BVÜKESHHU 27
27
Kekinyipen
(Bvü 38.1-7)
1“Akakia chan pi kekinyipen kesü sayalo. Tsüna ketikesie meceqe nu kesie meter 2.2, kemeza meter 2.2, nu kemisi meter 1.3 saya. 2Accügwen mejü shoni witsü aghacüthu saya. Tsüthu pi kekinyipen gwo wi zhüghu pi kesü sa, nu lezza pi maben la mejuya. 3Kemecang khala kechi ghena akhuthu, nu kekhwiji, akhuzza, adhasü, nu anikhu hathu saya. Atsanqai hathu tsüdila lezza pi mejuya. 4Lezza pi anyagha kesü saya, nu kepieji aqae mejü sapi ma ccügwenthu wi chiya. 5Anyagha tsüpi kekinyipen füghancü kesa cakhu wi chi nu tsü yala kekinyipen kegishü pahan cuya thsü. 6Akakia chan pi tsü kepiechanthu sa, lezza pi mejuya, 7nu kekinyipen tsü piele kesa wi tsüthu pi ma qei kesüsü witsü ghe chiya. 8Hi ayikha wi pi no keccüca kekiden tsü nie nu kaha chan pi kekinyipenwa tsü sa nu ma non wi kaghacang saya.
Apvüwa Ketenpen Nithsüjjen Kevüdhi
(Bvü 38.9-20)
9“Hi ketenpen Nithsüjjenwa tsü ghena linen kemehai pi kevüdhi kesü saya. Acülawa keshondhithsü tsüna kesie meter 44 10rükatssü pi adhasü nu zenza kebhenji sa ketheng tsüpi lezza pi kesa donbvü ngwe nu lezza pi kesa zenza ngwe sapi tsü tsükiya. 11Aghawa kevüdhi wi la tsü makesü sayalo. 12Niduwa adonbvü tagha nu azenza tagha pi keshonthsü kesie meter 22, sapi shonya. 13Nishuwa kedulen tsü kevüdhi la kemeza na meter 22, saben. 14-15Kedulen ghapeli qho wi adonbvü kecheng nu azenza kecheng nu keshonthsü meter 6.6, saben. 16Kedunlenwa ghena keshonthsü kesü kesie meter 9, linen kemehai atsena, nmiepheü kesa nu ssenthsü kenmie, nu ayakhu pi ma tsikesa pi degüghu. Tsüna adonbvü mejü nu azenza mejü pi tsükiya. 17Kevüdhiwa tsü adonbvü nu lezza zenzathu tsüdila rükatssü pi kesa adhasü nu kebhenji pi zanghu. 18Kevüdhiwa tsüna kesie meter 44, kemeza meter 22, nu kemisi meter 2.2 saaben. Keshonthsüthu na linen kemehai nu azenzathu na lezza pi saaben. 19Nithsüjjen wi atsanqai kesenjithu, Nithsüjjen kejetenjithu, nu kevüdhiwa ghena tsüdila lezza pi saben.”
Ahulawa Tsü Kenoncca
(Lev 24.1-4)
20“Ghaja kaghapenla cankiben thsüle kesalina Israel nyithu wi oliv deli kemehai ntsa sen nu no wi gholo kizalo. 21Aaron nu ma tsathu na hi ketenpen Nithsüjjen wi keshonthsü na ameiwa Cenkethenjüh Khitson tuwi ahula pi chiben. Ciwi hi ketenpen tsüna aghaja na wala ghanenwa kecu wi qheben ben. Israel nyithu nu mathu shicübvüghathu na anuphanla ahza ha nieben.”
Currently Selected:
BVÜKESHHU 27: RENGNBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Rengma (N) (Re-editing) Bible - Kemethajüh (N)
Copyright © 2016 by The Bible Society of India
Used by permission. All rights reserved worldwide.
