SPREUKE 5:22-23

Deel

SPREUKE 5:22-23 Die Bybel 2020-vertaling (AFR20)

Die goddelose – sy eie sondeskuld vang hom, en in die strikke van sy sonde word hy vasgeknel. Hy, hy sterf weens 'n gebrek aan vermaning, en deur die omvang van sy sotheid, verdwaal hy.

SPREUKE 5:22-23 Bybel vir almal (ABA)

Die sondes van 'n mens wat verkeerd doen, is soos 'n vangnet, dit vang hom. Sy sondes is soos toue wat hom vasdraai. Die mens wat verkeerd doen, sterf omdat hy nie wou leer nie, hy verdwaal omdat hy dom gebly het.

SPREUKE 5:22-23 Afrikaans 1933/1953 (AFR53)

Sy eie ongeregtighede vang hom, die goddelose, en in die vangstrikke van sy sonde word hy vasgehou. Hy sal sterf deur gebrek aan tug, en deur die grootheid van sy dwaasheid sal hy dwaal.

SPREUKE 5:22-23 Afrikaans 1983 (AFR83)

Die oortreding van die goddelose agterhaal hom, hy draai hom vas in sy sonde. Hy sterf deur sy gebrek aan selfbeheersing, sy dwaasheid het hom op die verkeerde pad gebring.

SPREUKE 5:22-23 Contemporary Afrikaans Bible 2023 (CAB23)

Sy eie ongeregtighede sal die goddelose self neem, en hy sal vasgehou word met die toue van sy sondes. Hy sal sterwe sonder tug; en in die grootheid van sy sotheid sal hy dwaal.

SPREUKE 5:22-23 Die Boodskap (DB)

Verkeerde dade vang ’n mens in aaklige strikke vas. Sonde is soos ’n tou wat jou so vasbind dat jy nooit weer los kan kom nie. Uiteindelik sterf jy omdat jy sonder dissipline geleef het. Jou dwase optrede sal jou jou lewe kos.

SPREUKE 5:22-23 Nuwe Lewende Vertaling (NLV)

Die goddelose mens se eie sondes maak van hom ’n gevangene. Dit draai hom vas in sy eie sonde. Hy kon homself nie beheer nie; daarom gaan hy sterf. Hy verdwaal omdat hy dwase dinge doen.