PSALMS 34:17-18
PSALMS 34:17-18 Bybel vir almal (ABA)
Die Here hou nie van mense wat verkeerde dinge doen nie, Hy sal hulle laat verdwyn, en niemand in die land sal nog aan hulle dink nie. Wanneer die mense wat reg lewe, roep en vra dat die Here hulle moet help, dan luister die Here, en Hy red hulle van alles wat dit sleg laat gaan met hulle.
PSALMS 34:17-18 Afrikaans 1933/1953 (AFR53)
Pe. Die aangesig van die HERE is teen die kwaaddoeners, om hulle gedagtenis van die aarde af uit te roei. Sade. Hulle roep, en die HERE hoor, en Hy red hulle uit al hul benoudhede.
PSALMS 34:17-18 Afrikaans 1983 (AFR83)
Maar Hy tree op teen dié wat kwaad doen en vee selfs die herinnering aan hulle van die aarde af. As die regverdiges om hulp roep, hoor die Here hulle en red Hy hulle uit al hulle benoudhede.
PSALMS 34:17-18 Die Bybel 2020-vertaling (AFR20)
Die gesig van die HERE is gerig teen kwaaddoeners om hulle gedagtenis uit te roei van die aarde af. Regverdiges roep om hulp en die HERE luister, uit al hulle benoudhede red Hy hulle.
PSALMS 34:17-18 Contemporary Afrikaans Bible 2023 (CAB23)
Die regverdiges roep, en die HERE luister en verlos hulle uit al hulle benoudhede. Die HERE is naby die wat gebroke van hart is; en red die wat verslae van gees is.
PSALMS 34:17-18 Die Boodskap (DB)
Maar die Here ignoreer mense wat kwaad doen. Hy gaan hulle laat verdwyn. Niemand sal ooit weer aan hulle dink nie. Die Here help dié wat Hom liefhet. As hulle Hom om hulp vra, red Hy hulle uit al hulle probleme. Hy hoor as hulle na Hom roep.
