یارادیلیش 45
45
یوسئفئن اؤزونو تانیتدیرماسی
1یوسئف یانیندا دورانلارین هامیسینین حوضوروندا اؤزونو ساخلایا بئلمه‌یئب قیشقیردی: «هامینی یانیمدان چیخاردین.» یوسئف اؤزونو قارداشلارینا تانیتدیردیغی زامان، یانیندا هچ کس یوخ ائدی. 2او هؤنکوروب آغلادی. مئصئرلی‌لر و فئرعونون سارای آداملاری اشئتدئلر.
3یوسئف قارداشلارینا ددی: «من یوسئفم. آیا آتام حله صاغدیر؟» قارداشلاری اونا جاواب ورمه‌دئلر، چونکی دهشتدن قوروموشدولار. 4یوسئف قارداشلارینا ددی: «خاهئش ادئرم، منه یاخین گلئن.» اونلار یاخین گلدئلر. یوسئف ددی: «مئصئره ساتدیغینیز قارداشینیز یوسئف منم. 5ائندی منی بورایا ساتدیغینیز اوچون کَدَرلَنمه‌یئن و تأسّوف اتمه‌یئن، چونکی تاری منی سئزدن قاباق بورایا گؤندَ‌ردی کی، حیاتینیزی حئفظ اتسئن. 6آرتیق ائکی ائلدئر کی، اؤلکه‌ده آجلیقدیر، حله بش ائل ده اَکئن-بئچئن اولمایاجاق. 7تاری منی سئزدن قاباق بورایا گؤندَ‌ردی کی، یر اوزونده سئزئن اوچون صاغ قالانلار ساخلاسین و بؤیوک بئر قورتولوشلا حیاتینیزی موحافئظت اتسئن. 8اونا گؤره ده منی بورایا گؤندَ‌رَن سئز دیئلسئنئز، تاری‌دیر. او منی فئرعونا آتا، اونون بوتون سارای آداملارینا آغا، بوتون مئصئر اؤلکه‌سئنه ده باشچی اتدی. 9تز آتامین یانینا گدئب اونا دیئن کی، اوغلون یوسئف بله دیئر: ”تاری منی بوتون مئصئر اؤلکه‌سئنه آغا اتدی. داها دورما، یانیما گل. 10گوشِن وئلایتئنده یاشایارسان. اؤزون، اوغوللارین، نوه‌لرئن، قویون-کچئن، مال-حیوانین، سنئن هر شیئن منه یاخین اولار. 11اورادا سنئن قیدئنه قالارام، چونکی داها بش ائل آجلیق اولاجاق. یوخسا اؤزون، عایئلَن و سنه باغلی اولان هر کس یوخسوللوق چکه‌جک.“ 12باخ، سئزئن و قارداشیم بِنیامئنئن گؤزلری گؤرور کی، بو سؤزلری دئلئمله سئزه دیئرم. 13مئصئرده صاحئب اولدوغوم بوتون عئزّتی و بوتون گؤردوکلرئنئزی آتاما بئلدئرئن و تزلئکله آتامی بورایا گتئرئن.» 14یوسئف قارداشی بنیامئنئن بوینونا ساریلیب آغلادی، بنیامئن ده اونون بوینونا ساریلیب آغلادی. 15یوسئف بوتون قارداشلارینی اؤپدو و اونلارین بوینونا ساریلیب آغلادی. بوندان سونرا قارداشلاری اونونلا صؤحبت اتدئلر.
16یوسئفئن قارداشلارینین گلمه‌سی باره‌ده فئرعونون سارایینا خبر چاتدی. بو خبر فئرعونون و اونون اعیانلارینین خوشونا گلدی. 17فئرعون یوسئفه ددی: «قارداشلارینا دِه کی، بله اتسئنلر: ”حیوانلارینیزی یوکله‌یئن و یولا دوشوب کَنَعان تورپاغینا گدئن. 18آتانیزی و اِو آداملارینیزی گؤتوروب یانیما گلئن. سئزه مئصئر اؤلکه‌سئنده لاپ یاخشی تورپاغی وره‌جیم، تورپاغین شئره‌سئنی یئیه‌جکسئنئز. 19سئزه امر اولونور: بله ادئن. آرواد-اوشاغینیز اوچون مئصئر اؤلکه‌سئنده اؤزونوزه عارابالار آلین و آتانیزی گتئرئب گلئن. 20اورادا قالان شیلرئنئزده گؤزونوز قالماسین، چونکی بوتون مئصئر تورپاغینین لاپ یاخشی شیلری سئزئندئر.“»
21ائسرایئلئن اوغوللاری بله ده اتدئلر. یوسئف فئرعونون امری ائله اونلارا عارابالار و یول اوچون آذوقه وردی. 22اونلارین هر بئرئنه بئر دست دَیئشئک پالتار وردی، بنیامئنه ده اوچ یوز پارچا گوموش و بش دست دَیئشئک پالتار وردی. 23یوسئف آتاسی اوچون مئصئرئن لاپ یاخشی شیلری ائله یوکلَنمئش اون اِششَک گؤندَ‌ردی. اون دئشی اششک ده کی، یول اوچون تاخیل، چؤرک و آذوقه ائله یوکلَنمئش ائدی. 24او، قارداشلارینی یولا سالدی و اونلار یولا دوشدوکده، یوسئف اونلارا ددی: «یولدا داعوا اتمه‌یئن.» 25اونلار مئصئردن چیخیب، کَنَعان تورپاغینا، آتالاری یعقوبون یانینا گلدئلر. 26اونا هر شیی خبر وردئلر: «یوسئف صاغ-سالاماتدیر، اؤزو ده بوتون مئصئر اؤلکه‌سئنه باشچیلیق ادئر.» یعقوب حیرتله‌نئب قالدی و اونلارا ائنانمادی. 27قارداشلار یوسئفئن اونلارا ددئیی بوتون سؤزلری اونا ددئلر. اونو آپارماق اوچون یوسئفئن گؤندَردئیی عارابالاری گؤرنده آتالاری یعقوبون جانی تزه‌لَندی. 28ائسرایئل ددی: «یِتَر: اوغلوم یوسئف صاغ-سالاماتدیر. قوی اؤلمه‌مئشدن قاباق گدئب اونو گؤروم.»
Currently Selected:
یارادیلیش 45: موقدس کتاب
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© Elam Ministries 2013. All rights reserved.