یارادیلیش 13
13
لوطون اَبرامدان آیریلماسی
1اَبرام آروادی و صاحئب اولدوغو بوتون شیلرله بئرلئکده مئصئردن چیخیب، نِگِب تورپاغینا گتدی. لوط دا اونونلا ائدی. 2ائندی اَبرام چوخ وارلی ائدی؛ اونون چوخلو مال-حیوان و قیزیل-گوموشو وار ائدی. 3سفرئنده نِگِبدن چیخیب، بِیت-ائله قدر گتدی؛ بِیت-ائل و عای شهری آراسیندا اولان یِره کی، اوّللر اورادا چادیر قورموشدو. 4اَبرام قاباقلار دوزَلتدئیی قوربانگاهین یانینا چاتدی و اورادا ربّئن آدینی چاغیردی.
5اَبراملا بئرلئکده گدن لوطون دا سورولر، رَمه‌لر و چادیرلاری وار ائدی. 6بئرلئکده یاشاماق اوچون یِر اونلارا دارلیق ادئردی، چونکی اونلارین مالی چوخ ائدی و بئرلئکده قالا بئلمزدئلر. 7اَبرامین مال-حیوانلارینین چوبانلاری ائله لوطون مال-حیوانلارینین چوبانلاری آراسیندا موباحئثه دوشدو. او واخت بو تورپاقدا کَنَعانلی‌لار و پِرئزلئلر یاشاییردیلار. 8اَبرام لوطا ددی: «قوی منئمله سنئن و چوبانلاریملا چوبانلارینین آراسیندا موباحئثه اولماسین، چونکی بئز قوحوموق. 9بوتون اؤلکه مگر گؤزونون قاباغیندا دیئل؟ خاهئش ادئرم، مندن آیریل. اگر سن سولا گده‌سن، من صاغا گده‌رم، اگر سن صاغا گده‌سن، من سولا گده‌رم.» 10لوط گؤزلرئنی قالدیریب بوتون اوردون دره‌سئنی گؤردو کی، هر یرئنده بول سو وار ائدی؛ او واخت بو یِر مئصئر تورپاغی کئمی، تامامن صوعَره قدر سوواریلیردی و ربّئن باغی کئمی ائدی. رب حله سودوم و گومورانی محو اتمه‌مئشدی. 11لوط اؤزونه اوردون دره‌سئنئن هامیسینی سچدی. او، شرق سمتئنه طرف حرکت اتدی. بله‌جه اونلار بئربئرئندن آیریلدیلار. 12اَبرام کَنَعان تورپاغیندا قالدی، لوط دا دره‌ده اولان شهرلرده ساکئن اولدو و سودوما قدر اؤز چادیرلارینی قوردو. 13سودومون اهالئسی چوخ یاوا ائدی و ربّئن ضئدّئنه چوخ گوناه ادئردی.
14لوط اَبرامدان آیریلدیقدان سونرا رب اَبراما ددی: «گؤزلرئنی قالدیریب دایاندیغین یردن شئمالا، جنوبا، شرقه و قربه طرف باخ. 15گؤردویون بوتون تورپاقلاری اَبدی اولاراق سنه و سنئن نسلئنه وره‌جیم. 16نسلئنی یرئن توزو قدر چوخالداجاغام. اگر بئر نفر یرئن توزونو سایا بئلسه، سنئن نسلئنی ده سایا بئلر. 17قالخ بو تورپاغی اوزونونا و اِنئنه گَز، چونکی من اونو سنه ورئرم.» 18اَبرام چادیرینی گؤتوردو و گلئب خِبروندا اولان مَمرِه پالیدینین یانیندا ساکئن اولدو. او اورادا ربّه بئر قوربانگاه دوزَلتدی.
Currently Selected:
یارادیلیش 13: موقدس کتاب
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
© Elam Ministries 2013. All rights reserved.