Sɩngrẽ 1
1
Dũni naanego
1Dũni wã sɩngrẽ Wẽnd naana yĩngr la tẽnga. 2Tẽnga da yaa vɩʋʋgo,#1,2 Vɩʋʋgo: Fãa ra yaa zũnd-zãnde. bũmb da ka a pʋgẽ ye, lik n da yãmb zĩig zãnga. Wẽnd pãng la b maasem n da buiid kooma.
3 #
2Ko 4,6. Wẽnnaam yeelame tɩ vẽenem zĩndi. La vẽenem zĩndame. 4Wẽnnaam yãeeme tɩ vẽenem yaa sõmbo, tɩ b na n welg vẽenem la lika. 5B pʋda vẽenema tɩ wĩndga, n pʋd lika tɩ yʋngo. Zĩig sobgame n le yẽege: dẽ la pipi daare.#1,5 Daare: Wakat n zĩndi tɩ daara gɛɛlg sɩngd zĩ-sobd n digd zĩ-sobdo. Woto talat sɩngda tẽne zĩ-sobdo, tɩ talat zĩ-sobd zoe n ya arba.
6Wẽnnaam yeelame tɩ gãong yɛdg kooma sʋka n welg kooma sags a yiibu. La yɩɩ boto. 7Wẽnnaam naana saaga n welg kooma sẽn be yĩngrã ne koom ninga sẽn bɛ-a tẽngre, 8#2P 3,5. Wẽnnaam pʋda yĩngra tɩ saaga. Zĩig sobgame n le yẽege: daar a yiib soaba.
9Wẽnnaam yeelame tɩ kooma sẽn be saaga tẽngr tigim zĩig a ye, tɩ zĩ-koɛɛng puki. La yɩɩ boto. 10Wẽnnaam pʋda Zĩ-koɛɛnga tɩ tẽnga, n bool kooma sẽn tigim zĩig ninga tɩ mogre. Wẽnnaam yãeeme tɩ rẽ yaa sõmbo.
11Wẽnnaam yeelame tɩ tẽnga sob ne vãado, ne mood buud toɛ-toɛ sẽn womd biisi, ne tɩɩs buud toɛ-toɛ sẽn womd b biisi. La yɩɩ boto. 12Tẽnga sɩd soba ne vãado; ne mood toɛ-toɛ yã ne b biisi, ne tɩɩs toɛ-toɛ ne b biisi, la Wẽnnaam yãeeme tɩ rẽ yaa sõmbo. 13Zĩig sobgame n le yẽege: daar a tãab soaba.
14Wẽnnaam yeelame tɩ bũmb sẽn kõt vẽenem zĩnd saaga zugu n welg yʋng ne beoogo, n yals kibs rãmba, n yals daare la yʋʋmde; 15b na n zĩnda yĩngri n yɩ vẽenem n vẽnegd tẽnga. La yɩɩ boto. 16Wẽnnaam naana bug-bɛd a yiibu, a yembr yaa bed-kẽenga, yẽ n so beoogo; a yembr sẽn ka ta pipi soabã, yẽ n so yʋngo. B naana ãds me. 17Wẽnnaam ning-b-la yĩngr tɩ b vẽneg dũniyã, 18tɩ b soog beoog la yʋngo, vẽenem la lika la Wẽnnaam yãeeme tɩ rẽ yaa sõmbo. 19Zĩig sobgame n le yẽege: daar a naas soaba.
20Wẽnnaam yeelame tɩ kooma pid ne bõn-vɩɩli sẽn dugd la sẽn nugd a pʋgẽ. Tẽnga me pid ne luiili sẽn yɩgd sa-gãonga tẽngre. La yɩɩ boto. 21Wẽnnaam naana mogr pʋgẽ dũm-bɛda ne bõn-vɩɩli sẽn dugd la sẽn nugd koomẽ, ned kam fãa ne-a buudu, n le paas bõn-yɩgdi, ned kam ne-a buudu. La Wẽnnaam yãeeme tɩ yaa sõmbo. 22B ning-b-la bark woto: Bɩ y rog la y wek n pid mogra koom zãnga, bɩ luiili wã me wek n pid tẽnga. 23Zĩig sobgame n le yẽege: daar a nu soaba.
24Wẽnnaam le yeelame tɩ tẽnga rog bõn-vɩɩli, ned kam fãa ne a buudu: dũm-bɛda, dũm-bõonego, weoog rũmsi, ned kam fãa ne a buudu. La yɩɩ boto. 25Wẽnnaam naana rũmsi, ned kam fãa ne a buudu: rũm-bɛda, rũm-bõonego, ned kam fãa ne a buudu, rũm-kɩdse sẽn be tomẽ, ned kam fãa ne-a buudu. La b yãeeme tɩ rẽ yaa sõmbo.
26 #
1Ko 11,7. Wẽnnaam yeelame: D naan ninsaala n mamsa wa tõndo, wa tõnd wẽnego, t'a soog mogra zĩma, yĩngr luiili, yir dũmsi, weoog rũmsi la bõn-vuudr fãa.
27 #
Mt 19,4; Mk 10,6. Wẽnnaam naana ninsaala n mams b menga,
b mams-a-la b meng wẽnego;
yɩɩ pag la raoa la b naan yã.
28 #
Bs 5,1-2. Wẽnnaam ning-b-la barka, n yeel-ba: Rog-y la y wek n pid dũniya la y soog-a. Soog-y mogr zĩma, yĩngr luiili la bõn-vuudr fãa. 29Wẽnnaam yeelame: M kõt-y-la mooda buud toɛ-toɛ sẽn yit tẽng zugu, n paas tɩɩs sẽn womd biisi la sẽn tar bula. 30Sã n ya we-rũmsã, luiili sẽn yɩgd yĩngri, bõn-vuudr fãa sẽn vɩ tẽng zugu, mo-maasa la m kõt bãmba t'a yɩ b rɩɩbo. La sɩd yɩɩ boto. 31Naaba-Wẽnd gesa b sẽn naana fãa: fãa ra yaa sõmbo. Zĩig sobgame n le yẽege: daar a yoob soaba.
Currently Selected:
Sɩngrẽ 1: SSDC98
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
SEBR SÕNGO © Alliance Biblique du Burkina Faso, 1998.
