PONGWANG LAIPEX 46
46
Jakop Hwom Homkha Ijip to Ka
1Jakop-e chix tuina komle hünzing laxle Bersheba to kale hopa Abraham Zang ang tö kox. 2Zang-e ajaning wünmang chito chix nyakle chix füi akax: “Jakop! Jakop!”
Chixe lan: “Ui, ku ikhama tüile!”
3Zang-e thüi: “Ku a Zang, hünpa Abraham Zang changle! Nang Ijip nok to ka ang taxza; ikhato kue nang sixlibu chongkya jat-li tuita ang achangüi. 4Nang füi tomle ku Ijip nok to kaüi, ilaxle kue nang sixlibu chatle ija haxtok to chat ang tomüi. Nang zikya zuma Jusep a nang füi tüiüi.”
5Jakop Bersheba angkya laile pao. Sasün hwome chix, hwomsu-hwomsabu, hwom kakonubu pangwüi, Ijip wanghompa-e awünkya maihu-kanlin kho ma angat. 6#Mwt 7.15.Hwome hwom tsom-pom hia tuina, Kanan haxtok ma kop-lokya pangwüi koplaxle Ijip nok to ka. Jakop-e chix füi tomle chix sixlibu pangwüi kop. 7Chixe sasün hwom, hosu hwom, sacha hwom ilaxle chix sucha hwom pangwüi kop.
8Chix füi tomle Ijip to kakya Jakop homkha ibibile changkya: Chix sasün tüichongpa Reuben, 9ilaxle Reuben sasün hwom: Hanok, Pallu, Hezron, ilaxle Karmi, hwom bibi. 10Simeon hia sasün hwom: Jemuel, Jamin, Ohad, Jakin, Zohar, üntoxle Kanan cha sasün Shaul, hwom bibi. 11Liwi hia sasün hwom: Gershon, Kohath, ilaxle Merari. 12Judah hia chix sasün hwom: Shelah, Perez, ilaxle Zerah. (Mamabu Judah sasün hwom, Er hia Onan, nyi a Kanan haxtok towüi zi.) Perez sasün a Hezron hia Hamul nyi changkya. 13Isakar hia chix sasün hwom: Tola, Puah, Jashub, üntoxle Shimron hwom bibi. 14Zebulun hia chix sasün hwom a: Sered, Elon, ilaxle Jahlil hwom bibi. 15Sacha Dinah boma sasün hwom ibibi a Liah-e Jakop ang Mesopotamia to puxle koxkyabu changle. Pangnu athüt koxle Liah makhange chixe kopkya sixlibu a 33 changkya.
16Gad hia chix sasün hwom: Zefon, Haggi, Shuni, Ezbon, Eri, Arod, üntoxle Areli. 17Ashar hia chix sasün hwom: Imnah, Ishwah, Ishwi, Beriah, üntoxle hwom nanao Serah. Beriah sasün nyi a Hebar hia Malkiel nyi changkya. 18Ibibi 16 a Zilpah makhange kopkya Jakop sixlibu changle. Zilpah a Laban-e chix sacha Liah dacha ang koxkya mixcha changkya.
19Rachel-e Jakop ang sasün anyi puxle kox: Jusep hia Benjamin nyi. 20#Pon 41.50-52.Ijip nok to Jakop ang sasün anyi ngün: Manasseh hia Efraim nyi. Okhi honu Ashenath a Heliopolis nok angkya zompu-zangpa Potifera sacha changkya. 21Benjamin hia chix sasün hwom a: Bela, Bekar, Ashbel, Gera, Naman, Ehi, Rosh, Muppim, Huppim, üntoxle Ard hwom bibi changkya. 22Ibibi 14 a Rachel makhange hüikya Jakop sixlibu changle.
23Dan hia chix sasün Hushim. 24Neptali hia chix sasün: Jahzil, Guni, Jezar, üntoxle Shillem hwom bibi changkya. 25Ibibi hwom anüt a Bilhah makhange hüikya Jakop sixli hwom changle. Bilhah a Laban-e chix sacha Rachel dacha ang koxkya mixcha changkya.
26Jakop sixli, chix füi tomle Ijip nok to kakya pangwüi athüt koxle 66 mixhuak changkya. Ekhama chix nomcha hwom münwom. 27#Mwt 7.14.Sasün anyi a Jusep ang Ijip nok to pux; ijabu pangwüi athüt koxle Ijip nok to nguikya Jakop kako-homkha 70 jao angui.
Jakop Homkha Ijip to
28Jakop-e Jusep hato, Goshen ma hwom pong to zale apong angkya kaxho füi Judah achale alyet. Chemtue hwom hüipuix, 29Jusep man-kanlin#46.29: man-kanlin: Mane linkya zyen. kho ma ngalaxle hopa füi apong ang Goshen to ka. Chemtue hwom apongpuix, Jusep-e hopa dingkux ma künle koplaxle okuilole sop. 30Jakop-e Jusep ang thüi: “Kue nang ngün ang kopdaoa tamchu nang haxmüi-zangmale ozün ma tüikya ngünle laxdaoa; athaxpi ku zikoxchu mong münhi.”
31Ifüima Jusep-e chix hotüi-honao hwom tamchu kako-homkha khünakbu ang thüi: “Kue wanghompa hato nguilaxle, Kanan chaxwan to ngokya kutüi-kunao hwom tamchu haxnu-homsa pangwüi ku hato nguile tüile le apua angkya changle. 32Hünzom a müitsom mixbu daile, hünzom füi tomle tsom-pom hia mama tuina pangwüi laxlaxle nguile tüile le apua angkya changle. 33Chemtue wanghompa-e hünzom nyaklaxle, hünzom manzai ang chemlaxpu le atüikya ma, 34ami thochi pupa hwome mokle hüikya ningle, müitsomkya tamchu ibu to apu-achangkya a hünzom manzai changpule tangthole akax angkya wüi changle, ija taxalak. Ija ningle chixe hünzom Goshen haxsha ma hom-hax zingle ngo ang tomüi.” Chun-nyetmixbu füi Ijip nokbu ang chem mwot müntüile hwom zanglom awanlaxle Jusep-e ija akax.
Currently Selected:
PONGWANG LAIPEX 46: WANCBSI
ማድመቅ
Share
Copy
ያደመቋቸው ምንባቦች በሁሉም መሣሪያዎችዎ ላይ እንዲቀመጡ ይፈልጋሉ? ይመዝገቡ ወይም ይግቡ
Wancho Naga Bible - OTSAO BAIBEL
Copyright © 2012 by The Bible Society of India
Used by permission. All rights reserved worldwide.
