MARKUS 8:36-37

Deel

MARKUS 8:36-37 Afrikaans 1933/1953 (AFR53)

Want wat sal dit 'n mens baat as hy die hele wêreld win en aan sy siel skade ly? Of wat sal 'n mens gee as losprys vir sy siel?

MARKUS 8:36-37 Bybel vir almal (ABA)

As jy alles in die wêreld kry maar jy verloor jou lewe, dan help dit jou niks. Hoeveel sal 'n mens betaal vir sy lewe?

MARKUS 8:36-37 Afrikaans 1983 (AFR83)

Wat help dit 'n mens tog om die hele wêreld as wins te verkry en sy lewe te verloor? Wat sal 'n mens kan gee in ruil vir sy lewe?

MARKUS 8:36-37 Die Bybel 2020-vertaling (AFR20)

Wat baat dit 'n mens immers as hy die hele wêreld as wins bekom, maar sy lewe verloor? Wat sou 'n mens gee as losprys vir sy lewe?

MARKUS 8:36-37 Contemporary Afrikaans Bible 2023 (CAB23)

Want wat baat dit 'n mens as hy die hele wêreld win en sy eie siel skade ly? Of wat sal 'n mens gee in ruil vir sy siel?

MARKUS 8:36-37 Die Boodskap (DB)

Maar vra eers vir jouself die volgende vraag: Wat help dit as al die skatte in die wêreld joune is, maar daar is nie vir jou plek by God nie? ’n Mens kan nie vir jou ’n plek by God koop met al die geld in die wêreld nie.

MARKUS 8:36-37 Nuwe Lewende Vertaling (NLV)

Wat sal dit jou tog help as jy alles in die lewe bereik, maar jou diepste menswees ly skade? Jy sal met niks ter wêreld daarvoor kan vergoed nie.