Matayo 16
16
Yesu Ekusungula baFalese.
Mk. 8:10-12.
1Nu baFalese nu baSadoke bavule kumulindika, nu bamubuide bune, Tulolesie mugeleko ukutuka kuigulu. Abakuide bune, 2Kungua buse muigolo mukutendaga buno, kuakie buange lubi; kubuno igulu liakangukilua. 3Nu mu nindunindu mukutendaga buno, Lelo kuete kisoa: kubuno igulu liakisimana nu lieina bumpi. Inyue bengelezi, mukumenyinina igulu; tondo tamukumenyinina tulolesio tua nkiko. 4Inyue ba kibuti kibi nu kia butazi mukutunda kalolesio; tamukalolesibua kango kalolesio, umpanga ka Yona. Nu abasigile, nu endile.
Yesu Anine Beigisibua Bage Kukenga Mugago wa baFalese.
Mk. 8:13-21.
5Nu beigisibua bendile lisilia lia kitatenge, beibilide kueka tumpampa tua kulia. 6Nu Yesu ababuide bune, Idangazi na mugago wa baFalese nu baSadoke. 7Bakengelezanizie buabo buabo bune, Tatuavule na tumpampa. 8Nu gamenyine Yesu bubakengelaga, atendile bune, Inyue basosu mu bukatizio, buni bumukukengelezania, buno tamuavule na tumpampa? 9Inyue tamukumenyinina aba ndi tamukukengela ku tumpampa tutano nu bantu babezaga bakuka tununu tutano, nu nzi inga zimuasongezie? 10Inyue ndi tamukukengela tumpampa mutuba kamo nu bantu babezaga bakuka tununu tunazi, nu nzi inga zimuasongezie? 11Ndi muizi tugu buno namubulaga tumpampa? Tondo namubulaga tugu buno muidange na mugago wa baFalese nu baSadoke. 12Ububo, bamenyine bune, Ntatubuide ku mugago wa tumpampa, tondo atubuide tugu ku meigisia ma baFalese nu baSadoke.
Petelo Eitabizia Bune, Yesu eli Muana wa Kalaga.
Mk. 8:27-30; Lk. 9:18-21.
13Gavule Yesu mu ndenge za Kaisalia Filipo, abuzizie beigisibua bage bune, Bantu bekubula Muana wa muntu buno eli nazi? 14Batendile buno bango bekutenda bune, Eli Yoana Mubatizi; bango bune, Eli Eliya; bango bune, Eli Yehemia, embe ungo mulengania. 15Ababuide bune, Tondo inyue mukutenda buno nili nazi? 16Nu Simona Petelo amuakuide bune, Uwe U Klisto, Muana wa Kalaga uli Mulami. 17Yesu abakuide bune, Simona Muana wa Yona: uli na mbogimbogi; ta menge ma bantu umakumenesia bubo, tugu, Tatane uli muigulu. 18Nunne, nkukubula bune, Nakuinika Petelo, #16:18 Buisulilua buizina lia Petelo buli-Ikozi. gantata ga luanda luluno nkobaka ekelezia liane; nu mpumba za basumbu tazikaligula. 19Nkakukasa mitandilua za bukota bua meigulu; nu kinsania kiwakandage ga kisi, nti kiakandue nukio muigulu; nu kinsania kiwakandulage ga kisi, nti kiakandulue nukio muigulu. 20Kububuno, Yesu akakizizie beigisibua bage bubibu buno, Tabasambalile muntu buno we u Klisto.
Yesu Ekubula Beigisibua Bage Kukua Kuage nu Kuyuka Kuage.
Mk. 8:31-38; Lk. 9:22-27.
21Kutukila nkungu zezo Yesu alingile kulolesia beigisibua bage buno, atunganana kuenda ku Yelusalema, nu kubabazibua na bakulu nu na basankoga banene nu basanzi, nu kuitua, nu kuyukibua kusila kua bindi bisatu. 22Nu Petelo amulutile, nu amuzugide bune, Mukota, Kalaga akukue kiombo, nu ntuabe bubo. 23Yesu agalukile, abuide Petelo bune, Enda kumbusa kuane, Satana; ukuninia mutima, kubuno makengelo mobe tameli ma Kalaga, meli ma bantu. 24Yesu abuide beigisibua bage bune, Ndi muntu atunda kunyanga, nti eituna, nu eke muti wage wa magu, nu anyange. 25Kubuno muntu unsania ukutunda konia kalamo kage akakazimizia: nu unsania ukakazimizia ku kabamba kane, ukakamona. 26Mutali mukizi wa muntu ndi angata kisi kinsania, nu kugabula kalamo kage? Aba muntu anagulania kikizi na kalamo kage? 27Kubuno Muana wa muntu akavua mu lutanuno lueIsi na migenzi zage; busi bubo akaliga muntu na muntu anga buakitaga. 28Lebelebe, nkumubula bune, Bamozi bemana gano; tabakakua aba nu gabakamona ku Muana wa muntu ekuvua mu bukota buage.
Currently Selected:
Matayo 16: NTKI57
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Nouveau Testament en Kilega © Bible Society of the Democratic Republic of Congo, 1957.
