Matayo 19
19
Yesu Akuenda Lingo ku Yudaya.
1Nu gasilile kutenda bubo, atukile ku Galela, abasile mu miaga za Yudaya lisilia lia Yadene; 2nu misanganano mingi zamuyangile; nu abonizie.
Yesu Ekubula Buahuita Isonga.
Mat. 5:31, 32; Mk. 10:1-12; Lk. 16:18; I Kol. 7:10-15.
3Nu baFalese bavule kumulindika, nu bamubuzizie bune, Ndi buakulungana ku mulembe muntu kutikia mukikulu wage ku musako na musako? 4Nuwe abakuide bune, Ndi inyue tamuasomine tugu buno, Mu kulinga Mubumbi abumbile wamulume nu mukikulu, 5nu atendile bune, Kububo wamulume akasiga isi nu nina, nu akalandana na mukikulu wage; nu bobabili bakaba mubili umozi? #Genese 2:24. 6Nu tabeli babili lingo, tondo beseli mubili umozi. Kubuno kiakulumanizie Kalaga, muntu ntanakilekanukia. 7Bamubuzizie bune, Kubuni Mose akakizizie buno nti wamukasa mukanda wa kuita isonga, nu nti wamutikia? 8Nu ababuide bune, Ku kabamba ka bubibu bua mitima zeinyu, Mose amuitabizizie kutikia bakikulu beinyu: tondo mu kulinga tabuabezaga bubo. 9Ababuide lingo bune, Tondo nkumubula buno wozo watikia mukikulu wage kute ku butazi nu kusonga ungo, nti eita meiga, nu wasonga lingo wozo watikibua, nti eita meiga. 10Beigisibua bage bamubuide bune, Ndi bitondo bia wamulume nu mukikulu bili bubo, kasi ta busoga kusonga. 11Tondo ababuide bune, Bantu bansania tabanavuama kukatizia bubuno, tondo babo babukasilue. 12Kubuno kuli babutilue mintembele, nu kuli bango bakubukitua na bantu, nu bango bakuibikabo ku kabamba ka bukota bua meigulu. Ukutunda kukita bubo nti abukita.
Yesu Ekubogiabogia Bana Bato.
Mk. 10:13-16; Lk. 18:15-17.
13Nu bamuvuilide na bana bato, buno ababike maboko, nu kubasegela: nu beigisibua bage babazugide. 14Tondo Yesu atendile bune, Sigazi bana bato bavue kundi, tamunabazugila: kubuno, beli anga babano bukota bua meigulu buli buabo. 15Nu ababikile maboko, nu atukile kuko.
Musikila Mugumi Ekulonda Kalamo Katanakuzinda.
Mk. 10:17-30; Lk. 18:18-30; 10:25-30.
16Nu muntu umozi amuvuilide, amubuide bune, Musozi, musako musoga mukizi unikita buno, nibe na kalamo katanakuzinda? 17Nu amutendile bune, Buni bukumbuzia buli busoga? Kuli tugu umozi u musoga: tondo ndi ukutunda kuingila mu kalamo; anza makakizio. 18Abuzizie Yesu bune, Ikakizio ikizi? Yesu amutendile bune, Ntuite muntu, Ntuite meiga, Ntuibe, Ntueke munyobe buza. 19Wanze So nu nyoko; nu utunde munyobe anga buwitunda uwenyene. 20Wozo musikila amubuide bune, Nanzile mamo mansania kalazi; kikizi lingo kinikita? 21Yesu amubuide bune, Ndi watunda kusililila, enda, ukunzie binsania biguli nabio, ubikase bazambi, bubo ukaba neisuku muigulu: nu uvue, unyange. 22Tondo gongule wozo musikila ku bubo, endile na kabebe; kubuno abezaga na bikulo bingi.
23Yesu abuide beigisibua bage bune, Lebelebe, nkumubula bune, Kuingila kua mugumi mu bukota bua meigulu kuli kubibu. 24Nkumubula lingo bune, Buli neibineibi ngamia kuingila muitengu lia nsinge, ku mugumi kuingila mu bukota bua Kalaga. 25Nu gongule beigisibua bage ku bubuno, bangamine nunse, bamubuzizie bune, Nazi ukonibua? 26Nu Yesu abalolile, abatendile bune, Bubuno tabunakulungana ku bantu; tondo bunakulungana ku Kalaga. 27Bubo Petelo amuakuide bune, Unguilila, tuasigile bietu binsania nu tuakuyangile, kikizi kitukamona? 28Nu Yesu ababuide bune, Lebelebe, nkumubula bune, Mu nkiko za kugaluka kua binsania gakeikala Muana wa muntu ga kisumbi kiage kia lutanuno, nuinyue lingo banyangaga mukeikala ga bisumbi ikumi na bibili, nu mukasungia bikanga ikumi nu bibili bia balsalele. 29Muntu unsania wasigile numba zage, aba bato bage, aba babitu bage, aba isi, aba nina, aba bana bage, aba masoa mage, ku kabamba keizina liane, nu akatalikilua mambizi lukama, nu akapiena kalamo katanakuzinda. 30Tondo beingi balingaga bakaba bazinda; nu beingi bazindaga bakaba batangi.
Currently Selected:
Matayo 19: NTKI57
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Nouveau Testament en Kilega © Bible Society of the Democratic Republic of Congo, 1957.
