ADECHHÜ 46
46
Jakob nu Ma theghi na Ejipt wi kewa
1Jakob na ma keben tsüdi kiden-keshaya nu Beersheba wi wa, nu ahhansha sapi ma ba Isak Nyiza kinyi. 2Ghaja wi kemanthi wina Anyiza na ma ci chi nu khi, “Jakob, Jakob!”
Ma luneng “Hi hewi benle.” 3Ma khi, “Hi Anyiza, nba Nyizawa tsüle. Ejipt wi wa nmessi lalo. Hi ciwi nshicübvügha sapi mizzatenti keti kesü sa thsüden. 4Hi no gweghe Ejipt wi waden, nu nshicübvüghathu ssinu ayyi hewi gho neng aben. Josef na no gweghe keben wi no shüaben.”
5Jakob na Beersheba wina wa. Ma tsathu na ma, mathu tsangathu, nu mathu wubvüthu, pi kadimiwa Ejipt wina kesunchi kecü garithu witsü chiya. 6#Kek 7.15. Mathu na Kanaan wi mathu sahangthu nu keben mu keyathu tsü pvüya nu Ejipt wi wa. Jakob na ashicübvüghathu tsüdi ssinu ma gweghe wa; 7tsüna ma tsathu, ma tsa tsathu, nu ma ngathu, nu ma nga ngathu.
8Jakob theghi ma gweghe Ejipt wi kewathu nyan na ma tsa tssütsewa Reuben, 9nu Reuben tsathu; Hanok, Pallu, Hezron, nu Karmi. 10Simeon nu ma tsathu; Jemuel, Jamin, Ohad, Jacin, Zohar, nu Kanaan nza tsawa Shual. 11Levi nu ma tsathu; Gershon, Kohath, nu Merari. 12Judah nu ma tsathu; Shela, Perez, nu Zerah. (Judah tsa Er nu Onan manyi Kanaan wi shüa.) Perez tsathu na Hezron nu Hamul. 13Issakhar nu ma tsathu; Tola, Pua, Jashub, nu Shimron. 14Zebulun nu ma tsathu; Sered, Elon, nu Jahleel. 15Hathu ha Jakob tsathu Mesopotamia wi keben jü Leah na pvügha kecü nu ma ngawa Dina. Leah wina mu keya ma shicüthu na saghu changha nu kecheng.
16Gad nu ma tsathu; Zefon, Haggi, Shuni, Ezbon, Eri, Arod, nu Areli. 17Asher nu ma tsathu; Emno, Eshva, Eshvi, Beriya, nu mathu tssüggüwa Sera. Beriya tsa na Heber nu Malkhiel manyi. 18Tagha nu tugho hathu hana Jakob shicüthu Laban na pi ma nga Leah kecü maghalewa Zilpa wina pvügha keya. 19Jakob wubvü Rachel na atsa keni pvügha cü: Josef nu Benjamin manyi. 20#Ade 41.50-52.Josef na Ejipt wi atsa keni Manasseh nu Efraim manyi na Heliopoli wi keqhaikediwa Potifera ngawa Asenath wina pvügha keya. 21Benjamin tsathu na Bela, Bekhel, Asbel, Gera, Naaman, Ehi, Rosh, Muppim, Huppim, nu Ard. 22Tagha mejü hathu hana Jakob shicüthu Rachel wina pvügha keya.
23Dan nu ma tsa Hushim. 24Naftali nu ma tsathu; Jahzeel, Guni, Jezer, nu Shillen. 25Tagü hathu hana Jakob shicüthu Laban pi ma nga Rachel kecü maghalewa Belha wina pvügha keya.
26Jakob gwo wina keshhugho ma shicüthu, ma tsathu wubvüthu nsila anyi achentugho nu tugho na Ejipt wi wa. 27#Kek 7.14. Josef na Ejipt wi atsa keni muya nu tsü saghula Jakob theghithu anyi achentagü na ben.
Jakob nu Ma theghi na Ejipt wi Keben
28Jakob na Judah kesun pi atuwi wa Josef na Goshen wi mathu metulo wa thsü. Mathu wa cu keya wi 29Josef na gorugari wi duya nu wa Goshen wi ma ba metu. Mathu kemetuli keya wi Josef na ma ba sun khenteggüya nu matsü kesiela qai wa. 30Jakob na Josef wi kiza, “Hi shü wa lela mehaidha, kepaghenanye hi n-mmi muyadha nu no khilila hangben kesa chüyadha.”
31Tsaseng wi Josef na ma cünyuthu nu ma ba theghi kepathu wi kiza, “Hi wa kadimiwa wi icünyuthu nu iba theghithu tsüdi Kanaan wi hang keten hi wi ghodha le kesa nkizathu yishüdha. 32Hi ma wi nthu na anenikehie nu asahang kenonccathu, nu nthu sahangthu nu nthu keben tsüdi sen ghodha le kizaden. 33Kadimiwa na nthu cichi nu nthu na mangwa saten khe keü lethu, 34nthu na nthu bamyithu kekuli ti nthu kahang chu asahangthu noncca tenle ma kiza metsilo. Tsütithu ma nthu yala Goshen yegu witsü hang thsüben.” Josef na ha khi, kepaghenanye Ejipt nyithu na anenikehie kekuli tsü mangla sa nketen ghena.
Currently Selected:
ADECHHÜ 46: RENGNBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
