PSALMS 34:1-3

Deel

PSALMS 34:1-3 Bybel vir almal (ABA)

Van Dawid. Toe hy by Abimelek was, het hy gemaak of hy mal is, en Abimelek het hom weggejaag. Ek sal die Here altyd prys, ek sal aanhou sing vir Hom. Ek sal vir almal sê wat die Here gedoen het. Die mense wat hulleself nie kan help nie, moet dit hoor en hulle moet bly wees.

PSALMS 34:1-3 Afrikaans 1933/1953 (AFR53)

'N PSALM van Dawid, toe hy hom kranksinnig gehou het voor Abiméleg en dié hom weggejaag het, sodat hy heengegaan het. Alef. Ek wil die HERE altyd loof; sy lof sal altyddeur in my mond wees. Bet. My siel sal hom beroem in die HERE; die ootmoediges sal dit hoor en bly wees.

PSALMS 34:1-3 Afrikaans 1983 (AFR83)

'n Lied van Dawid. Hy het hom kranksinnig gehou by Abimelek. Dié het hom weggejaag en hy het padgegee. Ek sal die Here altyd weer prys, sy lof sal altyd op my lippe wees. Ek sal die roem van die Here sing; dié wat swaar kry, sal dit hoor en daaroor bly wees.

PSALMS 34:1-3 Die Bybel 2020-vertaling (AFR20)

Van Dawid. Toe hy hom kranksinnig gehou het voor Abimeleg, dié hom weggejaag en hy toe weggegaan het. Ek wil die HERE die hele tyd prys, my mond is voortdurend vol van sy lof. In die HERE sal ek roem; verdruktes sal dit hoor en hulle verheug.

PSALMS 34:1-3 Contemporary Afrikaans Bible 2023 (CAB23)

Ek sal die HERE altyddeur loof: sy lof sal altyddeur in my mond wees. My siel sal haar in die HERE laat roem: die nederiges sal daarvan hoor en bly wees. Verheerlik die HERE saam met my, en laat ons saam sy Naam verhef.

PSALMS 34:1-3 Nuwe Lewende Vertaling (NLV)

Ek sal te alle tye die HERE loof. Sy lof sal altyd op my lippe wees. Ek sal net in die HERE roem. Die nederiges sal dit hoor en bly wees.