YOANE 12
12
1Nalakena tea wanogoe naaleatia latesa pea ki navakalauana Yesu e umai paki Bethania, tokora waina Lasaro e doko asa, waina Yesu e sike a e duleana m̃elu dua ki tea mate maga. 2Nalakena tea wanogoe eu maneana mari nakaniana ni ragi melu tokora wanogoe: go Martha e suasua; ma Lasaro e pei sikai ni tea maga waina eu kere one ganikani sikoti a. 3Nalakena tea wanogoe Maria e dape paund sikai ni naroro lolo ni nardo lomau ni naulu laapa, po puvurai ki nam̃ele ni Yesu asa, po kasi nam̃elena maga ki naloluna: go nasum̃a e pura ki nap̃o ni naroro lolo wanogoe. 4Ma Yuda Iskariote, tea vasapiseikiana aneana maga sikai, waina e naga ega vitua ki nia, 5e naga, Ekasana naroro lolo waia e da pei tea soriana raki denario p̃onotia dolu, po pei tea vituakiana paki tea tika maga? 6E noa tea wanogoe, ma e da noa e nalakena e midoa ki parati ki tea tika maga mau, ma nalakena e pei tea vanako sikai, po dape nala ni m̃ane, po dape lua tea maga waina e pei tea nadikiana paki asa. 7Nalakena tea wanogoe Yesu e naga, P̃a toro e, naga ega mauti a raki naaleatia ni naova‐kinauana. 8Nalakena ku peani tea tika maga eu sikoti mu sara ragi; ma ku da peani au sara ragi mau.
9Nalakena tea wanogoe taua warua ni navarapule maga ni Yudea eu atae naga e doko tokora wanogoe: go eu rumai, eu da umai nalakena Yesu sikina mau, ma eu rumai naga euga vunusi ra ma Lasaro, waina e sike a e duleana m̃elu dua ki tea mate maga. 10Ma tea viri warua maga eu midoaki nia naga euga mari punue ra ma Lasaro; 11nalakena navarapule maga ni Yudea tea laapa kakada eu pano nalakena nae, po saralomau Yesu.
12Matamai ki nia taua warua sikai ni naatam̃oli maga waina eu rumai paki nasaisaiana, ragi waina eu dogo naga Yesu e do umai paki Yerusalem, 13eu puati naulu ni paama maga po dave pano naga euga sua e, go eu pioso, eu naga, Hosanna: tea waina e umai pae nagisa ni Yehovah e pei tea vasap̃iakiana, Nawota ki Israel. 14Go Yesu, ragi waina e pap̃ai ass tureai sikai, e sakesaake asa; 15dapala waina e pei tea midiriana, e naga, P̃a ta mataku mau, Sion natuna nagoroi: p̃a leo, Nawota anigo e do umai, e sakesaake ass natuna sikai. 16Tea vasapiseikiana aneana maga eu da midoakiatae tea maga wanogoe ragi vea mau: ma ragi waina Yesu e pei tea samasamaniana sua, ragi wanogoe eu midoaki nia naga tea maga wanogoe eu pei tea midiriana nalo kakana, go naga eu mari tea maga wanogoe paki nia. 17Nalakena tea wanogoe taua ni naatam̃oli maga waina eu sikoti a doko ragi waina e soso Lasaro e dave m̃elu dua ki matigo, po sike a e duleana m̃elu dua ki tea mate, eu noa sokisoki. 18Go nalakena tea wanogoe taua ni naatam̃oli maga eu pa sua e, nalakena eu dogo naga e mari navaivaiana wanogoe. 19Nalakena tea wanogoe Farisi maga eu dum̃ada noa ki da, eu naga, Kuga leopunusi naga ku da mari matua te navatuna mau: kuga leo, maramana e dausi a pano.
