ከ{{ምዕራፍ}} ታዋቂ የመጽሐፍ ቅዱስ ጥቅሶች

Share

“A̱wot a̱tsatsak a̱byin wu a̱ byia̱ bwum hu nang á̱ nnai zwá yak ji a̱ni, kikya yet kidee nfwuo á̱niet ba̱ fa̱k A̱lyiat A̱gwaza na, ba̱ si̱ san naa, ba̱ si̱ nnyia̱ nta̱m, na̱ si̱ tyia̱ tswá ba̱t. Tswá jhyáng si̱ yet nswak ti̱ntat, jhyáng nswak a̱tataa, jhyáng si̱ yet chyi chyi.”

“A̱wot tyan sa̱kan ji nang zwá yak ji nkwa̱i a̱ni, jija yet kidee nfwuo á̱niet ba̱ san A̱lyiat A̱gwaza na. A̱wot a̱fi̱fa swanta wuni, shyuo kurum, ma̱ng nkyang njhyang si̱ nwuo mi̱ nfwuo mba na. Nkyang nani si̱ feap A̱lyiat A̱gwaza na, na̱ si̱ tyia̱ a̱tan tswa bah.

Gak hu nang zwá yak ji nkwa̱i a̱ni, huhwa yet kidee nfwuo á̱niet na ba̱ fa̱k a̱lyiat Tyok A̱gwaza na, a̱wot ba̱ si̱ nwai fi̱k na a̱ni. A̱wot A̱ta̱nyeang ka si̱ bai, ka̱ si̱ ta̱wap A̱lyiat A̱gwaza na nang á̱ nai mi̱ nfwuo mba na a̱ni. Ka̱ si̱ ghwon mbaa.

“Kukwak hu nang zwá yak ji nkwa̱i a̱ni, huhwa yet kidee nfwuo á̱niet ba̱ fa̱k A̱lyiat A̱gwaza na, ba̱ si̱ kin san na ma̱ng a̱gwai da̱ a̱ka̱nyiung a̱ni. A̱wot nang A̱lyiat A̱gwaza na mbyia̱ á̱ni̱nan ba̱ nwuo á̱ nat gbang mi̱ nfwuo mba na a̱ni bah. Ba̱ si̱ mi̱n dabeang mi̱ khwi hu bah. Ki̱ swuo a̱bung ba̱ bai, ku á̱ ta̱shuk baa mat A̱lyiat A̱gwaza na, ba̱ na bwuok lilyim ma a̱nggang.

“Tyok Ma A̱gwaza tswazwa hu li nang zi̱nariya mi̱ gumaat nang á̱ niat ma̱ a̱byin, a̱wot a̱tyok a̱ghyang si̱ ta̱taat a̱ni. Mat a̱gwai a̱tyok a̱nia, a̱ si̱ shyak a̱vwuo niat ka. A̱ si̱ nat a̱ si̱si̱ lyap a̱mgba̱m nkyang nang gu byia̱ a̱ni, gu ka shya̱ kurum gba̱mgbam gu nsan a̱byin a̱kya.

A̱wot zwá jhyáng si̱ kwa̱i da̱ a̱vwuo ka̱ byia̱ bwum a̱ni. Ji̱ si̱ ta ji̱ si̱ laai, ji̱ si̱ tyia̱ tswá gba̱mgbam. Tswá jhyáng si̱ yet nswak ti̱ntat, jhyáng nswak a̱tataa, a̱wot jhyáng si̱ bu yet chyi chyi!

Nyi yok ba ba̱ laai dundung á̱ fwuong jen chak ji. Jen a̱ja ja n na ntyia̱ á̱niet chak ba, ba̱ ya nchak ja̱m ji, á̱ vwuoi da̱ a̱yaakpa ba̱ fwui nji. A̱wot a̱lka̱ma wu á̱ tung á̱ tyia̱ nung dyo ma̱ a̱gban.’ ”