SPREUKE 1:5-6

Deel

SPREUKE 1:5-6 Bybel vir almal (ABA)

Wyse mense moet ook luister na die spreuke, sodat hulle nog meer sal weet. Verstandige mense moet leer, sodat hulle die spreuke en die slim dinge wat wyse mense sê, sal verstaan.

SPREUKE 1:5-6 Afrikaans 1933/1953 (AFR53)

laat die wyse luister, dan sal hy insig vermeerder, en die verstandige sal verstandige gedagtes verkry, om 'n spreuk en beeldspraak te verstaan, die woorde van die wyse manne en hulle raaisels.

SPREUKE 1:5-6 Afrikaans 1983 (AFR83)

Selfs wyse mense kan na die spreuke luister en so tot dieper insig kom. Wie reeds die nodige kennis het, kan die kuns aanleer om spreuke en sinspelings, woorde en raaisels van wyse mense te begryp.

SPREUKE 1:5-6 Die Bybel 2020-vertaling (AFR20)

– 'n wyse sal luister en geleerdheid vermeerder, en 'n verstandige sal leierskap verwerf – om 'n spreuk en 'n gesegde te begryp, die woorde van wyses en hulle raaisels.

SPREUKE 1:5-6 Contemporary Afrikaans Bible 2023 (CAB23)

'n Wyse man sal hoor, en hy sal meer geleerdheid; en 'n man van verstand sal tot wyse raadslae kom. Om 'n spreekwoord en die uitlegging te verstaan; die woorde van die wyses en hulle donker woorde.

SPREUKE 1:5-6 Die Boodskap (DB)

Dit wil die gelowiges wat klaar weet hoe om reg te leef, nog meer kennis gee en vir dié wat reeds insig het, nog meer lewensvaardighede. So sal hulle al die spreuke nog beter verstaan. Hulle sal snap wat wyse mense sê.

SPREUKE 1:5-6 Nuwe Lewende Vertaling (NLV)

Laat selfs hulle wat wys is, luister na die spreuke sodat hulle tot dieper insig kan kom. Wie reeds die nodige kennis het, kan die lewenskuns aanleer om die spreuke en sinspelings, die woorde en raaisels van wyse mense te begryp.