Bemoediging

Dit sou interessant wees as alledaagse dinge hulle stories en geheime kon fluister. As die lamppaal op die hoek kon vertel van die dramas en intriges wat hy deur die jare verlig het en die blompot voor in die kerk werklik met jou kon kommunikeer oor die liefde en spanning tussen die mense ... 

In die Bybel lees ons van mense wat alledaagse gebruiksartikels gebruik het om ‘n verskil te maak.  Kom ons bou ‘n eresaal in ons gedagtes. Hierdie week gaan ons stadig van uitstalling tot uitstalling stap en bewus word van die stories wat hulle vertel.

Stories uit die eresaal

Met ons woorde kan ons mekaar bou of breek.  Daarom moet ons ons woorde tel, want woorde maak saak.  Ons moet onsself daarop instel om woorde van waardering en aanmoediging te spreek.  Ons woorde moet met genade deurweek wees en ons moet die waarheid in liefde praat terwyl ons ook aan die emosionele inhoud van ons woordeskat aandag skenk.  Hoe sal ons woorde aangenaam wees?

Tel jou woorde, want woorde tel

Ons almal word op ‘n daaglikse basis gekonfronteer met negatiewe gesprekke, ontstellende nuusberigte, persoonlike uitdagings en vele ander situasies. Realiteite kan jou opslurp in ‘n maalkolk van negatiwiteit en depressie. Opgee is nie ‘n opsie nie. Maar jou daaglikse 24-uur-pakkie bevat beslis iets om voor dankbaar te wees!

Tydige Dankbaarheid

Sluit aan by J.John vir hierdie 8-dae leesplan wat handel oor die Ons Vader, daardie wonderlik diepgaande en nuttige onderrig, waarmee Jesus ons geleer het hoe ons moet bid. 

Die Ons Vader Gebed

Hoop is van die uiterste belang in ons land en ons wêreld. Ons glo in ’n nuwe begin in ons land, in ons huise en in ons lewe. Daarom moet ons ons hoop volkome in die reddende, beskermende en onverdiende genade van Jesus te plaas. Stap in 7 dae saam met Angus Buchan en fokus op gedagtes oor hoop uit sy dagboek GENADEJAAR.

Hy Is My Hoop

As jy elke dag God se teenwoordigheid sterk wil ervaar, moet jy meer tyd by sy voete deurbring. Dit is in sy teenwoordigheid dat ons herstel en bemagtig word om ons roeping te vervul en om die goeie stryd van geloof te veg. Hierdie oordenkings is geneem uit AARTAPPELGELOOF VIR ELKE DAG deur Angus Buchan © Christelike Uitgewersmaatskappy.  

Ontvang krag in die teenwoordigheid van God 

Soms raak mens mismoedig oor die lewe en die "kaarte wat vir jou gedeel is". Ons lees die Woord maar fokus nie regtig nie. Tog help dit om vir 'n oomblik asem te haal en na te dink oor waar jy jou bevind. Baie woorde in gebed of om bladsye te lees, is nie altyd nodig in jou stiltetyd nie. Die opregtheid van jou hart dra baie waarde — gee dít vir die Here.

Dis Tyd Vir... Nadenke


Die beste tyd wat jy elke dag kan spandeer, is sonder twyfel, tyd saam met God. Dit maak nie saak hoe besig of gejaagd jou skedule is nie, wanneer jy rustig raak en tyd saam met God spandeer, sal jy verbaas wees oor die verskil wat dit sal maak.


Stiltetye met God

‘n Kerndeel van die Christelike geloof is die erkenning dat ons verlore is sonder God. Sonder sy genade is ons verlore. Sonder sy liefde is ons verlore. Nogtans reik Hy eerste na ons uit en vat ons vanuit ons verlore plekke tot aan sy tafel, vir ‘n feesmaal.