SPREUKE 17:14-15

Deel

SPREUKE 17:14-15 Die Bybel 2020-vertaling (AFR20)

Die begin van 'n stryd is water wat deurbreek. Laat dit vaar voor die getwis losbars! Hy wat 'n goddelose vryspreek, en hy wat 'n regverdige skuldig verklaar, is albei afstootlik vir die HERE.

SPREUKE 17:14-15 Bybel vir almal (ABA)

Twis begin soos wanneer water begin lek, dit is beter dat jy ophou voordat die twis begin. Die Here haat dit wanneer iemand sê dat 'n skuldige mens onskuldig is, en Hy haat dit wanneer iemand sê dat 'n onskuldige mens skuldig is.

SPREUKE 17:14-15 Afrikaans 1933/1953 (AFR53)

Die begin van 'n onenigheid is soos water wat jy laat deurbreek; daarom, laat die twis vaar voordat dit losbreek. Hy wat die goddelose regverdig verklaar en die regverdige skuldig verklaar, hulle altwee is vir die HERE 'n gruwel.

SPREUKE 17:14-15 Afrikaans 1983 (AFR83)

Om rusie te begin, is om 'n damwal te breek; staak liewer die getwis voor die vloed jou tref. Die Here het 'n afsku van wie die skuldige onskuldig verklaar én van wie die onskuldige skuldig verklaar.

SPREUKE 17:14-15 Die Bybel 2020-vertaling (AFR20)

Die begin van 'n stryd is water wat deurbreek. Laat dit vaar voor die getwis losbars! Hy wat 'n goddelose vryspreek, en hy wat 'n regverdige skuldig verklaar, is albei afstootlik vir die HERE.

SPREUKE 17:14-15 Contemporary Afrikaans Bible 2023 (CAB23)

Die begin van twis is soos wanneer 'n mens water laat uitgaan; laat dus die twis af voordat daar ingemeng word. Hy wat die goddelose regverdig, en hy wat die regverdige veroordeel, hulle is altwee vir die HERE 'n gruwel.

SPREUKE 17:14-15 Die Boodskap (DB)

’n Rusie begin altyd klein en word dan erger en erger. Dit is soos ’n damwal. Eers is die lek klein, en dan breek die wal. Keer die rusie voordat dit te ver gaan. Die Here hou niks van mense wat verkeerde dinge goedpraat en gelowiges afkraak nie.

SPREUKE 17:14-15 Nuwe Lewende Vertaling (NLV)

Om rusie aan die gang te sit, is soos om ’n sluis oop te trek. Staak liewer die stryery voor die vloed jou tref. Die HERE verafsku twee dinge: iemand wat die skuldige onskuldig verklaar; en iemand wat onskuldige mense skuldig verklaar.