ከ{{ምዕራፍ}} ታዋቂ የመጽሐፍ ቅዱስ ጥቅሶች

ያጋሩ

Tche tô rə̂ sə̈ andjê päkëdə̂: «Azə̈ êë bhâchï bhâlə̂ ngâ tchô ndə̂ âwâtə̂ kpaɛ̈gâ kə̈ yâtə̂ azə̂.» Bëte angbängbä azü nə̈, kə̂ gu, kə̂ nə, kə̂ gu, âmbô rə̂ pä azə̈ gbôâbo köbo ndə̂kə̂ zɨ rə-a.

Jezü tô rə̂ sə̈ andjê päkëdə̂: «Lə̂ agö gbɛ̂ a lüsə̂ earə̂ ndə̂ma Ndjapä, praâbalë âdə̂âbo azü lə̂ gö ndə̂ yê, âdəndjë lə̂ bûngrɨ̂ ndə̂ yê, âdəndjë tchâalê ndə̂ yê kä ndə̂ âlusə̂ yê-a.»

Ndə̂ Jezü wûtu lə̂ külû nə̈, tche wûn ngâ gbölö kpûlû azü. Nyonyo andjê mbô tchë bëte andjë wä batə̂ aɛ̈bro-ngbaga ndə̂ andjë wâbô wâ la ngâ akrə ndə̂kə̂ tosə̂ köbo sə̈ andjê-ê. Käko tche sə̂ lakə̂ nyisə̂ rə sə̈ andjê pâ angbängbä arə.

Jezü wâbo ndə̂kə̂ mbo ngâ kpɨ̈ngbɨ̈ rə tchâme-a. Praâbalë tche tö kütû könô yê pâ angâ a-earə̂ tə̂kömbô ânyë andjë tchâ. Tchə̂lə̂ küma Jezü djîngɨli, bëte azü gö ndə̂ yê kösə̂ kə̂ za su andjê sə̈ tchë. Pânə̈ Jezü ê lakə̂ mu pö sə̈ azü kulə̂ ayɛ̈yɛ̈ gö ndə̂ âwâ ndrotə̂ Näzärête.

Jezü kʉ̂ mâpa mïndûu la agiangû bïchuû nə̈, kə̈ kênga la yê atə̂ lafô, kə̈ ê tchôtchô pö pânə̈. La tchêngbâ nə̈ tche tchô tchə̂lə̂ mâpa nə̈, kə̈ kʉ̂ rə̂ sə̈ adjisîpili ndə̂ yê ndə̂kə̂ pa andjë krʉ tchə̂lə̂ nə̈ tə̂ azü nə̈. Tche krʉ̂ ndjë tchə̂lə̂ agiangû bïchuû nə̈ tə̂ azü nə̈ gbɛ̂. Azü gbɛ̂ zɨ̂ rə tchə̂lə̂ andjê sɨ̂-î. Adjisîpili ndə̂ yê rʉ̂â adɨ̂ andöma mâpa nə̈ âsɨ̂ agbasa lə̂ könô gbɛ̂ tchêpâ nə̈ bïchuû ndjë la adɨ̂ agiangû nə̈.