SIEMCHILBU 7
7
Tuichim tun a kuong sunga lutna
1Tuachi’n Mangpa’n Noah kung ah, “nang leh na innkuonpite kuong sung ah hing lut un, aziehpen nang khu tulai khangthate lah ah midihtat in kahing mu hi. 2Sa sieng chinteng lah ah atal leh anu, kop sagi, tualeh sa sienglou lah ah atal leh anu, kop khat zel na la ding hi. 3Tungleeng vate lah ah zong atal leh anu, kop sagi chiet, leitung pumpi a chiha ding, hingsah ding in. 4Aziehpen ni sagi zou chieng in, leitung ah sun sawmli leh zan sawmli guo ka zusah ding a, tualeh ka siemsa ganhing zousie leitung apat sumang ding ka hi,” achi hi. 5Tualeh Noah in Mangpa’n akung a agen bang bang in abawl ta hi. 6Tualeh leitung a Tuichim atun lai in, Noah Kum zaguh a upa ahi. 7#Mat. 24.38,39; Luk. 17.27Tuachi’n, Noah khu Tuichim tunding ziehin, kuong sung ah atapate, azi leh atapate zite toh alutta uhi. 8Sa sieng leh asienglou lah ah zong vate leh leitung a bohvah ganhing teng lah ah zong. 9Pasian in Noah kunga thu apieh bangin atal leh anu nini zel in kuongsung ah Noah kung ah alut uhi. 10Tualeh nisagi nuain hichibang ahing hia, leitung ah tuichim ahing tungta hi.
Tuichim tung
11 #
2 Pet. 3.6
Noah kum zaguh ahi kum, aha nina, ni sawm leh sagi niin, tuami ni mama in, tuithuh lienpipi nahte ahing kehzah a, van kottate ahing kihong ta hi. 12Tuachi’n leitung ah sun sawmli leh zan sawmli guo azu ta hi. 13Tuami ni ma main, Noah tapate Shem, Ham leh Japheth toh Noah zi leh atate zi thumte toh kuong ah alutta uhi. 14Tualeh amautoh sa zousie amauh chi umdan bang chiet in, ganhing leitung a bohvah zousie amauh chi umdan bang chiet in tualeh va ha nei chinteng zong. 15Amaukhu, hinna nahna-hu a nah thei zousie akopkop in Noah kung ah kuongsung ah alutta uhi. 16Tuachi’n alutte khu Pasian thupieh bang in sa tengteng lah apat anu leh atal zel in alut ua, tuachiin Mangpa’n Kot akhah khumta hi. 17Tualeh leitung ah Tuichim sun sawmli leh zan sawmli atung a. Tuite ahing khang a, kuong khu leitung apat alaamtou ta hi. 18Tualeh Tui ahing lien a, leitung ah akhang deudeu a, tuachiin Kuong khu tuitung ah akilaam ta hi. 19Tualeh leitung ah tui akhang deudeu a, vannuoi a muol sang zousie atum siengta hi. 20Tong sawm leh nga thuh in tui avei a, muol sang zousie atum mang siengta hi. 21Tualeh leitunga um hinna nei a gamta, vate, gantate, gamsate, leitunga bohvah ganhing chinteng leh mihing zousie ashita hi. 22Anahkuo ua hinna hagau#Hagau: chikhu Greek Laisiengthou Septuagin leh Latin Laisiengthou vulgate ah atelsih hi. nahna nei zousie, gamgaw a um zousie ashi beita uhi. 23Tuachi’n leitunga sil hing um zousie, mihingte, gantate, ganhing bohvahte tungleeng vate nangawn toh suhmangthai in aumta. Noah leh akung a kuong sunga umteng giap khawi in aumta uhi. 24Tualeh tui khu ni za leh sawmnga sung leitungah avei denta hi.
Currently Selected:
SIEMCHILBU 7: ZOUBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.