SPREUKE 10:6-7

Deel

SPREUKE 10:6-7 Die Boodskap (DB)

Wie hard werk, is slim. Wie rondstaan, niks doen en skelm slaap, is ’n verleentheid. Van ’n gelowige kan goeie dinge gesê word. Lank na sy dood word hy nog onthou. Sy woorde leef nog in mense se hart. Slegte mense se woorde is vol haat en geweld. Niemand dink daaroor na nie. Hulle word ook gou vergeet.

SPREUKE 10:6-7 Bybel vir almal (ABA)

Mense seën 'n persoon wat reg lewe, maar wanneer die mens wat verkeerd doen, praat, dan probeer hy om ander mense seer te maak. Mense onthou 'n persoon wat reg gelewe het, maar niemand wil dink aan mense wat verkeerd gedoen het nie.

SPREUKE 10:6-7 Afrikaans 1933/1953 (AFR53)

Seëninge is daar op die hoof van die regverdige, maar die mond van die goddelose verberg geweld. Die nagedagtenis van die regverdige is tot seën, maar die naam van die goddelose vergaan.

SPREUKE 10:6-7 Afrikaans 1983 (AFR83)

Die regverdige word geseën. Daar steek geweld agter die mooi woorde van die goddeloses. Die nagedagtenis van dié wat reg doen, leef voort; die naam van dié wat verkeerd doen, word gou vergeet.

SPREUKE 10:6-7 Die Bybel 2020-vertaling (AFR20)

Seëninge is bedoel vir die kop van 'n regverdige, maar die mond van goddeloses verberg geweld. Herinnering aan 'n regverdige is tot seën, maar die roem van goddeloses verrot.

SPREUKE 10:6-7 Contemporary Afrikaans Bible 2023 (CAB23)

Seëninge is op die hoof van die regverdige, maar geweld bedek die mond van die goddelose. Die gedagtenis van die regverdige is geseënd, maar die naam van die goddelose sal verrot.

SPREUKE 10:6-7 Nuwe Lewende Vertaling (NLV)

Die regverdige word oorlaai met seëninge. Die slegte bedoelings van goddeloses steek hulle weg agter woorde. Dié wat reg lewe, sal lank onthou word. Hulle wat verkeerd gelewe het, sal gou vergeet word.