Pemungkal 5
5
Peturun Adam
(1 Bansa Israel 1.1-4)
1 #
P-kal 1.27-28. Baka tu ku ripih peturun Adam. (Lebuh Allah Taala ngaga mensia, Iya ngaga sida baka gamal Iya Empu. 2#Mat 19.4; Mrk 10.6. Iya ngaga sida lelaki enggau indu, merekatka sida, lalu ngumbai sida “Mensia”)#5.2 Mensia; Reti nya, Adam, dalam jaku Hebrew 3Lebuh umur Adam 130 taun, iya bisi siku anak lelaki ke sebaka gamal enggau iya empu, lalu iya meri iya nama Set. 4Udah nya Adam idup 800 taun. Iya bisi anak ti bukai 5lalu iya mati umur 930 taun.
6Lebuh Set umur 105 taun, iya bisi anak lelaki siku benama Enos, 7lalu Set idup 807 taun udah lepas nya. Iya bisi anak ti bukai 8lalu iya mati umur 912 taun.
9Lebuh umur Enos 90 taun, iya bisi siku anak lelaki benama Kenan, 10lalu Enos idup 815 taun udah lepas nya. Iya bisi anak ti bukai, 11lalu iya mati umur 905 taun.
12Lebuh Kenan umur 70 taun, iya bisi siku anak lelaki benama Mahalalel, 13lalu Kenan idup 840 taun udah lepas nya. Iya bisi anak ti bukai 14lalu iya mati umur 910.
15Lebuh Mahalalel umur 65 taun, iya bisi siku anak lelaki benama Jaret, 16lalu Mahalalel idup 830 taun udah lepas nya. Iya bisi anak ti bukai 17lalu iya mati umur 895 taun.
18Lebuh umur Jaret 162 taun, iya bisi anak lelaki siku benama Enok, 19lalu Jaret idup 800 taun udah lepas nya. Iya bisi anak ti bukai 20lalu iya mati umur 962 taun.
21Lebuh umur Enok 65 taun, iya bisi siku anak lelaki benama Metuselah. 22Udah bekau nya, Enok diau begulai sejalai enggau Allah Taala 300 taun, lalu bisi anak ti bukai. 23Enok idup datai ngagai umur 365 taun. 24#[2] Sir 44.16; [1] Heb 11.5; Jud 14. Iya diau begulai sejalai enggau Allah Taala, lalu udah nya iya lesap, laban Allah Taala ngambi iya.
25Lebuh Metuselah umur 187 taun, iya bisi siku anak lelaki benama Lamek, 26lalu Metuselah idup 782 taun udah lepas nya. Iya bisi anak ti bukai 27lalu iya mati umur 969 taun.
28Lebuh Lamek umur 182 taun, iya bisi siku anak lelaki 29lalu ku iya, “Anak mit tu deka ngelantangka kitai ti ngereja pengawa ti mar ba tanah ti udah disumpah TUHAN”. Nya alai iya meri iya nama Noah.#5.29 Noah: Dalam Hebrew, nama tu sebaka munyi enggau leka jaku pengelepas 30Lamek idup 595 taun udah lepas nya. Iya bisi anak ti bukai 31lalu iya mati umur 777 taun.
32Lebuh Noah umur 500 taun, iya bisi tiga iku anak lelaki, Sem, Ham enggau Japet.
Currently Selected:
Pemungkal 5: BK
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Hakcipta © 2011, The Bible Society of Malaysia
Copyright © 2011, The Bible Society of Malaysia
