Piiligu 5
5
Adam baligu
1Gbaŋŋu a yetirini Adam baligu yela, Naawunni daa maali ni nisaala, o ŋmaani u. 2O maali bani daba ni poga, ka nafa ba, a booli ba nisaaladima. 3Adam di yuma koowa ni pisita, ka dogi biya, o ŋmaani u, o digili o yuuri Sefi. 4Sefi dogim nyaaŋa, o di yuma kobsinii, ka lee n dogi biduusi ni bipunsi. 5Adam yuma kobsiwai ni pisita nyaaŋa n na o kpi.
6Sefi yuma koowa ni anu poin ka dogi Inosi. 7O n dogi Inosi nyaaŋa, O yuma kobsinii ni ayapoin, ka o n lee n dogi biduusi ni bipunsi. 8Sefi yuma kobsiwai ni pii ni ayi, ka o kpi.
9Inosi yuma kobsiwai, ka o dogi Keenan. 10Keenan dogirisim nyaaŋa, Inosi yuma kobsinii ni pii ni anu, a nyaaŋa n na o lee n dogi biduusi ni bipunsi. 11Inosi dini yuma kobsiwai ni anu ka kpi.
12Keenan yuma pisiyapoin ka dogi Mahalali. 13O n dogi Mahalali nyaaŋa, o di yuma kobsinii, a ni pisinaasi, ka lee n dogi biduusi ni bipunsi. 14Keenan daa n dini yuma kobsiwai ni piiya, ka kpi.
15Mahalali yuma pisiyoobu ni anu, ka dogi Jaadi. 16O n dogi Jaadi nyaaŋa, o dini yuma kobsinii a ni pisita, ka dogi biduusi ni bipunsi. 17Mahalali yuma kobsinii a ni pisiwai ni anu, ka o kpi.
18Jaadi yuma koowa ni pisiyoobu, ni ayi, ka dogi Inoki. 19O n dogi Inoki nyaaŋa, o yuma kobsinii, ka o lee n dogi biduusi ni bipunsi. 20Jaadi yuma kobsiwai ni pisiyoobu ni ayi, ka o kpi.
21Inoki yuma pisiyoobu ni anu poin ka o dogi Matuusala. 22O n dogi Matuusala nyaaŋa, Inoki daa n niŋi petira Naawunni, yuma kobsita poin ka dogi biduusi ni bipunsi. 23Inoki yuma daa n niŋi kobsita ni pisiyoobu ni anu. 24Inoki ni Naawunni n daa chaŋina, o naag u du saa, ka o bi kpi.
25Matuusala yuma koowa ni pisinii ni ayapoin, ka o dogi Lameki. 26O n dogi Lameki nyaaŋa, o yuma kobsiyapoin ni pisinii ni ayi, ka dogi biduusi ni bipunsi. 27Matuusala daa niŋini yuma kobsiwai ni pisiyoobu ni awai, ka kpi.
28Lameki dini yuma koowa ni pisinii ni ayi, ka dogi biduwa. 29Ka digili o yuuri Nuhu, ka yeli, ŋala n ni maa ti sufusi, a yi ti tuma pelli, a kpali Naawunni n si tiŋgbaŋŋu a noori la zu. 30O n dogi Nuhu nyaaŋa, Lameki dini yuma kobsinu ni pisiwai ni anu, ka dogi biduusi ni bipunsi. 31Lameki daa n dini yuma kobsiyoobu ni pisiyapoin ni ayapoin, ka kpi.
32Nuhu daa n dini yuma kobsinu, ka dogi Sem ni Ham a ni Jafeti.
Currently Selected:
Piiligu 5: hag
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© 2015, Ghana Institute of Linguistics, Literacy and Bible Translation (GILBTT)
