KENESE 5
5
Ko te Gafa o Atamu
(1NTupu 1.1-4)
1 #
Kene 1.27,28 Tenei te fakasologa o te gafa o Atamu. I te faitega ne te Atua a tino ola, ne faite ne ia ke foliga ki a ia. 2#Mata 19.4; Male 10.6 Ne faite ne ia ne tagata mo fafine, ne fakamanuia ne ia kae fakaigoa ne ia ne “Tino ola”. 3E tusa mo te 130 tausaga o Atamu, kae maua tena tamaliki tagata tela e soko eiloa ki a ia, kae ne fakaigoa ne ia ko Setu. 4Mai tua o te fanauga o Setu, ne ola atu eiloa Atamu i nisi tausaga e 800. E isi aka foki ne tamaliki a Atamu ne fai, 5kae ne mate a ia ka ko tusa mo te 930 tausaga o tena olaga.
6E tusa mo te 105 tausaga o Setu kae maua tena tamaliki tagata ko Enosa, 7kae ne ola atu eiloa a ia i nisi tausaga e 807. E isi aka foki ne ana nisi tamaliki; 8ne mate a ia ka ko tusa mo te 912 ona tausaga.
9E tusa mo te 90 tausaga o Enosa kae maua tena tamaliki tagata tela ko Kenani, 10kae mai tua ifo, ne ola atu eiloa a ia i nisi tausaga e 815. E isi aka foki ne ana tamaliki, 11kae ne mate a ia ka ko tusa mo te 905 tausaga o tena olaga.
12E tusa mo te 70 tausaga o Kenani kae fai tena tamaliki tagata tela ko Malaelu, 13kae mai tua ifo ne toe ola a ia e tusa mo te 840 tausaga. E isi aka foki ne ana nisi tamaliki, 14kae ne mate a ia ka ko tusa mo te 910 tausaga o tena olaga.
15E tusa mo te 65 tausaga o Malaelu kae fai tena tamaliki tagata tela ko Ialeto 16kae mai tua ifo ne toe ola a ia e tusa mo te 830 tausaga. E isi aka foki ne ana tamaliki, 17kae ne mate ka ko tusa mo te 895 tausaga o tena olaga.
18E tusa mo te 162 tausaga o laleto kae fai tena tamaliki tagata tela ko Enoka; 19kae mai tua ifo ne toe ola a ia e tusa mo te 800 tausaga. E isi aka foki ne ana nisi tamaliki, 20kae ne mate ka ko tusa mo te 962 tausaga o tena olaga.
21E tusa mo te 65 tausaga o Enoka, kae fai tena tamaliki tagata ko Metusela. 22Mai tua ifo, ne nofo fakatasi a Enoka mo te Atua e tusa mo te 300 tausaga; kae ne isi aka foki ne ana tamaliki. 23E tusa mo te 365 tausaga o tena olaga. 24#Epe 11.5; Iuta 14A Enoka ne nofo fakatasi mo te Aliki i tena olaga katoa; ne galo atu a ia me ne ave a ia ne te Atua.
25E tusa mo te 187 tausaga o Metusela, kae fai tena tamaliki tagata ko Lameko; 26kae mai tua ifo ne ola eiloa a ia e tusa mo te 782 tausaga. E isi aka foki ne ana nisi tamaliki, 27kae ne mate ka ko tusa mo te 969 tausaga o tena olaga.
28E tusa mo te 182 tausaga o Lameko kae maua tena tamaliki tagata, 29kae ne fai aka a ia penei, “I luga eiloa i te laukele tenei, tela ne fakamalaia ne te Aliki, ka fakafiafia ne te tamaliki tenei tatou i 'tou galuega mafa katoa e fai;” tela ne fakaigoa ei ne ia te tamaliki ko Noa.#5.29: Noa: A te uiga o te igoa tenei i te gana Epelu “fesoasoani.” 30Mai tua o te fanauga o Noa, ne ola eiloa Lameko e tusa mo te 595 tausaga. E isi aka foki ne ana nisi tamaliki 31kae ne mate a ia ka ko tusa mo te 777 tausaga o tena olaga.
32E tusa mo te 500 tausaga o Noa kae maua ana tamaliki tagata e tokotolu, ko Semu, Hamo, mo lafeta.
Currently Selected:
KENESE 5: Tusi Tapu
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Tuvalu Revised Bible © Bible Society in the South Pacific
