PSALMS 36:7-11
PSALMS 36:7-11 Bybel vir almal (ABA)
U doen reg op die aarde, ook op die hoogste berge, U oordeel reg, ook in die groot, diep water. Here, U red mense en diere. Dit is vir ons kosbaar, o God, dat U doen wat U belowe het. Mense weet dat U hulle sal beskerm. Daar is baie dinge wat mense kan geniet in u tempel, dit is soos strome water wat U vir hulle gee om te drink. Want U gee vir ons die lewe, U gee die lig wat vir ons laat lewe. Here, U moet aanhou doen wat U belowe het vir die mense wat naby U lewe. U moet aanhou reg doen aan die mense wat eerlik is.
PSALMS 36:7-11 Afrikaans 1933/1953 (AFR53)
U geregtigheid is soos die berge van God; u oordele is 'n groot watervloed. HERE, U behou mense en diere! Hoe kosbaar is u goedertierenheid, o God! Daarom skuil die mensekinders onder die skaduwee van u vleuels. Hulle verkwik hul aan die vettigheid van u huis, en U laat hulle drink uit die stroom van u genietinge. Want by U is die fontein van die lewe; in u lig sien ons die lig. Laat u goedertierenheid voortduur vir die wat U ken, en u geregtigheid vir die opregtes van hart.
PSALMS 36:7-11 Afrikaans 1983 (AFR83)
u geregtigheid tot op die hoogste berge, die reg wat U spreek, tot in die dieptes van die see. U sorg vir mens en dier, o Here. Hoe kosbaar is u trou, o God! U beskerm die mense wat by U skuil. In u huis geniet hulle oorvloed, U laat hulle drink uit die strome van u goedheid. U is die bron van die lewe, deur u lig lewe ons. Laat u liefde bly by dié wat U erken en u trou by dié wat opreg is.
PSALMS 36:7-11 Die Bybel 2020-vertaling (AFR20)
U geregtigheid is soos massiewe berge, u regspraak soos die groot •oerwater. U verlos mens en dier, HERE. Hoe kosbaar is u troue liefde, o God! Mense skuil in die skadu van u vlerke. Hulle drink hulle versadig aan die oorvloed van u huis, uit die stroom van u genietinge laat U hulle drink. Ja, by U is die fontein van lewe, * in u lig sien ons lig. Reik met u troue liefde uit na hulle wat U ken, met u •geregtigheid na die opregtes van hart.
PSALMS 36:7-11 Contemporary Afrikaans Bible 2023 (CAB23)
Hoe groot is u goedertierenheid, o God! daarom het die mensekinders hul vertroue in die skaduwee van u vleuels gestel. Hulle sal oorvloedig versadig word van die vettigheid van jou huis; en jy moet hulle laat drink uit die rivier van jou genot. Want by U is die fontein van die lewe; in U lig sal ons lig sien. Hou aan met u goedertierenheid teenoor die wat U ken; en U geregtigheid vir die opregtes van hart. Laat die voet van hoogmoed nie teen my kom nie, en laat die hand van die goddelose my nie afstoot nie.
PSALMS 36:7-11 Die Boodskap (DB)
Here, U tree altyd regverdig op. Here, wanneer U praat, is dit altyd regverdig teenoor ons as mense. U hou alles wat leef styf in u hand vas. Elke mens, elke dier leef uit u goedheid. God, niemand kan sonder u goedheid leef nie. U pas almal op wat by U kom wegkruip. U liefde vloei soos ’n rivier oor ons hele lewe. U gee vir ons meer as wat ons nodig het. U is baie goed vir ons. U is ons lewe. U is die lig wat ons lewenspad verlig. God, U moet asseblief nooit ophou om lief te wees vir al u kinders nie, dié mense wat U as God erken en reg voor U lewe.
PSALMS 36:7-11 Nuwe Lewende Vertaling (NLV)
U regverdigheid is soos die hoogste berge, u oordeel soos die diepste waters. U sorg vir mense en diere, HERE. Hoe kosbaar is u trou, o God! Die hele mensdom vind skuiling in die skadu van u vleuels. U voed hulle uit die oorvloed van u huis, en laat hulle drink uit strome van vreugde. Want by U is die fontein van die lewe, in u lig sien ons die lig. Laat u goedheid bly by dié wat U erken en u regverdigheid by dié wat opreg is.