PSALMS 139:16-18
PSALMS 139:16-18 Bybel vir almal (ABA)
U het my gesien voordat ek gebore is. Ek was nog nie een dag oud nie, toe het U klaar in u boek geskryf hoe lank ek sal lewe. O God, die dinge waaraan U dink, is vir my baie moeilik, ek kan dit nie verstaan nie, en U dink aan so baie dinge. As ek dit alles probeer tel, dan is dit meer as sand, en wanneer ek geslaap het en wakker word, dan dink ek nóg aan U.
PSALMS 139:16-18 Afrikaans 1933/1953 (AFR53)
U oë het my ongevormde klomp gesien; en in u boek is hulle almal opgeskrywe: dae dat alles bepaal was, toe nog geeneen van hulle daar was nie. Hoe kosbaar is dan vir my u gedagtes, o God! Hoe geweldig is hulle volle som nie! Wil ek hulle tel, hulle is meer as die sand; word ek wakker, dan is ek nog by U.
PSALMS 139:16-18 Afrikaans 1983 (AFR83)
U het my al gesien toe ek nog ongebore was, al my lewensdae was in u boek opgeskrywe nog voordat ek gebore is. Hoe wonderlik is u gedagtes vir my, o God, hoe magtig hulle almal! As ek hulle sou wou opnoem – hulle is meer as wat daar sand is, en as ek daarmee klaar is, sou ek nog steeds met U te doen hê.
PSALMS 139:16-18 Die Bybel 2020-vertaling (AFR20)
U oë het my vormloosheid gesien. En in u •boekrol is hulle almal opgeteken – dae wat beplan is, toe nie een daar was nie. En vir my, hoe kosbaar is u gedagtes, o God – hoe oorweldigend is die volle getal daarvan! As ek dit tel, is dit meer as die sand. Word ek wakker, dan is ek steeds by U.
PSALMS 139:16-18 Contemporary Afrikaans Bible 2023 (CAB23)
U oë het my goed gesien, maar tog onvolmaak; en in u boek is al my lede opgeskrywe wat gevorm is toe daar nog nie een van hulle was nie. Hoe kosbaar is u gedagtes ook vir my, o God! hoe groot is die som daarvan! As ek hulle tel, is hulle meer as die sand; as ek wakker word, is ek nog by jou.
PSALMS 139:16-18 Die Boodskap (DB)
Nog voordat ek mens geword het, het U my al beplan. U het my lewe toe al in u hand gehou. En U het besluit wat met my sou gebeur. God, dit troos my om te weet dat U alles in u hand hou. Die gedagte daaraan is net te groot om te verstaan. As ek dit probeer verstaan, besef ek my kop is te klein. En as ek klaar probeer dink het oor U, het ek nog steeds met U te doen.
PSALMS 139:16-18 Nuwe Lewende Vertaling (NLV)
U het my gesien voor ek gebore is. In u boek is alles opgeteken; elke dag is bepaal voordat een van hulle daar was. Kosbaar is u gedagtes vir my, o God! Hoe onmeetlik is die totaal! As ek dit sou moes tel, sou hulle meer wees as sandkorrels! Wanneer ek daarmee klaar is, sal ek nog steeds by U wees.