INṬANNA 14
14
Abramin Lota a sansuok
1Chun, Sinar lal Amraphel, Ellasar lal Ariok, Ellam lal Kedorlaomer le, Goiim lal Tidal dam lai chun hieng hi a na,
2anni chun Sodom lal Bera chu an rûn a. Gomorra lal Birsa, Adma lal Sinab, Zeboiim lal Semeber le Bela lal chu an rûn bawk a. (Bela khuo chu Zoar khuo a ni tah).
3Chuonghai po po chu Siddim ruoma chun an ṭhang ruol a (chu chu Tuipui Al a ni tah).
4Kum sâwmpahni sûng chu Kedorlaomer hnuoiah an um a, a kum sâwm pathumnaa chun an hel ta a.
5A kum sâwm palinaa chun Kedorlaomer le a kuoma lal umhai chu an hung a, Asteroth-karnaim khuoah Rephaimhai an that a, Ham khuoah Zuzimhai, Kiriathaim zâwlah Emimhai,
6an umna Seir tlângah Elparan chenin Hormihai an that a, (Elparan chu thlalêr depa um a nih).
7Chun, an kîr nâwk a, En-mispat an tlung a (chu chu Kades a ni tah). Amalekhai rama mi po le, Hazazontamara um, Amorhai khawm chu an that nâwk a.
8Chuongchun, Sodom lal, Gomorra lal, Adma lal, Zeboiim lal le Bela lal chu an suok a (Bela khuo chu Zoar khuo a ni tah); chun, anni chu thaw dingin Siddim ruoma chun an ṭhang tlat a.
9Elam lal Kedorlaomer, Goiim lal Tidal, Sinar lal Amraphel, le Ellasar lal Ariok chu thaw dingin, lal paliin lal panga an thaw a.
10Chun, Siddim ruom chu lawng hnâi khurin a sip a; chun, Sodom le Gomorra lalhai chu an tlânse a, chutaka chun an tla a, a tla mahlahai chu tlânga chun an tlân hmang ta a.
11Chuongchun, Sodom le Gomorra mihai sum po po, le an fâk ding po po an lâk a, an kîr ta a.
12Lota, Abram unaupa naupa, Sodoma um chu, a sumhai leh an lâk bawk a, an fe ta a.
13Chun, mi pakhat tlânsuok chu a hung a, Hebrai mi Abram chu a hril a; ama chu Amor mi Mamre thingsaisuohai#Thing serh, Or, Terebin kâwla chun a um a, Mamre chu Eskol le Aner unau a na; chuong mihai chu Abram le ṭhang hmunkhat an nih.
14Abramin a nau chu salah an ṭhuoi ti a hriet phingleh a ina pieng, ama mi, inchûk thiemsa tah, za thum le sâwmpariet a ṭhuoi suok a, Dan chenin a hnawt ta a.
15Chun, zâna chun anni chu thaw dingin ama le a suokhai chu an insem dar a, annirawi chu an that a, Hoba chenin an hnawt a (Hoba chu Damaska hmâra um a nih).
16Chun, sum po po chu a hung lâkkîr nâwk vawng a, a naupa Lota le a sumhai chu a hung lâk nâwk vawng bawk a, a nuhmeihai khawm a hung ṭhuoi kîr a, mi danghai po po leh.
Melkizedekin Abram mal a sâwm
17Chun, Kedorlaomer le a kuoma lal umhai chu thata a kîr nâwk chun, Sodom lal chu Save ruoma chun Abram tuok dingin a suok a (Save ruom chu lal ruom a ni tah).
18Chun, Salem lal Melkizedek chun bei le uoin a hung lâk a; ama chu Pathien Chunghnungtak thiempu a nih.
19Chun, ama chun Abram chu mal a sâwm a, “Abram chu hnuoi le vân neitu, Pathien Chunghnungtak malsâwmin um sien;
20 #
Heb 7.1-10
i hmêlmahai i kuta petu Pathien Chunghnungtak chu inpâkin um raw se,” a ta. Abram chun ama chu iengkim sâwmapakhat a pêk a.
21Chun, Sodom lal chun Abram kuomah, “Mihriemhai hi mi pe la, sumhai hi chu nangin nei rawh,” a ti a.
22Abram chun Sodom lal kuoma chun, “Hnuoi le vân neitu Lalpa Pathien Chunghnungtak tieng chun ka bân ka phar tah a nih;
23pat zai khat khawm, kekawkhrui hlek khawm, i nei hrim hrim chu la dêr naw ning, chuong naw chun, ‘Abram chu keia sukhausak annâwm,’ ti rawi i tih:
24tlangvâlhai fâk hmang le ka mi fepuihai chanvo bak naw chu la naw ning; Aner, Eskol le Mamre chun an chanvo chu la raw hai se,” a ti a.
Currently Selected:
INṬANNA 14: HMOVBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Hmar OV (Re-edited) Bible (Millennium) - Pathien Lekhabu Inthieng
Copyright © Bible Society of India, 2016.
Used by permission. All rights reserved worldwide.
