SIEMCHILBU 10
10
Jepheth upate
1Tuate Noah tapate, Shem, Ham leh Japheth hahlesuonte ahi ua, tuichim tun nua in tapate anei chiet uhi.
2Japheth tapate: Gomer, Magog, Madai, Javan, Meshek tualeh Tiras toh ahi uhi. 3Tualeh Gomer tapate, Ashkenaz, Riphath leh Togarmah ahi uhi. 4Tualeh Javan tapate Elishah, Tarshish, Kittim tualeh Dodanim#Dodanim: 1 Khang. 1.7 ah Dodanim chi’n akigiel hi. ahi ua. 5Tamte akipat in Jentelte tuipi panga gamte, amau gamah akikhenzah ua, amauh ham bang zel leh amauh phung bang zel in.
Ham innsung
6Tualeh Ham tapate: Kush,#Kush khu Ethiopia min masa ahi Mizraim,#Igipt or Aigupta min masa ahi Phut#Phut zong Libia akichi ta hi tualeh Kanaan ahi uhi. 7Tualeh Kush tapate: Seba, Havilah, Sabtah, Raamah; tualeh Sapteka tualeh Raamah tapate Sheba leh Dedan ahi uhi. 8Tualeh Kush in Nimrod ahing a, ama leitungah mihattah ahing hipanta hi. 9Ama khu, Mangpa mai a sabengmi hattah ahia, tua ziehin ahi, “Mangpa mai a sabengmi hattah, Nimrod bang, ahi” ana chi leng uh. 10Tualeh ama leenggam kipatna khu Shinar gam a Babel, Erek, Akkad leh Kalneh khuote ahi. 11Tua gam akipat in apawtkhie a, Assiria gam alut a, Nineveh, Rehoboth leh Kalah khuote. 12Tualeh Nineveh leh Kalah kikal a um Resen khuote asat a, tuami khopi lientah ahi.
13Tualeh Mizraim in Ludim, Anemin, Lehabim, Naphtuhim leh, 14Pathrusim, Kashulu (tamte akipat in Philistinte ahing pieng hi) leh Kaphtorim ahing hi.
Kanaan innsung
15Tualeh Kanaan in atachil Sidon anei a, tualeh Heth zong anei hi. 16Jebusmite, Amormite, Girgashmite, 17Hivmite, Arkmite, Sinmite, 18Arvadmite, Zemarmite leh Hamathmite ahing a, anua in Kanaan namte ahing kithezah uhi. 19Tualeh Kanaan mite gamgi ahileh Sidon akipat Gerar lam zuon in Gaza dong, tualeh Sodom Gomorrah, Adma leh Zeboim lam zuonin Lasha dong ahi. 20Tamte khu anam uh bang zel leh aham dungzui u’leh agam leh anam umdan dungzui un Ham hahlesuonte ahi uhi.
Shem innsung
21Tualeh Eber tate zousie suongpa Japheth upa Shem in zong tate anei hi. 22Shem tapate khu Elam, Asshur, Arpaksad, Lud leh Aram ahi uhi. 23Tualeh Aram tate; Uz, Hul, Gether leh Mash ahi uhi. 24Tualeh Arpaksad in Shelah ahing a, Shelah in Eber ahing hi. 25Tualeh Eber in tapa ni ahing a, khatpa min Peleg#Peleg: kikhenna (Division) china ahi. ahia, ama damlai in leitung khen in aum a, a sanggampa min Joktan ahi. 26Tualeh Joktan in Almodad, Sheleph, Hazarmaveth, Jerah. 27Haroram, Uzal, Diklah, 28Obal, Abimael, Sheba. 29Ophir, Havilah leh Jobad ahing hi. Tamte zousie Joktan tapate ahi uhi. 30Tualeh atenna mun ukhu, Mesha apat Sephar taang suolam ahi. 31Tamte aphung u’leh aham uh dungzui leh agamte u’leh anamte uh dungzuiin Shem tapate ahi uhi.
32Tamte khu anam khanggui leh aphung gui uh dungzuiin, Noah tapate hahlesuonte ahi ua, tualeh tamte akipat in tuichim tun nua in leitungah, namte ahing kikhenzah ta uhi.
Currently Selected:
SIEMCHILBU 10: ZOUBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Zou CL Bible - LAISIENGTHOU
Copyright © 1992 by The Bible Society of India
Used by permission. All rights reserved worldwide.