SPREUKE 6:12-15
SPREUKE 6:12-15 Afrikaans 1983 (AFR83)
Dit is 'n nikswerd mens, 'n mens vol onreg, wat altyd reg is om te lieg, om te bedrieg deur met die oog te knik, met die voet te beduie, met die vingers tekens te gee, wat altyd met 'n skelmstreek kom en voortdurend op kwaad uit is. Hy maak moeilikheid waar hy gaan. So 'n mens se ondergang kom skielik; hy stort ineen, en daar is nie herstel nie.
SPREUKE 6:12-15 Die Bybel 2020-vertaling (AFR20)
'n Deugniet van 'n mens, 'n boosdoener, is hy wat met 'n mond vol valsheid rondloop, wat met sy oë knik, tekens gee met sy voete, beduie met sy vingers, met 'n verdorwe hart die hele tyd kwaad stig en tweedrag saai. Daarom, onverwags kom sy teenspoed – plotseling word hy verpletter, sonder herstel.
SPREUKE 6:12-15 Die Boodskap (DB)
Daar is ’n mens aan wie jy net nooit ’n vat kan kry nie. Hy praat nou sus en later so. Sy woorde is bedrieglik. Jy kan nooit daarop peil trek nie. Met die trek van sy oë, die geskuifel van sy voete en die wys van sy vingers lei hy mense om die bos. In sy hart bedink hy heeltyd skelm planne. Waar hy is, is daar altyd rusie. ’n Skielike ramp sal hom nog tref. In ’n oogwink sal hy byna vernietig word. Hy sal nooit weer regkom nie.
SPREUKE 6:12-15 Bybel vir almal (ABA)
'n Slegte mens, 'n skurk, bedrieg oral mense, hy knip skelm sy oë, hy maak gebare met sy vingers en voete, hy dink altyd hoe hy mense kan bedrieg, hy laat mense twis met mekaar. Daarom, dit sal skielik sleg gaan met hom, hy sal vinnig seerkry, en niemand sal hom help nie.
SPREUKE 6:12-15 Afrikaans 1933/1953 (AFR53)
'n Deugniet, 'n kwaaddoener is hy wat met 'n valse mond rondloop, wat met sy oë knip, met sy voete beduie, met sy vingers tekens gee; in wie se hart valse streke is, wat altyd onheil bewerk en tweedrag saai. Daarom sal sy ondergang skielik kom, onvoorsiens sal hy verbreek word sonder dat daar genesing voor is.
SPREUKE 6:12-15 Contemporary Afrikaans Bible 2023 (CAB23)
'n Stout mens, 'n goddelose man, loop met 'n verkeerde mond. Hy knipoog met sy oë, hy praat met sy voete, hy leer met sy vingers; Bedrog is in sy hart, hy bedink onheil gedurigdeur; hy saai onenigheid. Daarom sal sy onheil skielik kom; skielik sal hy gebreek word sonder genesing.
SPREUKE 6:12-15 Nuwe Lewende Vertaling (NLV)
’n Nikswerd mens en ’n mens vol onreg verkoop altyd leuens. Hy knipoog vir sy maats, hy beduie met sy voet, hy gee met die vingers tekens van sy planne. Hy kom altyd met ’n skelmstreek. Hy maak moeilikheid so ver hy gaan. Maar so ’n mens se ondergang kom baie skielik. Hy stort in duie en niks kan hom dan red nie.