JESAJA 43:19-22

Kyk, Ek gaan iets nuuts doen,
dit staan op die punt om te gebeur,
julle kan dit al sien kom;
Ek maak in die woestyn 'n pad,
Ek laat in die droë wêreld riviere ontspring.
Die wilde diere sal My vereer,
die jakkalse en die volstruise,
omdat Ek water gee in die woestyn,
riviere in die droë wêreld
om my volk, my uitverkore volk, se dors te les.
Dit is die volk wat Ek vir My geskep het,
en wat my lof sal verkondig.

Maar jy het My nie aangeroep nie, Jakob,
jy het nie moeite gedoen om My te dien nie, Israel.