Chivkeeb 4
4
Ka-ees hab Anpees
1Adaas nrug Evas kws yog nwg quaspuj pw, ces Evas txawm xeeb tub. Evas yug tau ib tug tub hab nwg has tas “Vim tug TSWV paab kuv, kuv txhaj tau ib tug tub.” Yog le ntawd, nwg txhaj tis tug tub ntawd npe hu ua Ka-ees.#4.1 Ka-ees: Lub npe nuav has le Henplais lu lug kws has tas, “tau lawm.” 2Tom qaab ntawd nwg rov yug tau ib tug tub, hab nwg tis npe hu ua Anpees. Anpees yog ib tug tub yug yaaj, tabsis Ka-ees yog ib tug tub ua qoobloo. 3Muaj ib nub Ka-ees nqaa tej qoobloo kws nwg sau tau lug coj tuaj fij rua tug TSWV. 4Ces Anpees kuj muab nwg tej mivnyuas yaaj kws yog thawj tug, coj tuaj tua, hab nwg xaiv tej nqaj zoo coj tuaj fij rua Vaajtswv. Tug TSWV txaus sab heev rua Anpees hab nwg tej khoom fij, #Hen 11.4 5tabsis Ka-ees hab nwg tej khoom fij tsi hum Vaajtswv sab. Yog le ntawd, Ka-ees txhaj chim hab ua ntsejmuag npautawg vog. 6Ces tug TSWV has rua Ka-ees has tas, “Vim le caag koj yuav chim ua luaj le? Vim le caag koj ua ntsejmuag npautawg vog le ko?” 7Yog koj yeej ua qhov zoo,#4.7 Yog koj yeej ua qhov zoo; lossis kuv yuav txais koj tej khoom fij. kuv yuav txais koj tej khoom fij, tabsis yog koj ua phem, txujkev txhum zuv rawv ntawm koj qhovrooj yuav tum koj. Txujkev txhum xaav ua tug kaav koj, tabsis koj yuavtsum ua kuas koj kovyeej nwg.
8Tom qaab ntawd, Ka-ees has rua nwg tug kwv Anpees has tas, “Wb tawm moog yos ua si nraag teb.”#4.8 Tej phoo qub txais has tas Wb tawm moog yos ua si nraag teb; phoo Henplais tsi muaj cov lug nuav. Thaus obtug moog txug nraag teb lawm, Ka-ees txawm ntxeev sab rua nwg tug kwv hab muab nwg tug kwv tua tuag lawm.#Mat 23.35; Luk 11.51; 1 Yhs 3.12
9Tug TSWV nug Ka-ees has tas, “Koj tug kwv Anpees moog rua qhov twg lawm?”
Nwg teb has tas, “Kuv tsi paub. Kuv yog tug kws tsomkwm kuv tug kwv los?”
10Ces tug TSWV has tas, “Vim le caag koj yuav ua nruj ua tsiv le ko? Koj tug kwv cov ntshaav kws ndlwg rua huv aav tub quaj hu kuv, thov kuas kuv ua pauj rua koj ntaag.#Hen 12.24 11Nwgnuav koj raug lu lug foom tsi zoo hab raug ntab tawm tsiv ntawm thaaj aav kws nqug koj tug kwv kws koj muab tua cov ntshaav. 12Txawm yog koj khwv cog qoobloo ntau npaum le caag los tej aav ntawd yuav ua rua koj tej qoobloo hlub tsi taug. Koj yuav ua tuabneeg lajlees moog thoob qaab ntuj tsi muaj vaaj tsi muaj tsev nyob.”
13Ka-ees has rua tug TSWV has tas, “Koj rau txim rua kuv nyaav tshaaj qhov kuv yuav ris taug lawm. 14Koj ntab kuv tawm ntawm thaaj aav nuav hab tawm ntawm koj lub xubndlag moog. Kuv yuav ua tuabneeg lajlees moog thoob qaab ntuj tsi muaj vaaj tsi muaj tsev nyob, hab leejtwg ntsib kuv los yuav tua kuv povtseg.”
15Tabsis tug TSWV teb has tas, “Yeej tsi tau le, yog leejtwg tua Ka-ees povtseg, mas tug ntawd yuav raug txim xyaa npaug ntxiv.” Yog le ntawd, tug TSWV txhaj ntaus cim rua Ka-ees lub cev kuas leejtwg pum los tsi xob tua Ka-ees povtseg. 16Ces Ka-ees txhaj tsiv ntawm tug TSWV lub xubndlag hab moog nyob rua ib lub tebchaws hu ua “Ncig Moog Ncig Lug” kws yog nyob ntawm lub Vaaj Edees saab nubtuaj.
Ka-ees Cov Xeebntxwv
17Ka-ees hab nwg tug quaspuj yug tau ib tug tub, obtug tis nwg lub npe hu ua Enauj. Ka-ees rhawv tau ib lub nroog hab nwg muab lub nroog ntawd tis npe hu ua Enauj lawv le nwg tug tub lub npe. 18Enauj muaj ib tug tub hu ua Iladis, nwg yog Mehuya-ees txiv, Mehuya-ees muaj ib tug tub npe hu ua Methuxa-ees, hab Methuxa-ees muaj ib tug tub hu ua Lamej. 19Lamej yuav ob tug quaspuj, ib tug hu ua Adahes hab ib tug hu ua Xilas. 20Adahes yug tau ib tug tub hu ua Yanpales, Yanpales yog yawmkoob ntawm cov tuabneeg kws yug tsaj txhu hab nyob tsevntaub. 21Yanpales muaj ib tug kwv hu ua Yunpas, Yunpas yog yawmkoob ntawm cov tuabneeg kws txawj ntaus nkauj nogncaas hab tshuab raaj. 22Xilas yug tau ib tug tub hu ua Tunpas Ka-ees, nwg txawj ntaus txhua yaam cuabyeej#4.22 nwg txawj ntaus txhua yaam cuabyeej; Ib phoo qub txhais has tas, nwg yog yawmkoob ntawd cov tuabneeg kws txawj ntaus tooj ntaus hlau. kws yog muab tooj muab hlau ntaus. Tunpas Ka-ees tug muam hu ua Na-amas.
23Lamej has rua nwg ob tug
quaspuj tas,
“Adahes hab Xilas,
meb ca le noog kuv has:
kuv tau tua ib tug txivneej
povtseg
vim nwg ua rua kuv raug mob,
kuv tua ib tug tub hluas
povtseg
vim nwg ntaus kuv.
24Yog leejtwg tua Ka-ees
nwg yuav raug txim xyaa npaug,
yog leejtwg tua kuv tug
ntawd yuav raug txim
xyaa caum xyaa npaug.”
Xej hab Enauses
25Adaas rov nrug nwg tug quaspuj pw, Evas txhaj rov yug tau ib tug tub, Evas has tas, “Vaajtswv pub kuv muaj dlua ib tug tub lug sawv Anpees tug kws Ka-ees muab tua lawm chaw.” Yog le ntawd, nwg txhaj tis tug tub ntawd npe hu ua Xej.#4.25 Xej: Lub npe nuav lug Henplais txhais has tas, “muab pub.” 26Xej muaj ib tug tub, hab Xej muab tis npe hu ua Enauses. Txij thaus ntawd lug tuabneeg txawm pib tuav tug TSWV lub npe pehawm tug TSWV.
Currently Selected:
Chivkeeb 4: HNJ2000
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2000 United Bible Societies. All rights reserved.
