PSALMS 15:1-5

Deel

PSALMS 15:1-5 Bybel vir almal (ABA)

'n Psalm van Dawid. Here, wie mag bly in u tempel, wie mag woon op u gewyde berg? Net die mens wat heeltemal reg lewe en reg doen en wat die waarheid praat, mag daar kom, die mens wat nie sleg praat van ander mense nie, die mens wat nie slegte dinge doen aan ander mense nie en wat hulle nie beledig nie, die mens wat niks wil doen saam met mense vir wie die Here gelos het nie, maar wat die mense respekteer wat die Here dien, die mens wat doen wat hy belowe het, ook wanneer dit nie goed is vir homself nie, die mens wat vir ander mense geld leen maar wat hulle nie rente laat betaal nie, die mens wat nie geld neem om te sê onskuldige mense is skuldig nie. Die mens wat hierdie dinge doen, sal altyd vas staan.

PSALMS 15:1-5 Afrikaans 1933/1953 (AFR53)

'N PSALM van Dawid. HERE, wie mag vertoef in u tent? Wie mag woon op u heilige berg? Hy wat opreg wandel en geregtigheid doen, en wat met sy hart die waarheid spreek; wat nie rondgaan met laster op sy tong nie, sy vriend geen kwaad doen en geen smaadrede uitspreek teen sy naaste nie; in wie se oë die verworpene veragtelik is, maar hy eer die wat die HERE vrees; al het hy gesweer tot sy skade, hy verander nie; wat sy geld nie gee op woeker en geen omkoopgeskenk aanneem teen die onskuldige nie. Hy wat hierdie dinge doen, sal nie wankel in ewigheid nie.

PSALMS 15:1-5 Afrikaans 1983 (AFR83)

'n Psalm van Dawid. Wie het die reg om in u woonplek te kom, Here? Wie mag op u heilige berg vertoef? Hy wat onberispelik wandel en doen wat reg is, wat met sy hele hart die waarheid praat, nie kwaadpraat nie, sy medemens nie kwaad aandoen nie en niemand beledig nie; hy wat dié verag wat deur God verwerp is, maar almal eer wat die Here dien; wat sy woord hou, selfs tot sy eie skade, sy geld nie op rente uitleen nie en hom nie laat omkoop om die onskuldige te kort te doen nie.

PSALMS 15:1-5 Die Bybel 2020-vertaling (AFR20)

'n Psalm. Van Dawid. HERE, wie mag 'n gas wees in u tent? Wie mag tuisgaan op u •heilige berg? Hy wat onberispelik leef en regverdig optree, wat van harte die waarheid praat. Hy laster nie, doen sy medemens nie kwaad aan nie en bespot nie sy naaste nie. In sy oë is die een wat verwerp is, veragtelik, maar hy eer dié wat vir die HERE ontsag het. Al sweer hy tot sy nadeel, hy verander nie. Hy leen nie sy geld teen rente uit nie, en aanvaar nie 'n omkoopgeskenk ten koste van die onskuldiges nie. Hy wat hierdie dinge doen, sal nooit struikel nie.

PSALMS 15:1-5 Contemporary Afrikaans Bible 2023 (CAB23)

HERE, wie sal in u tabernakel vertoef? wie sal op U Heilige berg woon? Hy wat opreg wandel en geregtigheid doen en die waarheid in sy hart spreek. Hy wat nie met sy tong terugpraat en sy naaste geen kwaad doen nie en geen smaad teen sy naaste aanpak nie. In wie se oë 'n gemene persoon verag word; maar Hy eer die wat die HERE vrees. Hy wat tot sy eie skade sweer en nie verander nie. Hy wat sy geld nie op woeker uitsit en geen beloning teen die onskuldige neem nie. Hy wat hierdie dinge doen, sal nooit wankel nie.

PSALMS 15:1-5 Die Boodskap (DB)

Here, watter mens mag voor U kom staan? Wie mag in u huis instap, daar waar U spesiaal teenwoordig is? Iemand wat so optree dat U heeltemal tevrede is met wat hy doen, mag daar kom; ja, hy wat reg doen, wat U wil hê. So iemand praat altyd die waarheid. Hy skinder nie en praat nie sleg oor ander nie, en steek ook nie sy vriend in die rug nie. Dit is iemand wat nie dinge sê wat iemand anders seermaak nie. Hy hou ook nie van mense van wie God nie hou nie. Maar God se vriende is ook sy vriende; van hulle hou hy. Hy hou sy woord, al kos dit hom soms duur. Hy leen nie sy geld teen rente uit nie. Hy laat hom ook nie omkoop om verkeerde dinge te doen en onskuldiges te benadeel nie. Wie hierdie dinge doen, sal altyd vas bly staan.

PSALMS 15:1-5 Nuwe Lewende Vertaling (NLV)

HERE, wie mag dit waag om in u teenwoordigheid te kom? Wie mag woon op u heilige berg? Hy wat onberispelik lewe en doen wat reg is, met ’n opregte hart die waarheid praat; wat nie sy medemens belaster, hom benadeel, of van hom kwaadpraat nie; wat dié wat aanhou sondig, verfoei, húlle eer wat die HERE dien, en beloftes gestand doen selfs tot sy nadeel; wat nie geld op rente uitleen nie, en nie omkoopgeld teen onskuldiges aanvaar nie. ’n Mens wat so optree, sal vir altyd stewig staan.