20Go tea maga waina eu sake pano naga euga lotu nasaisaiana wanogoe seara kakada eu pei tea ni Hellas: 21nalakena tea wanogoe nara eu rumai punusi Filipo, waina e pei tea ni Bethsaida ni Calilea, po pavarani a, eu naga, Nawota, au masauna naga auga vunusi Yesu. 22Filipo e umai po noa ki Anderea asa: Anderea e umai, go Filipo, go ero noa ki Yesu asa. 23Go Yesu e pasa dara ra, e naga, Aura e po umai waina Naatam̃oli Natuna ega vei tea samasamaniana asa. 24Lomau, lomau, a noa ki mu, naga Napati ni whiit sikai e pe ta dowo paki natano po da mate mau, e pe sikina doko; ma e pe mate, e pe tau p̃arua ki nawana. 25Tea waina e dodomi namauriana aneana e dape puoli ki nia; go tea waina e pilosi namauriana aneana maramana waia, ega wo pavaigoro e pa pa paki namauriana waina e du mau du. 26Te naata sikai e pe maginau suasua, ega rausi au; go tokora waina kinau a doko asa, tokora wanogoe tea suasua aginau ma ega wo doko asa: te naata sikai e pe maginau suasua, Tamagu e pe wo dodomadagani a. 27Ragi waia naatagu e dogo kite sa; go aga noa nasava? Mama, p̃a mauti au ki aura waia. Ma nalakena tea waia a umai paki aura waia. 28Mama, p̃a samasamani nagisam̃a. Nalakena tea wanogoe nadaleo sikai e pae nakoroatelagi umai, e naga, A samasamani sua e, go aga wo moro samasamani a. 29Nalakena tea wanogoe taua ni naatam̃oli maga, waina eu lawodu, po dogo e, eu noa naga tovae e kati: tea p̃ota seara eu naga, Agelo sikai e po pasa ki nia. 30Yesu e pasa dara po naga, Nadaleo waia e da umai nalakena kinau mau, ma e umai nalakena nimu. 31Ragi waia e pei ragi ni navasap̃otaeana ni maramana waia: ragi waia tea maraki ni maramana waia ega wo pei tea nadikiana paki etaku. 32Go kinau a pe vei tea sikeana pakilagi m̃elu dua ki natano, a pe wo puati naatam̃oli maga mamau puti eu pe umai punusi au. 33Ma e noa tea wanogoe, e paivai ki namateana waina ega wo mate asa. 34Nalakena tea wanogoe taua ni naatam̃oli maga eu pasa dara e, eu naga, Kinami au dogo m̃elu nawotaeana naga Kristo e doko pa pa ega tu mau du: go ekasana nigo ku noa, naga E one naatam̃oli Natuna one naga ega vei tea sikeana pakilagi. Naatam̃oli Natuna wanogoe e pei sei? 35Nalakena tea wanogoe Yesu e noa ki da, e naga, Ragi kiki namarama e ko doko m̃aleoputo kakamu. Kuga surata ragi waina ku peani namarama, naga namaligo ega ta pa paratiki mu mau: go tea waina e surata namaligo e da atae tokora waina e paki asa pano mau. 36Ragi waina ku peani namarama, kuga saralomau namarama, naga kuga vei namarama natuna maga.
Yesu e pasa tea maga wanogoe, go e pano po dum̃ana dasuru ki nia paki da. 37E mari sua navaivaiana laapa sa naraeda, ma eu da saralomau asa mau: 38naga navasaana ki profeta Isaiah ega lolomana, waina e noa e, e naga,
Nawota, sei e saralomau narogorogoana aginami?
Go naru ni Yehovah e pei tea mariana e doko lina paki sei?
39Nalakena tea wanogoe eu da mari atae saralomau mau, nalakena Isaiah e moro noa, naga
40E mari namatada eu kesa, go e mari nap̃op̃oda e kasua;
Naga euga ta leosai ki namatada mau, po da midoaki atae ki nap̃op̃oda mau,
Po da maradoa mau,
Go naga aga ta mari pauri ra mau.
41Isaiah e noa tea maga wanogoe, nalakena e punusi nasamasamaana aneana; go e pasa nalo kakana. 42Ma tea maraki maga ma tea laapa kakada eu saralomau asa; ma nalakena Farisi maga eu da noasai a mau, naga euga ta pei tea mariana euga toko etaku ni nasum̃a ni nasaisaiana mau: 43nalakena eu dodomi nasamasamaana ki naatam̃oli maga p̃arua liu nasamasamaana ki Sup̃e.
44Go Yesu e pioso po naga, Tea waina e saralomau au, e da saralomau au mau, ma e saralomau tea waina e dip̃aki lua au umai. 45Go tea waina e leopunusi au, e leopunusi tea waina e dip̃aki lua au umai. 46Kinau namarama sikai a umai paki maramana, naga sara naata waina eu saralomau au euga ta doko namaligo mau. 47Go te naata sikai e pe rogo nanoaana aginau maga, po da pavaigoro ra mau, kinau a pe ta pasa p̃otae a mau: nalakena a da umai naga aga vasa p̃otae maramana mau, ma a umai naga aga mauti pauri maramana. 48Tea waina e dip̃adoa au po da dape nanoaana aginau maga mau, e peani tea waina e do pasa p̃otae a: navasaana waina a pasa sua e, tea wanogoe ega wo pasa p̃otae a naaleatia edaku mau. 49Nalakena kinau a da dum̃agu pasa mau; ma Tamagu waina e dip̃aki lua au, nae e dua au natip̃akiana sikai, tea waina aga noa e, go tea waina aga vasa asa. 50Go a atae naga natip̃akiana aneana e pei namauriana waina e du mau du. Nalakena tea wanogoe tea maga waina kinau a do pasa asa, a do pasa asa dapala waina Tamagu e noa ki nau asa.
Currently Selected:
YOANE 12: NTB
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Bible Society of the South Pacific
