Toto jo 17
17
Masà ku Meribà be èsìa
1Izràɛlviwo be àmèha a kpata jo lè Sin be zògbè a ji, eye wo le zɔ̃ èmɔ lè Tɔhonɔ̀ be ɖoɖo nu. Wo do àsàɖa ɖo Rèfidìm, vɔ̀a, èsì mu lè, ne dùkɔ̃a bèa nù ò. 2Dùkɔ̃a ɖè àjrè kpe na Mosè. Wo gblɔ̃ be: “'Mì na mi èsì ne mia nù.” Mosè gblɔ̃ na wo be: “'Nukɛ ŋuti mì le wɔ̀ àjrè ku mù ɖo ò? Nukɛ ŋuti mì le tè Tɔhonɔ̀ kpɔ ɖo ò?” 3Kè wo lè funua, sìkɔ tì wo; dùkɔ̃a pò nupo ɖo Mosè ŋuti be: “'Nukɛ ŋuti ye wò kplɔ̀ mi to lè Ejiptè ɖo ò? Ne sìkɔ bèa tì mia ku miabe èviwo kudo miabe èlãhawo, ne mia ku ŋuti ye à?” 4Mosè do àpa ɖoɖa Tɔhonɔ̀ be: “'Nukɛ ye mù la wɔ̀ na dùkɔ̃ kèa ò? Zãa ɖe fifìa, èkpe kpò wo la pò mù, wù.” 5Tɔhonɔ̀ ɖo e ŋuti na Mosè be: “'Jè ŋùkɔ̀ na dùkɔ̃a; kplɔ̀ Izràɛl be àmèsĩsĩ ɖewo ɖo àsi; sɔ àtikplɔ kè wò sɔ pò èsìa jia ɖo àsi, ne wòa jè èmɔ. 6Mù la nɔ̀ ŋùkɔ̀ na wò, yì funu, lè Horɛb be àkpãa tamè. Wò la pò àkpãa, èsì la to so e mè, eye dùkɔ̃a la nù ì.” Mosè wɔ̀ ekèa, lè Izràɛl be àmèsĩsĩwo be ŋùmè.
7E ɖo nyikɔ na tèpe kèa be Masà ku Meribà, Tètèkpɔ ku Àjrè, ɖoa, Izràɛlviwo ɖè àjrè kpe na ɛ̀, eye wo tè Tɔhonɔ̀ kpɔ, wàlɛbɛ kè wo gblɔ̃ be: “'Tɔhonɔ̀ lè mia dòmè loo, àlo mu lè ò?”
Àmàlɛk wɔ̀ àhùa ku Izràɛl
8Eye, Àmàlɛk va wɔ̀ àhùa ku Izràɛl lè Refidim. 9Mosè gblɔ̃ na Yosùa be: “Cã ŋusùwo, eye wòa yì wɔ̀ àhùa ku Àmàlɛk. Èsɔ̀a, mù la nɔ̀tè ɖo ètokɔ̃ɛa tamè, mù la le Mawu be àtikplɔa ɖo àsi.” 10Yosùa kpe àhùa ku Àmàlɛk, sìgbè àlekè Mosè gblɔ̃ na ɛ̀a nène. Wàlɛbɛ ŋua, Mosè, Arɔ̀n ku Xur lia ètokɔ̃ɛa ji. 11Eye ne Mosè kɔ àlɔ̀ yì èjia, Izràɛl be ŋusɛ̃ zena, eye ne Mosè bɔ̀bɔ̀ àlɔ̀ a, Àmàlɛk be ŋusɛ̃a zena. 12Wàlɛbɛ kè àbɔ le ku Mosè a, wo sɔ èkpe ɖo Mosè gɔ̃mè, eye be bɔ̀bɔ̀ nɔ̀ ànyi ɖo e ji. Arɔ̀n ku Xur nɔ̀tè lè yebe àxàdawo mè, eye wo le yebe àbɔwo ɖo àsi. Nène a ye wo le yebe àlɔ̀wo ɖo tè, kaka na èwèa be èxɔ̀ ɖoɖo. 13Eye Yosùa be èwui ɖaɖaa, ɖù Àmàlɛk ku yebe dùkɔ̃a ji.
14Tɔhonɔ̀ gblɔ̃ na Mosè be: “Ŋlɔ̀ ènu kèa ɖo xoma a mè, ne wòa sɔ nɔ ɖo ŋùku e ji, eye wòa na, bèa ɖo Yosùa be ètowo mè: mù la crɔ̃ Àmàlɛk be nyikɔ lè jìjimèwo be susu mè; mù la tutu ì lè ànyigbã ji keŋu-keŋu#17.14 Gbì 25:17-19; 1Sam 15:2-9.!” 15Mosè li vɔsakpe, eye be yɔ ɛ̀ be: “Tɔhonɔ̀, àplãŋuga nyè.” 16E gblɔ̃ be: “Ekè àmè ɖe ɖè àlɔ̀ ɖo Tɔhonɔ̀ be èfìɔzìkpe ŋutia, so egbè jia, àhùa ye la nɔ̀ Tɔhonɔ̀ ku Àmàlɛk dòmè!”
Currently Selected:
Toto jo 17: GEN
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Mina Bible © Bible Society of Togo, 2014.
