PONGWANG LAIPEX 9
9
Noa füikya Zang Tsaotsüt
1 #
Pon 1.28. Zang-e Noa hia su-sa hwom to mohimanle thüi: “Simüi-limüi hüi tamchu chaxwannu awangle pu-tsa hüi. 2Chaxwannu angkya müinüjen pangnu tamchu alyangle ahamkya Zünmok pangnu, ilaxlechu tinu mong tokya nyax pangnu ma wüi hünzom thua zakya tüiüi. Ibu pangwüi kue hünzom kax ma laxle tüi tompu. 3Athax hünzome ibu sax ang tsuak, tamchu fumhing-laihing pangwüi sax ang tsuak; kue ibu pangwüi hünzom süt hanpak ang koxpu. 4#Liw 7.26,27; 17.10-14; 19.26; Tsk 12.16,23; 15.23.Ikoxle oli tuita hünzome chisax angkya a: ija angkya aji mapao tanto müi chisaxüi; aji ma khüzün tüikya khoma kue ija taxsaxle abaxpu. 5Owawa khünak tsün laxle jangchang, kue chix ang sikngün fa angkya changpu. Ilaxle müi ojae khünak khüzün laxle changüihex, kue ija to mik max ang tomle jao sikngün faüi. 6#Lai 20.13; Pon 1.26.Khünaknüsa a Zang lailaile zingkya changpu, idaile hwomkha angkya owawae mixhuak tuita mik amütle jangchangba mama mixe chix lang angkya changpu.
7 #
Pon 1.28. “Hünzom ang, hwom su-sabue chaxwan thün awang angle ngo angkya hanpakma hwom sixlibu huanuma tüi angkya changle.”
8Zang-e Noa hia sasün hwom ang thüi: 9“Athax kue hünzom tamchu hünzom su-sa hwom füi ku Tsaotsüt thompu. 10O nüjen hia müinüjen: chempangsa khua angkya laile changpuix, ibu pangwüi füi chuwüi fünpu. 11Ibu kaxhuak füi kue hünzom füi ku Tsaotsüt thompu: Kue tsaosaxpu, tinu-mualyem thama makhange tamchatle kue zünmok max ang müntomüi; chaxwannu tamchatle tichen-mualyem ma max ang müntomüi. 12Zünmok hia hünzom füikya ija oshuk chitüikya ku Tsaotsüt hanpak münwan ang, 13kue ku hapnu zangfwom ma danpu. Ija a chaxwannu füikya ku Tsaotsüt ang changüi. 14Chemtue kue zangding to zangfwom füi awang ang tom ilaxle ija ma nomlong laile changüihex, 15zünmok otuechu tinu-mualyemle max ang müntompu lükya hünzom füikya ku kaxtsao kue texle atatüi. 16Chemtue zangfwom ma nomlong laiüihex, kue ija ngünüi ilaxle chaxwannu angkya zünmok füikya oshuk chitüikya Tsaotsüt texle ataküi. 17Ija a zünmok pangnusa füikya ku tsaosüt münwan ang changüi.”
Noa hia Chix Sasün Hwom
18Khua#9.18: khua: khua: Ti ding to ahamkya khuanu. angkya thaikya Noa sasün hwom a Shem, Ham hia Jafet hwom bibi changkya. (Ham a Kanan hopa changkya.) 19Noa sasün hwom azom a chaxwannu angkya khünaknüsa putong hwom changkya.
20Hwom hopa Noa a pongwang lükya grep#9.20: grep: atuale otswon ma ziakkya zuziak. manzaikya mix changkya. 21Chixe grepti-ju lingkya füima chix to grepti-jue tok, chix nyi-za sik, ilaxle nyihom ma chix nyi chilax homtoxle nguakle ngo. 22Chemtue Kanan hopa Ham-e ija ngünle lax, chix laile pao ilaxle hotüi hia honao nyi hama wünle kox. 23Ifüima Shem hia Jafet nyie nyi tuita lax ilaxle ija hwom suakto ma awexlaxle, ohua ma ngokya hopa to awunle kox ang nuakfüichi atsutle hüi ilaxle hopa to ija nyi füi chwople tox. Ija ngünüi daile aküile chihule hokhi laile pao. 24Noa khangkho ngaile changkya zuma sasün naoshukpae chix to nyifüi chwople toxkya awanle lax. 25Ikhoma chixe thüi:
“Kanan to thuakzomkya naxtüi!
Chix a hotüi hia honao nyi da ang ngoüi.
26 Jowanpa, Shem Zang achuak kox!
Kanan a Shem zanpa ang ngoüi.
27Zang-e Jafet#9.27: Jafet: Ija kaxhuak a Ibri kax ma ‘pu-tsakya.’ pu-tsa ang tomhüi!
Chix su-sa hwom a,
Shem hwom füi tomle naxngokox!
Kanan a Jafet da ang ngoüi.”
28Tinu-mualyemle changkya füima Noa a zanglao 350 tsünlole ngo 29ilaxle 950 zanglao nguikya ma chix zile pao.
Currently Selected:
PONGWANG LAIPEX 9: WANCBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.