LEVITIKUS 11:44-45
LEVITIKUS 11:44-45 Bybel vir almal (ABA)
Ja, Ek is julle God die Here. Julle moet julleself aan My wy en julle moet gewyd wees, want Ek is heilig. Nie een van die baie klein diertjies op die grond mag vir julle onrein laat word nie. Ja, Ek is die Here wat vir julle uit die land Egipte gebring het om vir julle 'n God te wees. Julle moet aan My gewy wees, want Ek is heilig.
LEVITIKUS 11:44-45 Afrikaans 1933/1953 (AFR53)
Want Ek is die HERE julle God; toon dan dat julle heilig is en wees heilig, want Ek is heilig; daarom, verontreinig julle self nie deur enige ongedierte wat op die aarde kruip nie. Want Ek is die HERE wat julle uit Egipteland laat optrek het om julle God te wees. So moet julle dan heilig wees, omdat Ek heilig is.
LEVITIKUS 11:44-45 Afrikaans 1983 (AFR83)
Ek is die Here julle God. Wy julle aan my diens en wees heilig, want Ek is heilig. Julle mag julle nie verontreinig met enige van die kleiner diertjies wat volop voorkom in die veld nie. Ek is die Here wat julle uit Egipte laat trek het sodat Ek julle God kan wees. Omdat Ek heilig is, moet julle ook heilig wees.
LEVITIKUS 11:44-45 Die Bybel 2020-vertaling (AFR20)
want Ek is die HERE, julle God. Julle moet julleself heilig hou. Wees heilig, want Ek is heilig. Julle mag julleself nie verontreinig met diere wat op die grond kruip nie, want Ek is die HERE wat julle uit Egipte laat optrek het om vir julle 'n God te wees. Wees dan heilig, want Ek is heilig.
LEVITIKUS 11:44-45 Contemporary Afrikaans Bible 2023 (CAB23)
Want Ek is die HERE julle God; daarom moet julle julself heilig en heilig wees; want Ek is heilig; en julle mag julle nie verontreinig met enige kruip wat op die aarde kruip nie. Want Ek is die HERE wat julle uit Egipteland laat optrek het om julle God te wees; daarom moet julle heilig wees, want Ek is heilig.
LEVITIKUS 11:44-45 Die Boodskap (DB)
Ek is die Here, Ek is julle God. Julle moet aan My getrou bly. Julle moet julleself vir My gee en lewe soos mense wat aan die grote God behoort. Moenie julleself vir My onaanvaarbaar maak en iets gaan eet wat op die grond rondkruip nie. Dit is Ek wat julle uit Egipte laat wegtrek het sodat Ek julle God kan wees en julle aan My kan behoort.
LEVITIKUS 11:44-45 Nuwe Lewende Vertaling (NLV)
Ek, die HERE, is jou God. Julle moet heilig wees omdat Ek heilig is. Moenie jouself onrein maak deur aan enige van die kruipende diere te raak nie. Ek, die HERE, is die Een wat jou uit Egipte laat trek het om jou God te wees. Jy moet daarom heilig wees omdat Ek heilig is.