Psalms 93
93
psalm XCIII
Tuin: Stroudwater
1The Lord wi’ majestie is cled,
And He alane dis ring
Owre a’ His warks, that He has made,
Wi’ micht, as sets a King.
2The warl’ on siccar foonds is set;
Ootowre it winna swee;
Thou and Thy throne establishit
Frae everlastin’ be.
3The fludes, O Lord, wi’ fearsome din
And loodsome roarin’ ran;
The rushin’ fludes rax’t heigh abune,
As gin they’d loup the lan’
4But God, abune the fludes that bides,
In poo’er excels them a’ —
The roarin’ spates, the michty tides
O’ sea, that rise and fa’.
5The trystins promis’d in Thy Word
Can aye be lippen’d fair;
Thy Hoose and holiness, O Lord,
Are marrows ever mair.
Currently Selected:
Psalms 93: SCOMP
ማድመቅ
ያጋሩ
ኮፒ
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Metrical Psalms in Braid Scots, translated by Rev. T. T. Alexander published in 1928. This text is maintained by MissionAssist.