SPREUKE 31:11-12

Deel

SPREUKE 31:11-12 Bybel vir almal (ABA)

Haar man weet dat sy sal doen wat sy belowe het, hy weet dat sy goed altyd meer sal word. Sy laat dit goed gaan met hom, nie sleg nie, haar hele lewe lank.

SPREUKE 31:11-12 Afrikaans 1933/1953 (AFR53)

Bet. Die hart van haar man vertrou op haar, en aan wins sal dit hom nie ontbreek nie. Gimel. Sy doen aan hom goed, en nie kwaad nie, al die dae van haar lewe.

SPREUKE 31:11-12 Afrikaans 1983 (AFR83)

Haar man steun op haar en pluk die vrugte van haar werk. Sy bring vir hom net voordeel, nie nadeel nie, haar hele lewe lank.

SPREUKE 31:11-12 Die Bybel 2020-vertaling (AFR20)

Die hart van haar man vertrou op haar, en aan besittings sal dit hom nie ontbreek nie. Sy doen goed aan hom en nie kwaad nie, al die dae van haar lewe.

SPREUKE 31:11-12 Contemporary Afrikaans Bible 2023 (CAB23)

Die hart van haar man vertrou veilig op haar, sodat hy geen buit nodig het nie. Sy sal hom al die dae van haar lewe goed doen en nie kwaad nie.

SPREUKE 31:11-12 Die Boodskap (DB)

Haar man reken op haar en sy beteken baie vir hom. Haar hele lewe lank is sy goed vir hom. Wat nodig is vir die huis, dit kry sy.

SPREUKE 31:11-12 Nuwe Lewende Vertaling (NLV)

Haar man het volkome vertroue in haar. Hy pluk die vrugte van haar werk. Haar hele lewe lank bring sy vir hom net voordeel, nie ellende nie.