MIGA 3:11
MIGA 3:11 Bybel vir almal (ABA)
Die leiers wat moet sê wat reg is, vra geld om dit te doen. Die profete wat moet sê wat sal gebeur, vra geld om dit te doen. Julle doen nie reg nie, maar julle sê die Here is by julle. Julle sê Hy sal dit goed laat gaan met julle.
MIGA 3:11 Afrikaans 1933/1953 (AFR53)
Sy hoofde spreek vonnisse uit vir 'n geskenk, en sy priesters gee onderrig vir loon, en sy profete is waarsêers vir geld. Nogtans steun hulle op die HERE en sê: Is die HERE nie in ons midde nie? Geen onheil sal ons wedervaar nie!
MIGA 3:11 Afrikaans 1983 (AFR83)
Jou leiers lewer uitspraak vir omkoopgeld, jou priesters gee onderrig teen salaris, jou profete maak voorspellings teen betaling, en tog verwag hulle hulp van die Here! Hulle sê: “Die Here is by ons, onheil sal ons nie tref nie.”
MIGA 3:11 Die Bybel 2020-vertaling (AFR20)
Haar leiers spreek 'n oordeel uit vir omkoopgeskenke! Haar priesters gee onderrig teen betaling! Haar profete maak voorspellings vir geld! Hulle steun nogal op die HERE en sê, ‘Is die HERE nie in ons midde nie? Geen onheil sal ons tref nie!’
MIGA 3:11 Contemporary Afrikaans Bible 2023 (CAB23)
Sy hoofde oordeel vir loon, en sy priesters leer vir loon, en sy profete waarsê vir geld; tog sal hulle op die HERE steun en sê: Is die HERE nie onder ons nie? geen onheil kan oor ons kom nie.
MIGA 3:11 Die Boodskap (DB)
Jou leiers word maklik omgekoop. Vir geld sorg hulle dat dit met die een mens goed gaan terwyl hulle ’n ander een skade aandoen as hy nie kan betaal nie. Julle priesters leer ook net mense as hulle kan betaal. Die profete vra geld om vir iemand te sê wat die Here sê. Tog sê almal van hulle dat hulle van die Here afhanklik is. Hulle sê: ‘So lank as wat die Here by ons in sy tempel is, sal niks vir ons verkeerd loop nie.’