Cakirok 17

Thumirok paka ranyuth ma cikirok

1Munyo Abram jaoro piero abuŋwen g'abuŋwen, Rwoth omenyere rigo aka owaco rigo ni, “An Were Majameni je; winjan, aka noknok tim gi tiro. 2Abino timo cikirok paran i dier an kodin, t'amiyin nyikwayin kweth.” 3Kenyo Abram okule piny gi nyime; aka Were owaco rigo ni, 4“Neni, atimo cikirok me kodin: Acikin n'ibino bedo kwari nonin kweth. 5#Rom 4:17Doko nyingin k'olwoŋ ni Abram, to ni Abraham#17:5 Abraham Kwari nonin kweth rupiri atieko lokin ba nonin kweth. 6Abino miyin nyikwayin kweth, aka megi jobino bedo kerin. Ibino bedo gi nyikwayin kweth aka jobino timo nonin.”

7 # Luk 1:55 “Abino ketho cikirok paran i dier an kodin gi nyikwayin i luse ma yuwaŋe paka cikirok ma cil gi cil, bedo Were perin, aka Were pa nyikwayin. 8#Tim 7:5Abino miyin gi nyikwayin lowo ma kama pama ibed'iye japath. Lowo je ma Kanan bino bedo apa nyikwayin cil gi cil; aka abino bedo Were pajo.”

9“Paka ri in, ilakuro cikirok paran kodin, in kiri gi nyikwayin i luse ma yuwaŋe. 10#Tim 7:8; Rom 4:11Me a cikirok paran ma in gi nyikwayin wiripo kuro; kisi jacwo ripo thumirok. 11-12Wok pama kadho yuwaŋe wiripo thumo kisi nyathi majayac ka ja ndelo aboro, kiri gi ŋecin m'onywol pecin mewin, kodi ŋecin m'onyew wok bongi jopath. Me bino bedo ranyuth ma cikirok i dier win kodan. 13Kisi nyatoro ripo thumirok, aka me bino bedo ranyuth ma neno ni cikirok paran kodin obedo ma cil gi cil. 14Jacwo moro je ma k'othumere k'okwanere paka acel kwoŋ ji paran, rupiri go k'okuro cikirok kodan.”

15Aka Were owaco ri Abraham ni, “Paka ri Saray cegin, wok pama nyingi go obedo Sara. 16Abino miyo go silwany, aka abino miyin wodin luwo i go. Abino miyo go silwany aka go bino bedo yok piny kweth; kerin jobino wok kwoŋ go.”

17Kenyo Abraham okule piny gi nyime aka onyero to waco ni, “Jacwo bende nyalo limo nyathi munyo jaoro 100? Sara nyalo nywolo nyathi i oro piero abuŋwen?” 18Aka Abraham owaco ri Were ni, “Raŋo ikiwey Isimayil wolunjan?”

19To Were owaco ni, “Be, cegin Sara bino nywolo rin wodin, aka ibino cwoko nyinge ni Isaka. Abino timo cikirok paran gi go paka cikirok ma cil gi cil ri nyikwaye. 20Paka ri Isimayil, atieko winjo kwac perin; neni, abino miyo go silwany t'amiyo go nyithindho kweth gi nyikwaye kweth. Go bino bedo ba wot kere apar g'ario, aka alatimo piny madwoŋ wok i go. 21T'abino timo cikirok paran gi Isaka, ma Sara lanywolo rin i hongo me i oro ma bino.”

22Munyo Were otieko luwo gi Abraham, okadho.

23Kenyo Abraham okwanyo wode Isimayil, ŋecin ma cwo m'onywol i ot pere gi m'onyew gi pesa kodi cwo je ma ot pere aka othumo jo. 24Abraham oyido jaoro piero abuŋwen g'abuŋwen munyo othum go, 25aka Isimayil oyido jaoro apar g'adek. 26Joje jothumere i ndelo acel, 27kanyacel gi ŋecin ma ot pa Abraham.

Currently Selected:

Cakirok 17: DHOPE

ማድመቅ

Copy