یارادیلیش 22
22
ائبراهئمئن ائمتاحانا چکئلمه‌سی
1بو شیلردن سونرا تاری ائبراهئمی ائمتاحانا چکئب اونا ددی: «ای ائبراهئم!» ائبراهئم ددی: «بورادایام!» 2تاری ددی: «سودئیئن یگانه اوغلون ائسحاقی گؤتور و مورئیا اؤلکه‌سئنه گت. اورادا سنه گؤرسده‌جه‌یئم بئر داغدا اوغلونو یاندیرما قوربانی تقدئم ات.» 3ائبراهئم سحر تزدن قالخدی و اِششه‌یئنی پالانلادی. اؤزو ائله ائکی نؤکرئنی و اوغلو ائسحاقی گؤتوردو. او، یاندیرما قوربانی اوچون اودون یاردی و قالخیب تارینین ددئیی یِره یولا دوشدو. 4ائبراهئم اوچونجو گون باشینی قالدیریب اوزاقدان او یِری گؤردو. 5او، نؤکرلرئنه ددی: «سئز اِششَکله بئرلئکده بورادا قالین، من اوغوللا اورایا گده‌جیم. پرستئش ادئب، یانینیزا قاییداریق.»
6ائبراهئم یاندیرما قوربانی اوچون اودون گؤتوروب اوغلو ائسحاقین کوره‌یئنه قویدو، لاکئن اودو و بیچاغی اؤزو گؤتوردو. اونلار بئرلئکده گتدئلر. 7ائسحاق آتاسی ائبراهئمه ددی: «آی آتا!» ائبراهئم جاواب وردی: «بورادایام، اوغلوم». ائسحاق ددی: «باخ، اود و اودون وار، بس یاندیرما قوربانی اوچون قوزو هارادادیر؟» 8ائبراهئم ددی: «اوغلوم، یاندیرما قوربانی اوچون قوزونو تاری اؤزو حاضیرلایاجاق.» اونلار بئرلئکده گتدئلر.
9سونرا تارینین ائبراهئمه ددئیی یِره گلدئلر. ائبراهئم اورادا بئر قوربانگاه دوزَ‌لدئب اودونلاری دوزدو و اوغلو ائسحاقین اَل-قولونو باغلاییب قوربانگاها، اودونلارین اوستونه قویدو. 10ائبراهئم اَلئنی اوزادیب اوغلونون باشینی کَسمک اوچون بیچاغی گؤتوردو. 11آمّا ربّئن مله‌یی گؤیدن اونو چاغیردی: «ائبراهئم، ائبراهئم!» او ددی: «بورادایام!» 12مَلَک ددی: «اوشاغا اَل اوزاتما و اونا بئر شی اتمه. ائندی بئلدئم کی، سن تاریدان قورخورسان؛ اؤز یگانه اوغلونو مندن قییمادین.» 13ائبراهئم باشینی قالدیریب باخدی و آرخاسیندا بئر قوچ گؤردو کی، بوینوزلاری کوللوغا ائلئشمئشدی. ائبراهئم گدئب قوچو گؤتوردو و اوغلونون عوضئنه یاندیرما قوربانی تقدئم اتدی. 14ائبراهئم او یِری یَهوِه یئرِه#22:14 «یَهوِه یئرِه» - عئبرانی دئلئنده «رب حاضیرلایاجاق» چاغیردی؛ بونا گؤره ده ائندئیه قدر بله دیئلئر: «ربّئن داغیندا حاضیرلاناجاق.»
15ربّئن مله‌یی گئنه گؤیدن ائبراهئمی چاغیریب ددی: 16«رب دیئر: ”اؤز وارلیغیما آند ائچمئشم کی، سن بو ائشی اتدئیئنه و یگانه اوغلونو قییمادیغینا گؤره 17سنه بؤیوک بئر برکت وره‌جیم، نسلئنی گؤیده‌کی اولدوزلار و دهنز ساحئلئنده‌کی قوم قدر آرتیریب چوخالداجاغام. سنئن نسلئن اؤز دوشمنلرئنئن شهرلرئنه صاحئب اولاجاق. 18دونیانین بوتون مئلّتلری سنئن نسلئنئن واسئطه‌سی‌ائله برکت آلاجاق، چونکی سن منئم سؤزومه قولاق آسدین.“» 19سونرا ائبراهئم اؤز نؤکرلرئنئن یانینا قاییتدی و اونلار قالخیب، بئرشئبایا گتدئلر. ائبراهئم بئرشئبادا ساکئن اولدو.
ناخورون نسلی
20بئر مودّت سونرا ائبراهئمه خبر ورئب ددئلر: «باخ، مئلکا قارداشین ناخورا اوشاقلار دوغدو: 21ائلک اوغلو اوس، اونون قارداشی بوز، اَرامین آتاسی اولان قِمواِل، 22کِسِد، خَزو، پئلداش، یئدلاف و بِتوعِل.» 23بِتوعِلدن رئبقا اولدو. بو سکّئز اؤولادی مئلکا، ائبراهئمئن قارداشی ناخورا دوغدو. 24اونون رِعوما آدی اولان جارئیه‌سی ده تِبَخی، قَخَمی، تَخَشی و مَعَکانی دوغدو.
Currently Selected:
یارادیلیش 22: موقدس کتاب
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© Elam Ministries 2013. All rights reserved.