔ́nɔ gó ɛ́da bayɛga naá goselie gá baaná bá Ɛ́sɛlahɛ́ɛlɛ naá Bábɛlɔnɛ, gó nco bola naá Kilítusu.

Ɛ́ŋgɛlɛsɛ a á dóógío go bébíene gá Yésusu

18Gobébíene gá Yésu Kilítu gó mbaá lɔmɔ́ náana. Nnyeedíi, Malɛ́a, a mba lɛ́ gɛɔŋɛnɔ gá ohaŋa ba mɔtɔ, ufíno yɛ́hɛ́ Yósɛbɛ. Kanɛ́ bá gá lɛ́ bá dɛ báladá, gɛ́hɛ́ go bɛ́ɛ́na na ibume go bogaaga bá Gimmúmpúu gá Giliíli. 19Gɛɔŋɛnɔ gɛ́hɛ́ Yósɛbɛ, a mba lɛ́ usi ba mɔtɔ. A dɛ mbáa lɛ a lɛ́galɛga go díeŋie ufíno yá Malɛ́a, a mo núugie odóɛ naá gitúu. Gɔ́ɔ a bégediemú goŋaá a mo inye naá nɛɔsɛgɔ. 20A gá béeniŋenye nɔ́ɔnɔ, Ɛ́ŋgɛlɛsɛ ba Daadáa go nco mo oyana naá ndɛmá a amɔ́: «Yósɛbɛ, onana yá Défidi, o do dííné go gɔ́lɔ okɔ́dɔ bahɔ Malɛ́a; mammana, moɔnɔ́ mɔ́ɔnyɔ a lɔ́mɔ́ nɛhɛ́ naá gadɛ́ɛ a lɛ́ básaŋáalú na bogaaga bá Gimmúmpúu gá Giliíli. 21A ná bíene moɔnɔ́ onɔ́mɔtɔ́, o mo loga ufíno Yésusu, goakɛ́ mɔ́ɔ a ná sódiomú boɛ́nɔ bɛ́hɛ́ go bɛoba bá bɔ́.» 22Buimée bɔ́ɔbɔ bó mbaá bádómbánáa go goŋaá boóma bɔ́ɔbɔ Daadáa a mboó oyɛ́dá naá nyuudé ná mbúsí ya Asaŋa yɛhɛ́ bó ɛ́nanɛna: 23Gimúkúkúu gá ombóla gɛ́ ná súge ibume, gɛ́ bíene moɔnɔ́ onɔ́mɔtɔ́, bá mo loga ufíno Ɛmánoɛlɛ, naá cí goŋaá «Asaŋa a lɛ́ nɛcɔ́#1.23 Mot 1.23, bó lɔ́mɔ́ nogálɔ ná mbúsí ya Asaŋa Iseyíi, (Iseyíi 7.14.).» 24Yósɛbɛ a á foyógá, gɛ́hɛ́ go ŋa boóma bɔ́ɔbɔ ɛ́ŋgɛlɛsɛ ba Daadáa a mbaá mo oyáná naá ndɛmá. A báá gɔ́lɔ́ okɔ́dɔ bɛhɛ́. 25Kanɛ́ a dɛ mbáá bóso go mo íyime gó ɛ́da go éme aŋa Malɛ́a a mbaá bíéné moɔnɔ́ onɔ́mɔtɔ́, a báá mo logá Yésusu.

Currently Selected:

Motíosi 1: YAS

ማድመቅ

Copy