ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

मेम्‍मिमका गो गानालाई र्‍वाङु, ओराम मेसेमकाम हापा छु़लमिम हेम्‍सिड्‌डाम बु, मा ओराम मेसेमका गोलाई हापा रिखाम बोङी। लावो उहेमकु छु़ल कि-कि कोङङा हेम्‍सी, मेरामका कि-कि कोङङा रिखाम बु़।” मेकोतिमा येशूका मेराम मेसेमलाई र्‍वाम्‍डी, “इमा छु़लमिम हेम्‍सिम्‍डिम बु।”

येशूका मेराम मेसेमलाई र्‍वाम्‍डी, “गाना गोडला थो़र लु़न्‍नामका गाना सेल्‍सिट्‌नाम बु। इ न भ्रसिक्‍तो लक्‍सा।”

मा गु येशूकु चङलामका रोक्‍तामा उनी खेल फार्डा येम्‍स्‍तामा, उ प्‍ल येशूकु खेलडला डस्‍तु़, मा उ बुइडलाम सेमका बक्‍साक्‍तो उनी खेलडा चुप बु़डु़, मा भ्रपा मुर्नेम्‍पा तेलका क्‍लमु चो़म्‍डु़।

गो आ त्‍वाप वो इनीमाडा रोमु घ्रेट्‌पा मेबुङु र्‍वाक्‍पा मिम्‍सिङडो। लावो गानी र्‍वाक्‍नी, मा आमा डु़ल्‍चो़ स। हेङालोने आ त्‍वाप ङा वो साखामचो़कु ल्‍वाडा बुङु, मा आमा ल्‍वाडा सिपाहीमिम बुमी। गो कोलेलाई ‘लक्‍सा’ र्‍वाङु, मा मेराम ल मा कोङमीलाई ‘रोका’ र्‍वाङु, मा मेराम रो। गो आमा डु़ल्‍चो़लाई ‘आरे बे’ र्‍वाङुलो मेरामका बु़।” ओराम ल्‍वा थो़म्‍डिमा येशू ङाङाया दु़म्‍मिडी। मेकोतिमा उनी चङचङ बिक्‍तोङा बेपा सेर्पा मु़चु़मिमथो़ ख्‍लोसिम्‍डिमा र्‍वाम्‍डी, “गो गानीलाई र्‍वाङु, इस्राएलीमिमगोडा आरेप्‍माम छो़म थो़रलु़पा सु़ वो गो मेडारुवा।”

मेकोतिलो येशूका हापा मु़चु़मिमकु सोमोरी नुङ उनी नो़सीलामका सबेट्‌मिडी, मा मुनाङपेल कोल्‍साक्‍तोङा लेट्‌मिडिम बाइडा, मा हापा मिक्‍सीका मेल्वापा मु़चु़मिमलाई मिक्‍सीका ल्‍वापा दु़म्‍बेट्‌मिडी। मेकोतिमा येशूका यूहन्‍नाकु सीसिपाचिपलाई र्‍वाम्‍डी, “लक्‍ची, मा गाची हाम ल्‍वाच्‍ची थो़च्‍ची मेर्मिम खोत्‍ले ल्‍वा यूहन्‍नानुङ र्‍वाक्‍ची, मिक्‍सीका मेल्‍वापामिमका मिक्‍सीका ल्‍वामी, खेल ब्‍लेट्‌पा मु़चु़मिम समी, जोनका बेट्‌पामिम समी नोफ्‍लाका मेथो़पा मु़चु़मिमका नोफ्‍लाका थो़मी, सिपा मु़चु़मिम सिमुलामका बम्‍गेमी, मा उनी हाम वो मेबाट्‌पामिमका माम्‍चु़नीकु जो़पा-सेला थो़मी।