Toto jo Kpɔ̀kplɔ̀sɔyìemè
Kpɔ̀kplɔ̀sɔyìemè
Wo yɔ xoma kèa be Toto jo be Xoma, ɖoa, e le pò nupo so ènujɔ̀jɔ̀ gã ɖèka ɖe kè likè Izràɛlviwo be èxotùnyaa ŋuti. Ekèa le nyi Izràɛl dùkɔ̃a be jojo lè Ejiptè-nyigbã ji, àfi kè Izràɛlviwo nyi kluviwo lè sãa. Xoma kèa mã ɖo àkpa ènè. 1) Hebrùviwo vò so kluvi nyinyi mè. 2) Hebrùviwo zɔ̃ èmɔ̃ va ɖo Sinaì be ètoa gɔ̃mè. 3) Mawu ɖùzò ku yebe dùkɔ̃a lè Sinaì be ètoa ji, fikè be sɔ èsewo na ɛ̀ lè. Èse kèawo ye wo la sɔ nɔ kplɔ̀ woa ɖokoe, la kplɔ̀ dùkɔ̃a, la sɔ kplɔ̀ sɛ̃sɛ̃dɔa lè woabe àgbè mè. 4) Lekè wo la tù Mawu be sɛ̃sɛ̃pe ku e mènuwo ɖo, na Izràɛlviwo be Mawu sɛ̃sɛ̃ a, kudo èse kèwo ji hũbonɔwo la zɔ̃ ɖo, lè Mawu sɛ̃sɛ̃ mè a.
Sɔ yì e ji a, xoma kèa le ɖè ènu kè Mawu wɔ̀a fiɔ, wàlɛbɛ kè be ɖè ègà yebe dùkɔ̃ kè nyi kluvia, eye be kpla wo, sɔ wo wɔ̀ dùkɔ̃ kè ɖo ŋùɖoa.
Àgbètɔ kè nyi àmè ŋùkuta lè xoma kèa mèa ye nyi Mosè, àmè kè Mawu cã ne bèa kplɔ̀ yèbe dùkɔ̃a to so Ejiptè a. Ènu veve ɖèka kè àmèwo nya wu lè xoma kèa mèa ye nyi Èse Èwoawo (20. 1-17).
Xoma a mè-nyàwo
Wo hlùɛ̃ Izràɛlviwo to so Ejiptè 1.1—15.20
a. Izràɛlviwo nyi kluviwo lè Ejiptè 1.1-22
b. Mosè be jìji ku yebe ɖèvi mè nɔ̀nɔ 2.1—4.31
c. Mosè ku Arɔ̀n kpe àkɔ ku Ejiptè be èfìɔa 5.1—11.10
d. Toŋutivayì ku jojo lè Ejiptè 12.1—15.21
So Plãŋùpòfɛ̃ be àpùa nu, sɔ yì Sinaì be ètoa gɔ̃mè 15.22—18.27
Èsea ku Zòɖùɖua 19.1—24.18
Gòxɔ Kɔ̀kɔ̀ɛa ku ɖoɖowo ɖo sɛ̃sɛ̃dɔa ŋuti 25.1—40.38
Currently Selected:
Toto jo Kpɔ̀kplɔ̀sɔyìemè: GEN
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Mina Bible © Bible Society of Togo, 2014.